Maharashtra News Updates : छत्रपती शिवाजी महाराज टर्मिनस येथे मॉक ड्रीलचा सराव सुरू

जर सरकारची भूमिका युद्धाची असेल, तर काँग्रेस म्हणून आमची भूमिका नक्कीच त्यांना समर्थन द्यायची आहे. पण यात वेळ का घालवला जातोय. सध्या युद्ध फक्त वृत्तवाहिन्यांवरच चालू आहे. प्रत्यक्ष युद्ध करून पाकिस्तानला धडा शिकवण्याची गरज आहे. सरकारनं ते तातडीनं करावं. मॉक ड्रील वगैरे फक्त देखावा ठरू नये. लढाई करा आणि विषय संपवून टाका. इंदिरा गांधींनी पाकिस्तानचे दोन तुकडे केले होते आणि लाहोरपर्यंत सैन्य घुसवलं होतं. ही ताकद त्या काळात होती. आता तर आपला देश कोणत्याही युद्धासाठी समृद्ध झालेला आहे. युद्धाची आपल्या देशाची शक्ती प्रचंड मोठी आहे. १४० कोटींचा हा देश आहे. भारतानं सीमेवर सूसू केली तरी ते वाहून जातील. एक घाव, दोन तुकडे करून टाका - विजय वडेट्टीवार

स्थानिक स्वराज्य संस्थांच्या निवडणुकीत महयुती एकत्रित लढेल. एखाद्या ठिकाणी एखादा वेगळा निर्णय स्थानिक स्तरावर होऊ शकतो. पण धोरण म्हणून स्थानिक स्वराज्य संस्थांच्या निवडणुका महायुती एकत्र लढेल - देवेंद्र फडणवीस, मुख्यमंत्री, महाराष्ट्र राज्य

अष्टविनायक मंदिरांचा जीर्णोद्धार - १४७ कोटी, तुळजाभवानी मंदिर विकास आराखडा - १८६५ कोटी, ज्योतिबा मंदिर विकास आराखडा -२५९ कोटी, त्र्यंबकेश्वर विकास आराखडा - २७५ कोटी रुपये, महालक्ष्मी मंदिर विकास आराखडा - १४४५ कोटी, माहुरगड विकास आराखडा - ८२९ कोटी असे ५५०३ कोटी रुपयांच्या प्रकल्पांना मान्यता दिली आहे - देवेंद्र फडणवीस, मुख्यमंत्री, महाराष्ट्र राज्य

अहिल्यानगरमधील चौंडी या गावी आज राज्य मंत्रिमंडळाची विशेष बैठक आयोजित करण्यात आली आहे. अनेक वर्षांनंतर पहिल्यांदाच अशा प्रकारे ग्रामीण भागात राज्य मंत्रिमंडळाची बैठक बोलावण्यात आली आहे. या पार्श्वभूमीवर या बैठकीत नेमके कोणते निर्णय घेतले जाणार? याबाबत चर्चेला उधाण आलं आहे. पुण्यश्लोक अहिल्यादेवी होळकर यांच्या त्रिशताब्दी महोत्सवाच्या पार्श्वभूमीवर ही बैठक होणार आहे.