Maharashtra MLC Election, 12 july: लोकसभा निवडणुकांनंतर महाराष्ट्रात विधानसभा निवडणुकांची तयारी सुरू झाली आहे. मात्र, त्याआधी विधानपरिषद निवडणुकीच्या पार्श्वभूमीवर राजकीय घडामोडींना वेग आल्याचं गेल्या काही दिवसांत पाहायला मिळालं. या अनुषंगाने आज विधानपरिषदेत ११ जागांसाठी होणाऱ्या मतदान प्रक्रियेला महत्त्व प्राप्त झालं असून कुणाचे आमदार कुणाच्या उमेदवाराला मत देणार? यासंदर्भात उत्सुकता निर्माण झाली आहे. १२ आमदार निवडणुकीच्या रिंगणात असल्यामुळे कुणाचा उमेदवार पराभूत होणार? याकडे राजकीय वर्तुळाचं लक्ष लागलं आहे.
