Maharashtra News Highlights: “सैन्याचे मनोबल खच्ची करणे हेच काँग्रेस नेत्यांचे एकमेव काम”, देवेंद्र फडणवीस यांची टीका

सध्याची वेळ ही सरकारवर टीका करण्याची नाही. दहशतवादाविरोधातली ही लढाई आहे. शरद पवार यांनीही सांगितलं होतं की आम्ही सरकारवर टीका करणार नाही. हीच बाब आम्ही सांगत आहोत. आम्ही कुणावरही टीका करणार नाही. ही ती वेळ नाही. सध्याची वेळ देश म्हणून ऐक्य दाखवण्याची आहे असं सुप्रिया सुळेंनी म्हटलं आहे.

हिंदुहृदयसम्राट शिवसेनाप्रमुख बाळासाहेब ठाकरे यांना अटक करणाऱ्या छगन भुजबळ यांच्या मांडीला मांडी लावून बसताना वेदना कशा होत नाहीत? लाज कशी वाटत नाही? वगैरे प्रश्न तेव्हा एकनाथ शिंदे उद्धव ठाकरे यांना विचारत होते. मात्र, आता त्याच छगन भुजबळ यांचा महायुती सरकारच्या मंत्रिमंडळात समावेश झाला आहे. तेव्हा आता एकनाथ शिंदे यांच्या आयुष्यातील अत्यंत कसोटीचा क्षण आला आहे. ते आता भुजबळांच्या मांडीला मांडी लावून बसणार का, असा सवाल ठाकरे गटाचे मुखपत्र असलेल्या 'सामना'तून विचारण्यात आला आहे. एकनाथ शिंदे यांना मंत्रिमंडळात भुजबळांची 'मांडी' नको हा त्यांचा पण होता. मात्र आता भुजबळांची मंत्रिमंडळात एण्ट्री झाली आहे. भुजबळांच्या मंत्रिमंडळ प्रवेशाने फक्त भुजबळांची नव्हे, तर इतर अनेकांची शोकांतिका झाली. फडणवीस, एकनाथ मिंधे यांचे भुजबळांच्या मांडीशी वैर होते. त्यामुळे स्वतःची मांडी खाजविण्याऐवजी यापुढे या दोघांना भुजबळांची मांडी खाजवावी लागेल. शिंदे वगैरे लोकांनी शिवसेना सोडून अमित शहांचे नेतृत्व स्वीकारले त्यामागे जी कारणे दिली त्यात भुजबळांच्या मांडीला मांडी लावून बसणे जमणार नाही हे मुख्य कारण होते. शिवसेनाप्रमुखांना अटक करणाऱ्यांच्या वाऱ्यालाही उभे राहणार नसल्याचे त्यांनी सांगितले. आता मिंधे यांची अशी कोंडी अमित शहा व फडणवीस यांनी केली आहे की, शिवसेनाप्रमुखांवर खऱ्या निष्ठा असतील तर राजीनामा द्या, नाहीतर मंत्रिमंडळात भुजबळांच्या मांडीवरचे केस उपटत दिवस ढकला, असे 'सामना'च्या अग्रलेखात म्हटले आहे.