Maharashtra News Updates: VSR कंपनीविरोधात ४ सप्टेंबरला पुरावे देणार, रोहित पवारांची पोस्ट चर्चेत

बारामतीमध्ये उभारण्यात आलेल्या दिवंगत उपमुख्यमंत्री अजित पवार यांच्या पूर्णाकृती पुतळ्याला महिलांनी राखी बांधून रक्षाबंधन साजरी केल्याच्या घटना समोर आल्या आहेत आणि याचे व्हिडिओ सोशल मीडियावर मोठ्या प्रमाणावर व्हायरल झाले आहेत.

रक्षाबंधनाचे औचित्य साधून महाराष्ट्राचे मुख्यमंत्री देवेंद्र फडणवीस, मनसे अध्यक्ष राज ठाकरे, धनंजय मुंडे आणि आशिष शेलार यांच्यासह राज्यातील विविध राजकीय नेत्यांनी रक्षाबंधनाचा सण मोठ्या उत्साहात साजरा केला आहे.

तर दुसरीकडे, राज्यात रिक्षा व टॅक्सी चालकांसाठी मराठीची सक्ती करण्याच्या निर्णयाची अंमलबजावणी सुरू होऊन आठवडा झाला नाही, तोच हा निर्णय स्थगित करण्याची नामुष्की महायुती सरकारवर आली आहे. हिंदी भाषिकांच्या दबावापुढे माघार घेत या कारवाईला वर्षभरासाठी स्थगिती देण्याची घोषणा मुख्यमंत्री देवेंद्र फडणवीस यांनी केली आहे. यावरच, जर रिक्षाचालक हिंदीत बोलले तर ‘मनसे प्रसाद’ देणार आणि परप्रांतीय रिक्षाचालकांनी मराठीत संभाषण न केल्यास मनसे शैलीत चोप देणार, असा इशारा अमित ठाकरे यांनी दिला आहे.

नेपाळ-तिबेट परिसरात भूकंप, पूर आणि भूस्खलनामुळे निर्माण झालेल्या गंभीर परिस्थितीच्या पार्श्वभूमीवर, महाराष्ट्रातील अडकलेल्या पर्यटकांचा शोध घेण्यासाठी राज्य सरकारने हालचाली सुरू केल्या आहेत. राज्यातील नागरिकांना आवश्यक मदत मिळवून देण्यासाठी राज्याची आपत्ती व्यवस्थापन यंत्रणा २४ तास सतर्क असल्याची माहिती आपत्ती व्यवस्थापन मंत्री गिरीश महाजन यांनी दिली.

महाराष्ट्रातील राजकीय आणि इतर घडामोडी जाणून घ्या. राज्यातील पावसाचे आणि राजकीय घडामोडींचे प्रत्येक अपडेट सर्वात आधी मिळवण्यासाठी वाचत राहा आमचा हा ‘महाराष्ट्र लाईव्ह ब्लॉग’…