maharashtra breaking news live weather updates political crisis uddhav thackeray eknath shinde pankaja munde sharad pawar shivsena mva bjp latest marathi news | Loksatta

Maharashtra Breaking News : ठाणे रेल्वेस्थानकात तांत्रिक बिघाड, कल्याणच्या दिशेने जाणाऱ्या गाड्या थांबविल्या

Maharashtra Political Crisis Updates : राज्यातील राजकारण, न्यायालयीन घडामोडी आणि अन्य बातम्या वाचा एकाच ठिकाणी.

Maharashtra Breaking News : ठाणे रेल्वेस्थानकात तांत्रिक बिघाड, कल्याणच्या दिशेने जाणाऱ्या गाड्या थांबविल्या
महाराष्ट्र ब्रेकिंग न्यूज

Maharashtra Breaking News Updates, 30 September 2022 : राज्यात सध्या शिवसेनेच्या दसरा मेळाव्यावरून जोरदार चर्चा सुरू आहे. शिवाजी पार्क मैदानावर उद्धव ठाकरे यांचा पारंपारिक दसरा मेळावा होणार आहे. तर, शिंदे गटाचा दसरा मेळावा बीकेसी मैदानावर होणार आहे. या पार्श्वभूमीवर मोठ्या संख्येने गर्दी जमवण्यासाठी दोन्ही गटांकडून जोरदार ताकद लावली जात आहे. तसेच,मागील काही दिवसांपासून सातत्याने चर्चेत असणाऱ्या भाजपाच्या नेत्या पंकजा मुंडेंसंदर्भात राष्ट्रवादी काँग्रेसचे आमदार अमोल मिटकरी यांनी मोठं विधान केलं आहे. पंकजा मुंडे या भाजपामध्ये अस्वस्थ असून त्या लवकरच भाजपाला सोडचिठ्ठी देतील असं मिटकरींनी म्हटलं आहे.

मुंबई महापालिकेचे कर्मचारी, शिक्षक आणि बेस्ट बस कर्मचाऱ्यांना २२ हजार ५०० रुपयांचा दिवाळी बोनस जाहीर करण्यात आला आहे. आरोग्य सेविकांना एक पगार दिवाळी बोनस म्हणून दिला जाईल, अशी माहिती राज्याचे मुख्यमंत्री एकनाथ शिंदे यांनी दिली आहे.

यासह अन्य सर्व घडामोडींचा आढावा एका क्लिकवर

Live Updates

Maharashtra Latest News Updates, 30 September 2022 : राज्यभरातील अन्य सर्व घडामोडींचा आढावा वाचा एका क्लिकवर

19:32 (IST) 30 Sep 2022
ठाणे रेल्वे स्थानकात तांत्रिक बिघाड, कल्याणच्या दिशेने जाणाऱ्या गाड्या थांबविल्या

ठाणे रेल्वे स्थानकात मागील अर्ध्या तासापासून तांत्रिक बिघाड झाला आहे. या तांत्रिक बिघाडामुळे कल्याणच्या दिशेने जाणाऱ्या गाड्या थांबविण्यात आल्या आहेत. ज्यामुळे मध्य रेल्वेने प्रवास करणाऱ्या प्रवाशांना अडचणींना सामना करावा लागत आहे.

18:15 (IST) 30 Sep 2022
ठाण्यात मुले पळविणाऱ्या टोळीच्या अफवेतून एकाला बेदम मारहाण

ठाणे : दिवा येथे मुले पळविणाऱ्या टोळीच्या अफवेतून एकाला बेदम मारहाण करण्यात आल्याचा प्रकार गुरुवारी उघडकीस आला आहे. याप्रकरणी तरुणाने दिलेल्या तक्रारीच्या आधारे चार जणांविरोधात मुंब्रा पोलीस ठाण्यात गुन्हा दाखल करण्यात आला आहे. बातमी वाचा सविस्तर …

18:10 (IST) 30 Sep 2022
भाजी, फळे,भांडी फिरून विकणारे सर्वांनाच माहिती आहेत , आता तर दारूही फिरून विकणारे मिळताहेत वाचा काय आहे किस्सा

भाजी फळे अगदी छोट्या गावात तालुक्यात दही सुद्धा  फिरून विकणारे फेरीवाली सर्वत्र आढळून येतात.एवढेच काय  कपड्यावर भांडी विकणारी भोवारीण आजही ग्रामीण भागात आढळून येते. मात्र उरण पनवेल परिसरात अशाच पद्धतीने मद्य विकले जाते.वाचून आश्चर्य वाटले ना? पण हे सत्य आहे असाच फिरून मद्य विकणाऱ्या एका व्यक्तीला पोलिसांनी पकडले असून त्याच्या कडून २१ देशी दारूच्या बाटल्याही जप्त केल्या आहेत.

सविस्तर वाचा…

17:36 (IST) 30 Sep 2022
चंद्रपुरात सारस पक्षी आणण्याचा प्रस्ताव

चंद्रपूर : जिल्हाधिकारी अजय गुल्हाने यांच्या अध्यक्षतेखाली २ फेब्रुवारी २०२२ ला ९ सदस्यीय समितीची स्थापना करण्यात आली. अनेक बैठक व चर्चा होऊन आता सारस संवर्धन आराखडा तयार करण्यात आला आहे. त्यात जिल्ह्यातून नामशेष झालेला सारस पक्षी पुन्हा चंद्रपुरात आणण्यात यावा, असा प्रस्ताव पाठविण्यात आला आहे. बातमी वाचा सविस्तर …

17:16 (IST) 30 Sep 2022
चंद्रपूर : ७० वर्षांची जुनी तीन मजली इमारत कोसळली

शहरातील घुटकाळा वार्ड परिसरात असलेल्या तुकडोजी महाराज यांच्या पुतळ्यासमोरील एका गल्लीत ७० वर्षीय जुनी तीन मजली इमारत कोसळल्याची धक्कादायक घटना शुक्रवारी २.३० वाजताच्या सुमारास घडली. बातमी वाचा सविस्तर …

16:56 (IST) 30 Sep 2022
‘मुख्यमंत्री वा माझ्याशिवाय कोणाचे ऐकू नका’; म्हाडा, ‘झोपुʼ प्राधिकरणाला उपमुख्यमंत्र्यांचे आदेश

महाराष्ट्र गृहनिर्माण व क्षेत्रविकास प्राधिकरण म्हणजेच म्हाडा तसेच झोपडपट्टी पुनर्वसन प्राधिकरणाच्या अधिकाऱ्यांनी मुख्यमंत्री किंवा आपण थेट सांगितले तरच ते काम करावे. अन्य कुणाचे आदेश मानू नयेत, अशा स्पष्ट सूचना उपमुख्यमंत्री देवेंद्र फडणवीस यांनी बैठकीत दिल्या आहेत. म्हाडा व झोपु प्राधिकरणाची आढावा बैठक म्हाडाच्या गृहनिर्माण भवनात बोलविण्यात आली होती. सविस्तर वाचा…

16:53 (IST) 30 Sep 2022
नालासोपाऱ्यात बसला लागली आग ; चालकाच्या प्रसंगावधानामुळे अर्नथ टळला

विरार : नालासोपारा येथे वसई विरार महापालिकेच्या परिवनह सेवेला शुक्रावरी दुपारी अचानक आग लागली. मात्र चालकाने प्रसंगावधान दाखवत बस थांबवून प्रवाशांना बाहेर काढल्याने जिवितहानी टळली. बातमी वाचा सविस्तर …

16:32 (IST) 30 Sep 2022
ठाणे जिल्ह्यात पहिल्यांदाच हृदय प्रत्यारोपण ; ३९ वर्षीय रुग्णाचे यशस्वीरित्या हृदय प्रत्यारोपण

प्रकृती अतिशय गंभीर असलेल्या भिकाजी निर्गुणे (३९) यांची ठाण्यातील ज्युपिटर रुग्णालयात हृदय प्रत्यारोपण शस्त्रक्रिया यशस्वी पार पडली. ठाणे जिल्ह्यात पहिल्यांदाच अशापद्धतीची शस्त्रक्रिया पार पडली आहे. भिकाजी यांना एकप्रकारे हा दुसरा जन्मच असल्याचे त्यांचे कुटुंबिय सांगत होते. सविस्तर वाचा…

16:23 (IST) 30 Sep 2022
ठाणे पालिकेच्या सफाई कामगारांवर आता जीपीएस प्रणालीद्वारे नजर

ठाणे : महापालिका क्षेत्रातील सफाई कामगारांना एका खासगी कंपनीच्या माध्यमातून स्मार्ट घड्याळ देण्याचा निर्णय पालिका प्रशासनाने घेतला असून त्यातील जीपीएस प्रणालीद्वारे कर्मचारी त्याच्या नेमुन दिलेल्या ठिकाणी काम करतो आहे की नाही, याची माहीती प्रशासनाला उपलब्ध होणार आहे. बातमी वाचा सविस्तर …

16:10 (IST) 30 Sep 2022
डोंबिवलीत भाजप कार्यकर्त्याला मारण्याची धमकी

डोंबिवली : डोंबिवलीतील भाजपचे कार्यकर्ते कृष्णा परुळेकर यांना गुरुवारी दुपारी एका इसमाने धक्काबुक्की करुन मारहाण केली. नेहरु रस्त्यावरील रेल्वे पादचारी पुलाजवळ हा प्रकार घडला. परुळेकर यांनी रामनगर पोलीस ठाण्यात तक्रार केली आहे. बातमी वाचा सविस्तर …

15:48 (IST) 30 Sep 2022
बुडत्या काँग्रेसच्या आधाराने शिल्लक सेना वाचविण्याची धडपड! ; दसरा मेळाव्यासाठी काँग्रेसी गर्दीची तडजोड ; भाजपाचे प्रदेश सरचिटणीस मुरलीधर मोहोळ यांची टीका

महाराष्ट्राच्या राजकारणातून अस्तित्व पुसले जाण्याच्या भीतीने उद्धव ठाकरे यांच्या पायाखालची वाळू सरकू लागली असून बुडत्या काँग्रेसला वाचविण्यासाठी शिल्लक सेनेचा हात पुढे करण्याची ठाकरे यांची तडजोड आता दोन्ही पक्षांना बुडविणार आहे, अशी घणाघाती टीका  भाजपचे प्रदेश सरचिटणीस मुरलीधर मोहोळ यांनी केली आहे. सविस्तर वाचा…

15:41 (IST) 30 Sep 2022
गोळवलीतील रहिवासी नाल्यातील रासायनिक सांडपाण्याने हैराण

डोंबिवली : डोंबिवली एमआयडीसीतील विको नाका येथील रस्ते कामासाठी खोदण्यात आलेली माती, दगड बाजुच्या नाल्यात पडली आहे. हा नाला मातीने भरुन गेल्याने एमआयडीसीतून वाहून येणारे सांडपाणी विको नाका भागात जागोजागी तुंबून राहत असल्याने गोळवली, विको नाका परिसरात राहत असलेले रहिवासी, व्यापारी, हाॅटेल चालक हैराण आहेत. बातमी वाचा सविस्तर …

15:30 (IST) 30 Sep 2022
Mobile Ticketing App : प्रवाशांची मोबाइल तिकीट ॲपला पसंती

करोनाकाळात बंद झालेली रेल्वेची मोबाइल तिकीट ॲप सेवा पुन्हा सेवेत दाखल झाल्यानंतर त्याला प्रवाशांकडून प्रतिसाद वाढू लागला आहे. तिकीट खिडकी समोरील रांगेत उभे राहून तिकीट वा पास काढणारे प्रवासी आता हळूहळू कागदविरहित मोबाइल ॲप तिकीट सेवेला पंसती देऊ लागले आहेत. सविस्तर वाचा…

15:06 (IST) 30 Sep 2022
लग्नास नकार देणाऱ्या तरुणीच्या कुटुंबीयांना अपहरण प्रकरणात अडकविण्याचा डाव ; डोंबिवलीतील दत्तनगर मधील प्रियकराचा डाव पोलिसांनी उधळला

डोंबिवलीतील दत्तनगरमध्ये राहणाऱ्या एका तरुणाचे एका तरुणीवर प्रेमसंबंध होते. तरुणीच्या कुटुंबीयांनी आपल्या मुलीला संबंधित तरुणा बरोबर विवाह करण्यास नकार दर्शविला होता. कुटुंबीयांनी तरुणाला हे लग्न होणार नाही, असे स्पष्ट शब्दात सुनावले होते. याचा राग आल्याने संतप्त झालेल्या तरुणाने तरुणीच्या कुटुंबीयांना अपहरणाच्या खोट्या गुन्ह्यात अडकविण्यासाठी स्वताच्या अपहरणाचा डाव रचला. सविस्तर वाचा…

14:26 (IST) 30 Sep 2022
‘सीटी-१’ वाघाच्या हल्ल्यात आणखी एका शेतकऱ्याचा बळी

भंडारा : शेतात पिकाची पाहणी करण्यासाठी गेलेल्या शेतकऱ्यावर वाघाने हल्ला करुन ठार केल्याची घटना शुक्रवारी सकाळी १० वाजताच्या सुमारास लाखांदूर तालुक्यातील कन्हाळगाव शेतशिवारात घडली. बातमी वाचा सविस्तर …

14:20 (IST) 30 Sep 2022
VIDEO : दांडिया महोत्सवात पंकजा मुंडेंनी ‘झिंगाट’ गाण्यावर धरला ठेका

भाजपा नेत्या पंकजा मुंडे यांच्याबद्दल त्या सध्या राष्ट्रवादीच्या वाटेवर असल्याच्या जरी राजकीय वर्तुळात चर्चा आहेत. राष्ट्रवादी काँग्रेसचे आमदार अमोल मिटकरी यांनी मोठं विधान केलं आहे. पंकजा मुंडे या भाजपामध्ये अस्वस्थ असून त्या लवकरच भाजपाला सोडचिठ्ठी देतील असं मिटकरींनी म्हटलं आहे. दरम्यान पंकजा मुंडे आता आणखी एका गोष्टीमुळे चर्चेत आल्या आहेत. परळीतील दांडिया महोत्सावत त्यांनी झिंगाट गाण्यावर अन्य महिलांच्या सोबत ठेका धरल्याचा व्हिडीओ समोर आला आहे. वाचा सविस्तर बातमी…

14:19 (IST) 30 Sep 2022
स्वच्छ महाराष्ट्र अभियान 2.0 आजपासून सुरू ; उपमुख्यमंत्री फडणवीस म्हणाले, “पंतप्रधान मोदींनी महाराष्ट्राचा…”

मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थितीत पार पडलेल्या कार्यक्रमात आज(शुक्रवार) स्वच्छ महाराष्ट्र अभियान 2.0 चा शुभारंभ झाला. या कार्यक्रमानंतर प्रसारमाध्यमांशी बोलताना फडणवीसांनी याबाबत थोडक्यात माहिती दिली. वाचा सविस्तर बातमी…

13:26 (IST) 30 Sep 2022
धनंजय मुंडे म्हणाले ‘आम्ही आता आम्ही भाऊ-बहीण नाही’, पंकजा मुंडेंनी दिलं उत्तर, म्हणाल्या “रक्ताचं नातं…”

राष्ट्रवादी काँग्रेसचे नेते धनंजय मुंडे यांनी बहीण पंकजा मुंडे यांच्यासोबतच्या नात्यात दुरावा आल्याची जाहीरपणे कबुली दिली आहे. धनंजय मुंडे यांनी आमचं नातं आता बहीण भावाचं राहिलेलं नाही असं सांगितल्याने राज्यात चांगलीच चर्चा रंगली आहे. धनंजय मुंडेंच्या या विधानावर पंकजा मुंडे यांनीही भाष्य केलं असून, रक्ताचं नातं संपत नाही अशी प्रतिक्रिया दिली आहे. तसंच आपण राजकारणात कोणालाही वैरी मानत नसल्याचंही त्यांनी म्हटलं आहे.

सविस्तर बातमी

13:26 (IST) 30 Sep 2022
धोम वाई हत्याकांडातील माफीची साक्षीदार ज्योती मांढरे हिला जामीन मंजूर

वाई : धोम वाई हत्याकांडातील माफीची साक्षीदार ज्योती मांढरे हिला सातारा जिल्हा न्यायालयाने एक वर्षासाठी वैद्यकीय उपचारासाठी जामीन मंजूर केला आहे. ती तब्बल सहा वर्षांनंतर मोठ्या कालावधीसाठी बाहेर येणार आहे. बातमी वाचा सविस्तर …

12:17 (IST) 30 Sep 2022
अभिजीत बांगर आज घेणार ठाणे महापालिका आयुक्त पदाचा पदभार

ठाणे : महापालिका आयुक्त पदावर नवी मुंबई महापालिकेचे आयुक्त अभिजीत बांगर यांची राज्य सरकारने नियुक्ती केली असून ते शुक्रवारी दुपारी ठाणे महापालिका आयुक्त तथा प्रशासक पदाचा कार्यभार स्वीकारणार आहेत. बातमी वाचा सविस्तर …

11:39 (IST) 30 Sep 2022
विवाहित तरुणाने भर रस्त्यात तृतीयपंथीयाला घातली लग्नाची मागणी

वर्धा : लग्नास नकार दिला म्हणून तृतीयपंथीयास ठार मारण्याचा प्रयत्न करणाऱ्या एका विवाहित युवकास अटक करण्यात आली आहे. मंगेश उर्फ बाळू मनोहर सौरंगपते असे या विकृत युवकाचे नाव आहे. बातमी वाचा सविस्तर …

11:34 (IST) 30 Sep 2022
‘तूने मेरेको चाकू से मारा था…अब तेरेको मारना है…’ म्हणत एका आरोपीकडून दुसऱ्या आरोपीचा पाठलाग

भंडारा : ‘तूने मेरेको चाकू से मारा था. अब तेरेको मारना है…’ आणि सुरू होतो पाठलाग. स्वतःचा जीव वाचवण्यासाठी एकजण वाट दिसेल तिकडे पळत सुटतो. त्याच्या मागे हातात चाकू घेतलेला ‘तो’ असतो. पळणारा थेट न्यायाधीशांच्या कक्षात शिरतो. न्यायाधीशही प्रसंगावधान दाखवतात. पोलिसांना पाचारण करतात आणि आरोपीला अटक होते. बातमी वाचा सविस्तर …

11:06 (IST) 30 Sep 2022
इलेक्ट्रीक चार्जिंग स्टेशन उभारणाऱ्यास मालमत्ता करात मिळणार २ टक्के सूट

नागपूर : इलेक्ट्रिक वाहनांसाठी चार्जिंग स्टेशन उभारणाऱ्या महापालिका हद्दीतील नागरिकांना / गृह निर्माण संस्थांना त्यांच्या मालमत्तेसाठी मालमत्ता करात शासनाचे कर वगळून २ टक्के सूट दिली जाणार आहे. महापालिकेत या संदर्भात निर्णय घेण्यात आला. बातमी वाचा सविस्तर …

11:03 (IST) 30 Sep 2022
देशभरातील ‘एटीएम’ फोडणाऱ्या उत्तर प्रदेशच्या टोळीला नागपूरात अटक

नागपूर : ‘एटीएम’ मशीनचे तांत्रिक ज्ञान घेतल्यानंतर देशभरातील शेकडो ‘एटीएम’ मशीन फोडून लाखो रुपये चोरणाऱ्या उत्तर प्रदेशच्या टोळीला तहसील पोलिसांनी अटक केली. या टोळीने नागपुरातील तब्बल ३३ ‘एटीएम’ फोडून रक्कम उडवली आहे. बातमी वाचा सविस्तर

11:02 (IST) 30 Sep 2022
‘बीएसएनएल’ देशभरात सुरू करणार ‘४जी’ सेवा

नागपूर : भारत संचार निगम लिमिटेड (बीएसएनएल) ही केंद्र सरकारची दूरसंचार कंपनी बंद करण्याच्या किंवा खासगीकरण करण्याच्या चर्चेला जोर चढला असताच केंद्र सरकार ‘बीएसएनएल’ला २८ हजार कोटींची मदत करणार असून देशभरात लवकरच ‘४जी’ सेवा सुरू होणार असल्याची माहिती महाप्रबंधक यश पान्हेकर यांनी पत्रकार परिषदेमध्ये दिली. बातमी वाचा सविस्तर …

11:00 (IST) 30 Sep 2022
कारागृहातून आलेल्या कैद्याला ‘विशेष’ सुविधा!

नागपूर : न्यायालयीन पेशीवर आलेल्या एका कैद्याला नागपूर पोलिसांच्या वाहनात बसून चहा-कॉफी, नाश्ता आणि मोबाईल फोनची सुविधा देण्यात येत होती. हा सर्व प्रकार पोलिसांच्या उपस्थितीत सुरू होता. कैद्यांना ‘विशेष’ सुविधा देण्याचा हा प्रकार बुधवारी दुपारी जिल्हा न्यायालयाजवळ उघडकीस आला आहे. बातमी वाचा सविस्तर …

10:56 (IST) 30 Sep 2022
“ज्या अन्नामागे हिंसा असते ते खाल्लं तर…”, सरसंघचालक मोहन भागवतांनी मांसाहार करणाऱ्यांना दिला सल्ला

कोणीही चुकीचं अन्न खाऊ नये, तसंच हिंसाचाराशी संबंधित अन्न टाळावे असा सल्ला सरसंघचालक मोहन भागवत यांनी दिला आहे. भारत विकास परिषदेच्या पश्चिम क्षेत्राची चिंतन बैठकीत ते बोलत होते. नागपुरातील कविवर्य सुरेश भट सभागृहात ही बैठक गुरुवारी पार पडली. यावेळी त्यांनी व्यक्तिमत्वाच्या सर्वांगीण विकासावर भाष्य केलं.

सविस्तर बातमी

10:12 (IST) 30 Sep 2022
मुंबईतील हॉटेलमध्ये ४० वर्षीय मॉडेलची आत्महत्या

मुंबईतील अंधेरी परिसरात एका ४० वर्षीय मॉडेलने आत्महत्या केल्याची खळबळजनक घटना समोर आली आहे. , मॉडेलचा मृतदेह हॉटेलच्या खोलीत पंख्याला लटकलेल्या अवस्थेत आढळून आला असून, घटनास्थळावरून एक सुसाईड नोटही पोलिसांनी जप्त केली आहे. याप्रकरणी पोलिसांनी पुढील तपास सुरू केला आहे. वाचा सविस्तर बातमी…

10:10 (IST) 30 Sep 2022
“आधी आमच्या प्रश्नांची उत्तरं द्या, मगच…”; निर्मला सीतारमन यांच्या टीकेला शिवसेनेचं प्रत्युत्तर

वेदान्त-फॉक्सकॉनचा महाराष्ट्रात होऊ घातलेला प्रकल्प गुजरातला गेल्यानंतर राज्यातील राजकारण तापले आहे. रोज सत्ताधारी आणि आरोप प्रत्यारोपांच्या फैरी झाडण्यात येत आहेत. काही दिवसांपूर्वीच केंद्रीय अर्थमंत्री निर्मला सीतारमन या पुणे दौऱ्यावर असताना त्यांना याबाबत प्रश्न विचारला होता. यावेळी त्यांनी महाराष्ट्रातील इतर प्रकल्पांवर बोट ठेवत तत्कालिन महाविकास आघाडी सरकारवर टीकेची झोड उठवली होती. कालही त्यांना याबाबत विचारले असता त्यांनी महाराष्ट्रात इतर प्रकल्प का होऊ शकले नाहीत, याचे उत्तर विरोधकांनी द्यावे, अशी प्रतिक्रिया दिली. वाचा सविस्तर बातमी…

10:09 (IST) 30 Sep 2022
पंकजा मुंडे भाजपाला सोडचिठ्ठी देतील, त्या राष्ट्रवादीत येत असतील तर…

मागील काही दिवसांपासून सातत्याने चर्चेत असणाऱ्या भाजपाच्या नेत्या पंकजा मुंडेंसंदर्भात राष्ट्रवादी काँग्रेसचे आमदार अमोल मिटकरी यांनी मोठं विधान केलं आहे. पंकजा मुंडे या भाजपामध्ये अस्वस्थ असून त्या लवकरच भाजपाला सोडचिठ्ठी देतील असं मिटकरींनी म्हटलं आहे. तसेच त्या राष्ट्रवादी काँग्रेसमध्ये आल्या तर त्यांचं स्वागतच असल्याचं सूचक विधानही मिटकरींनी केलं आहे. विशेष म्हणजे पंकजा यांच्या राष्ट्रवादी प्रवेशासंदर्भात पक्षाच्या खासदार सुप्रिया सुळेंचंही मत सकारात्मक असल्याचे संकेत मिटकरींनी दिले आहेत. वाचा सविस्तर बातमी…

10:08 (IST) 30 Sep 2022
मुंबई महापालिकेच्या कर्मचाऱ्यांना बोनस जाहीर, आरोग्य सेविकांचीही दिवाळी गोड

मुंबई महापालिकेचे कर्मचारी, शिक्षक आणि बेस्ट बस कर्मचाऱ्यांना २२ हजार ५०० रुपयांचा दिवाळी बोनस जाहीर करण्यात आला आहे. आरोग्य सेविकांना एक पगार दिवाळी बोनस म्हणून दिला जाईल, अशी माहिती राज्याचे मुख्यमंत्री एकनाथ शिंदे यांनी दिली आहे. या निर्णयाचा मुंबई महापालिकेच्या ९३ हजार तर बेस्टच्या २९ हजार कर्मचाऱ्यांना फायदा होणार आहे. वाचा सविस्तर बातमी…

निर्मला सीतारमन यांच्या टीकेला शिवसेनेचं प्रत्युत्तर
Next Story
“आधी आमच्या प्रश्नांची उत्तरं द्या, मगच…”; निर्मला सीतारमन यांच्या टीकेला शिवसेनेचं प्रत्युत्तर

संबंधित बातम्या

गुजरातमधील विजयानंतर आदित्य ठाकरेंचं भाजपा-शिंदे गटाला आव्हान; म्हणाले, “महाराष्ट्रातील घटनाबाह्य सरकारने आता…”
संजय गायकवाडांची राऊतांना शिवीगाळ, उद्धव ठाकरेंची एका शब्दात प्रतिक्रिया; म्हणाले…
“तोंड आवरा, पुन्हा आरामाची वेळ येऊ नये” देसाईंच्या इशाऱ्यानंतर राऊतांचे सडेतोड प्रत्युत्तर; म्हणाले, “महाराष्ट्राची बाजू लढणारे…”
गुजरातमधील भाजपाच्या विजयानंतर अजित पवारांची पहिली प्रतिक्रिया; म्हणाले, “एक्झिट पोलनुसार…”
प्रकाश आंबेडकरांना महाविकास आघाडीत घेणार का? अजित पवारांनी स्पष्ट केली भूमिका; म्हणाले “उद्धव ठाकरेंनी…”

व्हिडिओ

ताज्या बातम्या
Khakee वेब सीरिजचे ‘रीअल हिरो’ सस्पेंड; आयपीएस अमित लोढांवर भ्रष्टाचाराचे आरोप!
आधी कॉफी डेट अन् आता थेट लॉंग ड्राइव्ह; अक्षया-हार्दिकच्या रोड ट्रिपचा फोटो व्हायरल
पुणे: संलग्न महाविद्यालयांकडून विद्यापीठाची फसवणूक?
महिलांचा करेक्ट कार्यक्रम! भलेमोठे गवताचे बंडल रोबोप्रमाणे क्षणात लोकलमध्ये चढवले; Video पाहून व्हाल थक्क
पुणे: नवले पूल परिसरातील अतिक्रमणे सात दिवसांत न काढल्यास कारवाई