वर्धा जिल्ह्यात भूकंपाचे सौम्य धक्के; कोणतेही नुकसान नाही

मात्र, नागरिकांमध्ये काही काळ घबराट पसरली होती.

वर्धा जिल्ह्यातील काही भागात बुधवारी दुपारी सौम्य प्रमाणात भूकंपाचे धक्के जाणवले. २.६ रिश्टर स्केल इतक्या कमी तीव्रतेचा हा भूकंप असल्याने यामध्ये कोणतेही नुकसान झालेले नाही. मात्र, नागरिकांमध्ये काही काळ घबराट पसरली होती. दुपारी ३ वाजून १६ मिनिटांनी मोर्शी येथील भूकंपमापक यंत्रावर याची नोंद झाली.

धक्के जाणवलेल्या गावांत हिंगणघाट तालुक्यातील कानगाव, मोझरी शेकापूर, डवलापुर, भय्यापुर, खानगाव, साती, रोहनखेड, कोसूर्ला, वरुड, नांदगाव, कात्री, चानकी, देवळी तालुक्यातील अंबोडा, पाथरी आदी १४ गावांचा समावेश असल्याची माहिती उपविभागीय अधिकारी चंद्रभान खंडाईत यांनी दिली. अचानक दुपारी धक्के जाणवल्याने लोकांनी घाबरून घराबाहेर धाव घेतली.

कानगावात घरातील भांडी जमिनीवर पडली तसेच जमीन काही वेळ थरथरली असल्याचे गावच्या तलाठ्यांनी सांगितले. मात्र, यामध्ये कोणतीही वित्त किंवा जीवितहानी झालेली नाही.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Mild earth quake in wardha district no damage happened aau

Next Story
‘बुद्धिस्ट सर्किट’ विकासातून पर्यटनास चालना
ताज्या बातम्या