Maharashtra Top 5 Political Stories: अजित पवारांचा विमान अपघात हा घातपात होता की दुर्घटना? यावर आता पुन्हा एकदा खल सुरू झाला आहे. २८ जानेवारी रोजी विमान कोसळल्यानंतर त्याच दिवशी बारामती येथे शरद पवारांनी हा अपघात असल्याचे विधान केले होते. तरीही विविध नेत्यांबाबत शंका-कुशंका उपस्थित करण्यात येत होत्या. आता पवार कुटुंबातील सदस्य आणि अजित पवारांचे पुतणे आमदार रोहित पवार यांनीच यावर प्रश्नचिन्ह उपस्थित केल्यामुळे वाद उफाळला आहे.
काँग्रेसचे नेते नाना पटोले यांनी माध्यमांशी बोलत असताना रोहित पवारांच्या आरोपांवर चौकशी करण्याची मागणी केली. तसेच अजित पवार हे २७ जानेवारी रोजीच बारामतीला गाडीने जाणार होते. मात्र विदर्भातील एका फाईलवर स्वाक्षरी करण्याचा आग्रह धरल्यामुळे अजित पवारांना उशीर झाला.
यात प्रफुल पटेलांचे नाव काही लोक घेत आहेत. त्यामुळे त्यांच्याकडे सुई जाते. यामुळे याप्रकरणाची चौकशी करून वस्तुस्थिती समोर यावी, अशी मागणी प्रफुल पटेल यांनी केली.
