maharashtra politics ahmednagar ajit pawar ncp panel defeat bjp leader madhukar pichad vaibhav pichad panel over agasti sahakari sakhar karkhana election ssa 97 | Loksatta

मधुकर पिचडांच्या सत्तेला २८ वर्षानंतर राष्ट्रवादीने लावला सुरुंग; अगस्ती साखर कारखाना निवडणुकीत सत्तांतर

Agasti Sahakari Sakhar Karkhana Election : अगस्ती कारखान्याच्या निवडणुकीत पिचड पिता-पुत्रांनी धक्का देत सत्तांतर झालं आहे. या निवडणुकीत राष्ट्रवादीने बाजी मारली आहे,

मधुकर पिचडांच्या सत्तेला २८ वर्षानंतर राष्ट्रवादीने लावला सुरुंग; अगस्ती साखर कारखाना निवडणुकीत सत्तांतर
अजित पवार मधुकर पिचड ( संग्रहित फोटो )

अहमदनगर जिल्ह्यात असलेल्या अकोले तालुक्यातील अगस्ती सहकारी साखर कारखाना निवडणुकीचा निकाल आज ( २६ सप्टेंबर ) जाहीर झाला. राष्ट्रवादी काँग्रेस आणि भाजपा यांच्यात ही अटीतटीची निवडणूक झाली होती. या निवडणुकीत भाजपाचे नेते, माजी मंत्री मधुकर पिचड आणि माजी आमदार वैभव पिचड यांच्या पॅनेलचा राष्ट्रवादीने धुव्वा उडवला आहे.

अगस्ती सहकारी साखर कारखान्याची ही निवडणूक राष्ट्रवादी आणि भाजपाने प्रतिष्ठेची केली होती. यासाठी विरोधी पक्षनेते अजित पवार यांनी येथे येऊन सभा घेतली. मात्र, त्यानंतर झालेल्या निवडणुकीत पिचड पिता-पुत्रांचा पराभव झाला आहे. तर, राष्ट्रवादीने घवघवीत यश मिळवलं आहे. विधानसभा, ग्रामपंचायत आणि आता कारखान्याच्या निवडणुकीतही पिचड यांना पराभवाचा सामना करण्याची नामुष्की ओढावली आहे.

हेही वाचा – बाळासाहेबांचे विश्वासू चम्पासिंग थापा उद्धव ठाकरेंची साथ सोडून शिंदे गटात

अगस्ती साखर कारखाना निवडणुकीत कारखान्याचे उपाध्यक्ष सिताराम गायकर, कैलास वाकचौरे, अशोकराव भांगरे, आमदार डॉ. किरण लहामटे यांच्या नेतृत्वाखालील पॅनलने २१ – ० असा पिचड यांच्या पॅनेलचा पराभव केला आहे. त्यामुळे जवळपास २८ वर्षे मधुकरराव पिचड यांची एकहाती सत्ता असलेल्या या कारखान्यावर राष्ट्रवादीने बहुमताने सत्ता स्थापन केली आहे.

हेही वाचा – अनिल देशमुखांना सुप्रीम कोर्टाचा दिलासा, मुंबई हायकोर्टाला आदेश देत सांगितलं “लवकरात लवकर…”

“अकोले तालुक्यातील जनतेने पिचड यांचे पॅनल शंभर टक्के नाकारले आहे. हा विजय राष्ट्रवादी आणि शरद पवार यांच्या विचारांचा आहे,” अशी प्रतिक्रिया राष्ट्रवादीचे प्रवक्ते महेश तपासे यांनी दिली आहे.

विधानसभा, ग्रामपंचायत आणि आता कारखानाही ताब्यातून गेला

मधुकर पिचड हे अकोले तालुक्यातील ज्येष्ठ नेते. २०१९ च्या विधानसभा निवडणुकीत पिचड यांनी राष्ट्रवादीची साथ सोडत भाजपात दाखल झाले. त्यानंतर पिचड यांना धक्कामागून धक्के बसत आहेत. मुलगा वैभव पिचड यांचा विधानसभा, राजूर ग्रामपंचायत आणि आता २८ वर्ष सत्ता असलेल्या अगस्ती साखर कारखान्यात त्यांना परभवाचा सामना करावा लागला आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
बाळासाहेबांचे विश्वासू चम्पासिंग थापा उद्धव ठाकरेंची साथ सोडून शिंदे गटात

संबंधित बातम्या

प्रकाश आंबेडकरांना महाविकास आघाडीत घेणार का? अजित पवारांनी स्पष्ट केली भूमिका; म्हणाले “उद्धव ठाकरेंनी…”
VIDEO: “ते म्हणाले रिफायनरी झाली तर झाडाला आंबेच येणार नाहीत, पण…”, देवेंद्र फडणवीसांचं कोकण महोत्सवात वक्तव्य
“जातीभेद मानणे, अस्पृश्यता पाळणे हा राष्ट्रद्रोह, कारण…”, डॉ. आंबेडकरांचा संदर्भ देत माजी न्यायमूर्ती हेमंत गोखलेंचं विधान
मंत्र्यांचा बेळगाव दौरा रद्द झाल्याने अजित पवारांचा हल्लाबोल, म्हणाले “तक्रार काय करता? त्यांच्या अरे ला कारे…”
Maharashtra News Live : राज्य, देश तसेच जगभरातील महत्त्वाच्या बातम्या एका क्लिकवर

व्हिडिओ

ताज्या बातम्या
बेळगावात महाराष्ट्राच्या वाहनांवर दगडफेक झाल्यानंतर शिंदे गटाकडून पहिली प्रतिक्रिया, म्हणाले “महाराष्ट्राच्या सहनशक्तीचा…”
IND vs BAN: “आम्हाला कर्णधाराकडून धावांची गरज…”, भारताच्या माजी फलंदाजाने कर्णधार रोहित शर्माला दिला इशारा
Maharashtra-Karnataka Border Dispute: बेळगावात महाराष्ट्रातील वाहनांवर दगडफेक, वाद चिघळण्याची शक्यता
वरुण सूदबरोबर ब्रेकअपनंतर दिव्या अग्रवालने मराठमोळ्या बिझनेसमनशी केला साखरपुडा; पोस्ट चर्चेत
आ बैल मुझे मार! बैलाने कंपनीच्या कार्यालयासमोर लघुशंका केल्याने थेट शेतकऱ्यावरच गुन्हा दाखल