Mumbai Maharashtra Breaking News Live : राष्ट्रवादी काँग्रेसच्या अजित पवार गटाने आता विधानसभा निवडणुकांचे रणशिंग फुंकलं आहे. या अनुषगांने उपमुख्यमंत्री अजित पवार यांनी बारामतीत राज्यव्यापी मेळावा घेतला. या मेळाव्यातून अजित पवारांनी आ निवडणुकीच्या अनुषंगाने भाष्य केलं. तसेच मराठा आरक्षणासाठी सर्वपक्षीय बैठकीला महाविकास आघाडीचे नेते गैरहजर राहिल्याच्या मुद्यांवरून सत्ताधाऱ्यांकडून विरोधकांवर टीका करण्यात येत आहे. तसेच मराठा आरक्षणासाठी मनोज जरांगे पाटलांनी सरकारला १३ जुलैपर्यंत दिलेला अल्टिमेटम संपला आहे. त्यामुळे राज्य सरकार मनोज जरांगे यांच्या मागण्यासंदर्भात काही निर्णय घेतं का? याकडे राज्याचं लक्ष लागलं आहे. तसेच सध्या अनेक भागात पाऊस पडत असल्याने त्याचा फटका रेल्वेला बसत आहे. पावसामुळे कोकण रेल्वे ठप्प आहे. कोकण रेल्वेकडून सात ट्रेन रद्द करण्यात आल्याची माहिती मिळत आहे.
