सांगली : बनावट भारतीय चलनी नोटा छापून त्या चलनात आणण्यासाठी विक्री करण्याच्या प्रयत्नात असलेल्या एकास सांगली शहर पोलिसांनी अटक केली आहे. संबंधिताने घरी उभारलेला बनावट नोटा छपाई करणारा कारखाना उदध्वस्त केला आहे. त्याच्याकडून एक लाख ९० हजार रुपयांच्या बनावट नोटा व त्या बनविण्याची दोन लाख रुपये किंमतीची यंत्रसामुग्री असा एकूण तीन लाख ९० हजार रुपयांचा मुद्देमाल जप्त करण्यात आला आहे. ही माहिती सांगली शहर पोलिस ठाणे पोलिस निरीक्षक संजय मोरे यांनी दिली.

अटक केलेल्यात अहद महंमद अली शेख (वय ४०, रा. शनिवार पेठ, गणपती मंदिरानजीक, मिरज, जि. सांगली) याचा समावेश आहे. अहद शेख हा इयत्ता बारावी उत्तीर्ण असून १० व २० रुपयांच्याही बनावट नोटा तयार करण्यास सुरुवात केली होती. गत एक वर्षांपासून अहद शेख अशा पध्दतीने बनावट नोटा बनवून त्या स्वतः बाजारपेठेत चलनात आणत होता. अहद शेख याने सात हजार रुपयांच्या बदल्यात दहा हजार रुपयाच्या बनावट नोटाही काहीजणांना दिल्याची माहिती पोलिस चौकशीत सामोरी आली आहे. त्यामुळे आतापर्यंत किती बनावट नोटा चलनात आणल्या ? या बनावट नोटा कोठे- कोठे वापरल्या ? व या प्रकरणात आणखी कोणाचा सहभाग आहे का ? याचा शोध घेतला जात आहे.

Man Tampers With Passport To Hide Thailand Trips From Wife
‘बँकॉक’वारी बायकोपासून लपविण्यासाठी ‘नको ते’ कृत्य केलं, आरोपी पवार पोलिसांच्या ताब्यात
Committee, Flamingo, Habitat,
फ्लेमिंगो अधिवास, कांदळवन संरक्षणासाठी उच्चस्तरीय समिती स्थापन; समितीला दोन महिन्यांच्या आत अहवाल देण्याचे आदेश
Car crashes as driver loses control amid sound of Insta reel
पाच मित्र…भरधाव कार…इंस्टावर रिल टाकण्यासाठी मोबाईल हातात घेतला अन्…
bear, Dighori mothi police station,
तक्रार करण्यासाठी अस्वल जेव्हा पोलीस ठाण्यात येते तेव्हा! पोलीस कर्मचाऱ्यांची बोबडी वळली, एकच पळापळ…
pet dog was released after demanding money woman injured in dog attack
पुणे : थकीत पैसे मागितल्याने अंगावर पाळीव श्वान सोडले; श्वानाच्या हल्ल्यात महिला जखमी
The trees on both sides of the road were cut down for the ongoing development works in Mumbai
मुंबईत सुरू असलेल्या विकासकामांसाठी रस्त्याच्या दुतर्फा असलेल्या झाडांचा बळी; जनहित याचिकेद्वारे उपस्थित मुद्द्याची उच्च न्यायालयाकडून दखल
The accused who killed a young man who went to settle a quarrel was arrested Mumbai news
भांडण सोडवण्यासाठी गेलेल्या तरूणाची हत्या; आरोपीला अटक
Chhatrapati sambhajinagar crime news
उद्योजकाचे अपहरण करून १२ कोटींची खंडणी घेतल्यानंतर संपवण्याचा कट उघड; सहा आरोपींना अटक

हेही वाचा…सोलापुरात जड वाहतुकीने घेतला दुचाकीस्वाराचा बळी

मिरज शहरातील एक संशयित बनावट भारतीय चलनी नोटा छापून त्या सांगली- कोल्हापूर रस्त्यावरील आकाशवाणी केंद्रानजीक विक्री करण्यासाठी येणार असल्याची माहिती सांगली शहर पोलीस ठाण्याकडील पोलिस हवालदार संतोष गळवे, गौतम कांबळे व संदीप पाटील यांना मिळाली होती. या माहिती आधारे सहाय्यक पोलिस निरीक्षक सागर गोडे व पोलिस उपनिरीक्षक महादेव पोवार यांच्या नेतृत्वाखाली या पोलिस पथकाने त्या ठिकाणी सापळा रचून अहद शेख याला ताब्यात घेतले. अहद शेख याच्या अंगझडतीत त्याच्याकडे ५० रुपयांच्या ७५ बनावट नोटा मिळून आल्या.

हेही वाचा…ठाकरे गटाचे दोन खासदार संपर्कात असल्याच्या शिंदे गटाच्या दाव्याला सुषमा अंधारेंचं प्रत्युत्तर; म्हणाल्या…

अहद शेख याच्याकडे अधिक कसून चौकशी केली असता स्वतःच्या घरी बनावट नोटा तयार करण्याचा छोटा कारखानाच सुरु केल्याची माहिती सामोरी आली. त्या आधारे सांगली शहर पोलिसांनी अहद शेख याने मिरज येथील घरी सुरु केलेल्या कारखान्यावर छापा टाकून ५० रुपयाच्या प्रत्येकी शंभर नोटाचे ३८ बंडल बनावट नोटा व या बनावट नोटा छपाई करण्यासाठीचे यंत्र, कागद, विविध प्रकारची शाई व अन्य साहित्य जप्त केले आहे. अहद शेख याला आज सांगली येथील न्यायालयासमोर हजर केले असता पाच दिवसांची पोलिस कोठडी देण्यात आली आहे.