मालवणला काय काय पाहायचं? सिंधुदुर्ग किल्ला, तारकर्ली ते स्कुबा डायव्हिंग; सहलीचं पूर्ण नियोजन!

ऐतिहासिक आणि धार्मिक स्थळे

सिंधुदुर्ग किल्ला: छत्रपती शिवाजी महाराजांनी समुद्रात बांधलेला हा अभेद्य जलदुर्ग आहे. येथे महाराजांच्या हाताच्या आणि पायाच्या ठशांचे जतन केले आहे. बोटीने येथे जावे लागते.

शिवराजेश्वर मंदिर: सिंधुदुर्ग किल्ल्याच्या आतच महाराजांचे एक सुंदर मंदिर आहे.

रॉक गार्डन: मालवण शहराच्या जवळच समुद्राकाठी खडकांवर हे सुंदर उद्यान आहे. सूर्यास्ताच्या वेळी येथे खूप छान दृश्य दिसते.

जय गणेश मंदिर: हे मालवणमधील एक प्रसिद्ध आणि जागृत मंदिर असून त्याची मूर्ती शुद्ध सोन्याची आहे.

समुद्रकिनारे आणि निसर्ग

मालवण बीच: हे मुख्य शहरानजीकचा किनारा असून येथून किल्ल्यावर जाण्यासाठी बोटी मिळतात.

तारकर्ली बीच: इथली पांढरी वाळू आणि उंच माडाची झाडे पर्यटकांना भुरळ घालतात.

देवबाग संगम: जिथे कर्ली नदी समुद्राला मिळते, ते विलोभनीय ठिकाण.

चिवला बीच : हा अर्धवर्तुळाकार आणि शांत समुद्रकिनारा आहे, जिथे निवांत वेळ घालवता येतो.

वॉटर स्पोर्ट्स

स्कूबा डायव्हिंग (Scuba Diving): मालवणमध्ये सिंधुदुर्ग किल्ल्याच्या आसपास असलेल्या खडकांपाशी रंगीबेरंगी मासे आणि कोरल पाहण्यासाठी स्कूबा डायव्हिंग सर्वोत्तम आहे.

त्सुनामी आयलंड: येथे पॅरासेलिंग, जेट स्की आणि बनाना राईड यांसारख्या सर्व वॉटर स्पोर्ट्सचा आनंद घेता येतो.

कसे जाल?

रेल्वे: जवळची रेल्वे स्टेशन्स कणकवली, कुडाळ किंवा सिंधुदुर्ग (ओरोस) आहेत.

रस्ता: मुंबई किंवा पुण्याहून खासगी बसेस किंवा एसटीने मालवणपर्यंत पोहोचता येते आणि तिथून रिक्षा किंवा बसने तारकर्ली/देवबागला जाता येते.

मालवणला गेल्यावर अस्सल मालवणी थाळी, ताजी मासे फ्राय आणि सोळकढी यांचा आस्वाद घ्यायला विसरू नका. तसेच शाकाहारी लोकांसाठी घावणे हा पदार्थ नक्की ट्राय करा.