scorecardresearch

Maharashtra News : राज्यपालांच्या शिवरायांवरील वक्तव्यावर बोलताना उदयनराजे भावूक

Maharashtra Mumbai News Updates : राज्यभरातील विविध क्षेत्रांमधील ताज्या व महत्त्वपूर्ण घडामोडी वाचा फक्त एकाच क्लिकवर

Maharashtra News : राज्यपालांच्या शिवरायांवरील वक्तव्यावर बोलताना उदयनराजे भावूक
महाराष्ट्र न्यूज लाइव्ह

Latest Marathi News, 28 November 2022 : महाराष्ट्र नवनिर्माण सेनेचे अध्यक्ष राज ठाकरे यांनी शिवसेना(ठाकरे गट) पक्षप्रमुख उद्धव ठाकरे यांच्यावर केलेल्या टीकेला आज संजय राऊतांकडून प्रत्युत्तर देण्यात आलं आहे. याशिवाय राज्यपाल भगतसिंह कोश्यारी आणि भाजपा प्रवक्ते सुधांशु त्रिवेदी यांनी छत्रपती शिवाजी महाराजांबाबत केलेल्या वादग्रस्त वक्तव्यावरून भाजपा आणि मुख्यमंत्री एकनाथ शिंदे यांच्यावर टीका केली आहे.

तर “राज ठाकरेंचे विचार त्यांच्याबरोबर, माझे विचार माझ्याबरोबर आहेत. आम्ही स्पष्टपणे बोलतो. आमच्या ‘ओठात एक आणि पोटात एक’ अशी भावना कधीच नसते. हे बऱ्याच जणांना माहिती आहे. म्हणून मी माझ्या परीने सांगण्याचा प्रयत्न केला होता. कधी कधी आम्ही जे बोलतो ती आमची वैयक्तिक भूमिका असते, ती पक्षाची भूमिका नसते.” अजित पवार म्हणाल आहेत.

राज्यभरातील विविध क्षेत्रांमधील ताज्या व महत्त्वपूर्ण घडामोडी वाचा फक्त एकाच क्लिकवर

Live Updates

Maharashtra Live News, 28 November 2022 : राज्यभरातील विविध क्षेत्रांमधील ताज्या व महत्त्वपूर्ण घडामोडी वाचा फक्त एकाच क्लिकवर

17:26 (IST) 28 Nov 2022
गणपतीच का? ३३ कोटी देव अभ्यासक्रमात घ्या!

सावित्रीबाई फुले पुणे विद्यापीठाने अभ्यासक्रमाध्ये अथर्वशीर्षाचा समावेश केला आहे. मग केवळ गणपतीच का, ३३ कोटी देव आहेत. त्यांनाही अभ्यासक्रमात घ्या, अशी उपरोधिक टीका करून माजी उपमुख्यमंत्री छगन भुजबळ यांनी ‘कुठे घेऊन चाललो आपण शिक्षण’ असा सवाल सोमवारी उपस्थित केला.

सविस्तर वाचा

16:45 (IST) 28 Nov 2022
कल्याण रेल्वे स्थानकात प्रवाशांना लुटणारे तीन जण अटक

कल्याण रेल्वे स्थानकातील प्रवाशांच्या हातामधील, पिशवीतील किमती ऐवज चोरुन नेणाऱ्या तीन जणांना कल्याण लोहमार्ग पोलीस आणि रेल्वे सुरक्षा बळाच्या जवानांनी सोमवारी शिताफीने अटक केली. गेल्या काही महिन्यांपासून कल्याण रेल्वे स्थानकात प्रवाशांचे मोबाईल, हातामधील पैशाचा बटवा पळून नेण्याचे प्रकार वाढले आहेत.

सविस्तर वाचा

16:40 (IST) 28 Nov 2022
नागपूर: परिचारिकांनी लावल्या काळ्या फिती, कामबंदही करणार, जाणून घ्या काय आहेत कारणे?

महाराष्ट्र राज्य परिचारिका संघटनेच्या राज्याध्यक्षांवर शासनाने आकसापोटी बदलीची कारवाई केल्याचा आरोप करत नागपुरातील मेडिकल, मेयो, सुपरस्पेशालीटी रुग्णालयातील अनेक परिचारिका सलग तिसऱ्या दिवशी काळ्या फिती लावून सेवा देत आहेत. शासनाने तातडीने मागणी मान्य न केल्यास २९ नोव्हेंबरपासून संघटनेने कामबंदचा इशारा दिला आहे.

सविस्तर वाचा

16:01 (IST) 28 Nov 2022
मुंबई: रेल्वे पोलिसांवरच लक्ष्य ठेवण्याची वेळ

मध्य आणि पश्चिम रेल्वे स्थानकातील रेल्वे पोलीस प्रवाशांची लूट होत असल्याचा तक्रारी वाढत असून परिणामी रेल्वे पोलिसांवर आता लोहमार्ग अतिरिक्त पोलीस महासंचालक लक्ष्य ठेवणार असून अचानकपणे तपासणी करून सर्व प्रकाराचा छडा लावण्यात येणार आहे. त्यामुळे अमली पदार्थांची तस्करी करणाऱ्या, अवैध वस्तू बाळगणाऱ्या प्रवाशांना कायद्याचा धाक दाखवून पैसे उकळणाऱ्या रेल्वे पोलिसांवर टांगती तलवार असणार आहे.

सविस्तर वाचा

15:12 (IST) 28 Nov 2022
बदल्यांवरून राज्यातील पोलीस दलातील वरिष्ठ अधिकाऱ्यांमध्ये खदखद, कारणे कोणती?

नुकताच गृहमंत्रालयाकडून राज्य पोलीस दलातील पोलीस अधीक्षक-उपायुक्त दर्जाच्या अधिकाऱ्यांच्या बदल्या करण्यात आल्या. परंतु, या बदल्यामध्ये अनेक पोलीस अधिकाऱ्यांवर गृहमंत्रालयाने अर्थकृपा केली तर ठराविक अधिकाऱ्यांना वारंवार साईड पोस्टींगला ठेवले.

सविस्तर वाचा

15:04 (IST) 28 Nov 2022
ठाणे: कामगार नेते राजन राजे यांच्याविरोधात गुन्हा दाखल

मुरबाड तालुक्यातील सायले येथील डोईफोडी नदीपात्रात बेकायदेशीरपणे विहीर बांधकाम केल्याप्रकरणी तलाठी संतोष पवार यांनी दिलेल्या तक्रारीच्या आधारे कामगार नेते आणि धर्मराज्य पक्षाचे अध्यक्ष राजन राजे यांचा मुलगा ऋग्वेद यांच्याविरोधात टोकावडे पोलीस ठाण्यात गुन्हा दाखल झाला होता. त्यापाठोपाठ आता याचप्रकरणात राजन राजे यांच्याविरोधातही गुन्हा दाखल करण्यात आला आहे.

सविस्तर वाचा

14:29 (IST) 28 Nov 2022
‘भारत जोडो’चे पडद्यामागील किस्से आणि व्यवस्थापन यंत्रणेचे अनुभव

नागपूर : ‘भारत जोडो’ यात्रेबाबत रोज नवनवीन पैलू समोर येत आहेत. यात्रेत सहभागी किंवा यात्रेशी प्रत्यक्ष, अप्रत्यक्ष सबंध आलेले आता राहुल गांधीविषयी भरभरून बोलतात. यात्रेदरम्यान राहुल गांधींनी स्थानिक लोकांमध्ये मिसळून त्यांचे दु:ख कसे जाणून घेतले, स्थानिक पदार्थांची आग्रहपूर्वक चव कशी घेतली, याचे किस्से सांगतात. बातमी वाचा सविस्तर…

14:13 (IST) 28 Nov 2022
शाब्बास गुरुजी! पालिकेच्या शाळेत अभिनव उपक्रम, टाकाऊ वस्तूंपासून बनवलं रायफल शूटिंग प्रशिक्षण केंद्र!

पिंपरी- चिंचवड : पिंपरी- चिंचवड महानगर पालिकेच्या थेरगाव येथील माध्यमिक शाळेत मोफत रायफल शूटिंगचे प्रशिक्षण दिले जात आहे. विशेष म्हणजे या शाळेतील मुख्याध्यापक चंद्रशेखर कदम यांनी मोडकळीस आलेले टेबल आणि इतर टाकाऊ साहित्य वापरून रायफल शूटिंग प्रशिक्षण केंद्र तयार केले आहे. बातमी वाचा सविस्तर…

14:12 (IST) 28 Nov 2022
उरण: जासई उड्डाणपुलाचे आठ वर्षांपासून रखडलेले काम पूर्ण होण्यास २०२३ उजाडणार

उरण : उरण ते पनवेल व नवी मुंबई यांना जोडणाऱ्या जासई येथील उड्डाणपुलाचे काम आठ वर्षांपासून रखडले असून येत्या मार्च २०२३ ला हा पूल प्रवासी वाहतुकीसाठी खुला केला जाणारा असल्याची माहिती भारतीय राष्ट्रीय महामार्ग प्राधिकरणाच्या अधिकाऱ्यांनी दिली आहे. बातमी वाचा सविस्तर…

14:12 (IST) 28 Nov 2022
लव्ह जिहाद विरोधी कायद्यासाठी हिंदू संघटनांचा नाशिकमध्ये मूक मोर्चा

लव्ह जिहाद विरोधी कायदा तात्काळ करावा आणि धर्मांतर विरोधी कायदाही लागू करावा, दिल्ली सारखी घटना रोखण्यासाठी केंद्र व राज्य सरकारने पुढाकार घ्यावा, या मागणीसाठी हिंदू संघटनांच्यावतीने सोमवारी शहरात मूक मोर्चा काढण्यात आला. बातमी वाचा सविस्तर…

14:11 (IST) 28 Nov 2022
वसई: बँक दरोडयातील फरार आरोपी अनिल दुबे अखेर अटकेत

पोलिसांच्या तावडीतून फरार झालेला बँक दरोडा आणि हत्या प्रकरणातील आरोपी अनिल दुबे याला गुन्हे शाखा ३ च्या पथकाने वसईतून अटक केली आहे. शुक्रवारी दुपारी त्याला वसई न्यायालयात आणले असताना पोलिसांना गुंगारा देऊज तो पळून गेला होता. बातमी वाचा सविस्तर…

14:11 (IST) 28 Nov 2022
नागपूर: कॉंग्रेसच्या दोन माजी मंत्र्यांचे आंदोलन कशासाठी?

काँग्रेस नेते व माजी मंत्री सुनील केदार आणि राजेंद्र मुळक यांच्या नेतृत्वात नागपुरात आंदोलन झाले. जिल्हा परिषद उपाध्यक्षच्या शासकीय निवास स्थानाजवळ शिंदे- भाजप सरकारच्या विरोधात घोषणा देण्यात आल्या. बातमी वाचा सविस्तर…

14:10 (IST) 28 Nov 2022
“ती धडपडतेय उपचारासाठी, तिच्या बछड्यांसाठी पण…”, ताडोबातील वाघिणीची ह्रदयद्रावक कथा

नागपूर: ती प्रचंड जखमी झाली आहे. तिला उपचाराची नितांत गरज आहे. मागचा पाय जवळजवळ खराब झाला आहे. पंजाचे हाड देखील खराब झाले आहे. बातमी वाचा सविस्तर…

14:10 (IST) 28 Nov 2022
भंडारा: ‘द बर्निंग ट्रक’; लाखनी उड्डाणपुलावरील थरार

पहाटे दोन वाजताची वेळ. थंडीमुळे सर्वत्र शुकशुकाट. लाखनी उड्डाणपुलावर वाहनांची तुरळक गर्दी. अशातच, एक ट्रक उड्डाणपुलावर धावत असतानाच अचानक पेट घेतो. पाहता पाहता ट्रकला लागलेली आग रौद्ररूप धारण करते. जिल्ह्यातील लाखनी उड्डाणपुलावर सोमवारी पहाटे दोन वाजताच्या सुमारास ‘बर्निंग ट्रक’चा थरार अनेकांनी अनुभवला. बातमी वाचा सविस्तर…

14:05 (IST) 28 Nov 2022
Maharashtra-Karnataka Border Dispute : मंत्री चंद्रकांत पाटील, शंभुराज देसाई ३ डिसेंबरला बेळगावला जाणार

मागील काही दिवासंपासून महाराष्ट्र-कर्नाटक सीमावादाचा मुद्दा पुन्हा एकदा चर्चेत आला आहे. कर्नाटकचे मुख्यमंत्री बोम्मईंच्या वक्तव्यांनंतर महाराष्ट्रातील सर्वपक्षीय नेत्यांनी टीका केली आहे. यावरून राजकीय वातावरणही चांगलच तापलं आहे. तर सीमा भागातील नागरिकांचे प्रश्न सोडवण्यासाठी महाराष्ट्र सरकारने चंद्रकांत पाटील आणि शंभुराज देसाई यांच्यावर विशेष जबाबदारी सोपवली आहे. या पार्श्वभूमीवरच आता हे दोन्ही मंत्री बेळगावला जाणार आहेत. चंद्रकांत पाटील यांनी ट्वीटद्वारे यासंदर्भात माहिती दिली आहे. वाचा सविस्तर बातमी…

13:34 (IST) 28 Nov 2022
पिंपरीतील नागरी प्रश्नांवरून राष्ट्रवादीचा भाजपवर हल्लाबोल

आगामी पिंपरी पालिका निवडणुकांच्या पार्श्वभूमीवर राष्ट्रवादी काँग्रेसने विभागीय मेळावे सुरू केले असून त्याद्वारे शहरातील नागरी प्रश्नांवरून भाजपला लक्ष्य केले आहे. पाणीपुरवठा, रेडझोन, खंडित विजपुरवठा, लघुउद्योगांच्या समस्या आदी मुद्द्यांवर राष्ट्रवादीने भाजपवर हल्लाबोल केला आहे.

सविस्तर वाचा

13:28 (IST) 28 Nov 2022
प्रक्रिया न केलेल्या सोन्याच्या मोहाला सराफ बळी; भामट्याने सराफाला लुटले

१५ लाखांची रोकड आणि ३०० ग्रॅम अस्सल सोन्याच्या मोबदल्यात ७८० ग्रॅम वजनाचे प्रक्रिया न केलेले सोने देतो असे सांगून एका भामट्याने सराफाची फसवणूक केल्याचा प्रकार भिवंडीतील पारनाका परिसरात उघडकीस आला आहे. याप्रकरणी भिवंडी शहर पोलीस ठाण्यात गुन्हा दाखल करण्यात आला असून पोलीस आरोपीचा शोध घेत आहेत.

सविस्तर वाचा

13:07 (IST) 28 Nov 2022
“छत्रपती संभाजीराजे, उदयनराजेंनी जी भूमिका घेतली, ती भूमिका म्हणजे…”; संजय राऊतांचं विधान!

“छत्रपती शिवरायांविषयी वादग्रस्त विधान केल्यानंतर अद्याप कोश्यारी यांच्यावर कोणतीही कारवाई करण्यात आलेली नाही. सरकारला शिवभक्तांच्या भावना समजत नसतील तर उठाव होणारच.”, असे म्हणत संभाजीराजे छत्रपती यांनी भाजपा आणि केंद्र सरकारला इशारा दिला आहे. यावर संजय राऊतांनी प्रतिक्रिया दिली आहे. वाचा सविस्तर बातमी…

13:05 (IST) 28 Nov 2022
“राजकारण म्हणजे मिमिक्री नाही, आपण आता…”; राज ठाकरेंच्या टीकेला संजय राऊतांकडून प्रत्युत्तर!

महाराष्ट्र नवनिर्माण सेनेचे अध्यक्ष राज ठाकरे यांनी शिवसेना(ठाकरे गट) पक्षप्रमुख उद्धव ठाकरे यांच्यावर केलेल्या टीकेला आज संजय राऊतांकडून प्रत्युत्तर देण्यात आलं आहे. याशिवाय राज्यपाल भगतसिंह कोश्यारी आणि भाजपा प्रवक्ते सुधांशु त्रिवेदी यांनी छत्रपती शिवाजी महाराजांबाबत केलेल्या वादग्रस्त वक्तव्यावरून भाजपा आणि मुख्यमंत्री एकनाथ शिंदे यांच्यावर टीका केली आहे. वाचा सविस्तर बातमी…

13:04 (IST) 28 Nov 2022
महापुरुषांच्या विषयावर राज ठाकरेंनी तुमचं ऐकलं का? अजित पवार म्हणाले, “ओठात एक आणि…”

राज्याचे विरोधी पक्षनेते अजित पवार यांनी महापुरुषांचे विषय काढून वाद नको, अशी भूमिका घेतली. त्यानंतर मनसे प्रमुख राज ठाकरे यांनीही रविवारी (२८ नोव्हेंबर) आपल्या सभेत अशीच भूमिका घेतली. यानंतर पत्रकारांनी अजित पवारांना महापुरुषांच्या विषयावर राज ठाकरेंनी तुमचं ऐकलं का? अशी विचारणा केली. त्यावर अजित पवारांनी आपली भूमिका स्पष्ट केली. ते सोमवारी (२८ नोव्हेंबर) पुण्यात माध्यमांशी बोलत होते. वाचा सविस्तर बातमी…

13:03 (IST) 28 Nov 2022
भाजपाच्या ‘आराध्य दैवतां’कडून शिवरायांचा अपमान; स्वाभिमानाच्या गोष्टी करून गेले ते किती वेळ हात चोळत बसणार? – संजय राऊत

शिवसेना(ठाकरे गट) नेते संजय राऊत यांनी आज पुन्हा एकदा राज्यपाल भगतसिंह कोश्यारी आणि भाजपा प्रवक्ते सुधांशु त्रिवेदी यांनी छत्रपती शिवाजी महाराजांबाबत केलेल्या वादग्रस्त वक्तव्यावरून भाजपा आणि मुख्यमंत्री एकनाथ शिंदे यांच्यासह शिवसेनेतून बाहेर पडलेल्या आमदारांवर टीका केली. वाचा सविस्तर बातमी…

sanjay raut eknath shinde

“आम्ही वाट बघतोय की छत्रपती शिवाजी महाराजांचा एवढा अपमान होऊन सुद्धा हे सरकार, मुख्यमंत्री, उपमुख्यमंत्री, मंत्रिमंडळ, आमदार जे स्वाभिमानाच्या गोष्टी करून पक्ष सोडून गेले ते आमदार हे अजुन हात चोळत कसे बसले आहेत, किती वेळ बसणार आहेत हात चोळत, तोंड शिवून? हे आम्ही पाहतो आहोत, महराष्ट्राला आम्ही दाखवतो आहोत. असं संजय राऊत म्हणाले आहेत.

First published on: 28-11-2022 at 13:01 IST

संबंधित बातम्या