MNS Hingana Assembly Constituency : महाराष्ट्र नवनिर्माण सेना आणि महायुती यांच्यात काही ठिकाणी मैत्रीपूर्ण लढत होत आहे. भाजपाने बाळा नांदगावकर यांना शिवडी विधानसभा निवडणुकीत पाठिंबा दर्शवला आहे. तर, मनसेने आता हिंगणा विधानसभा मतदारसंघात भाजपाला पाठिंबा दर्शवला आहे.
मनसेने लोकसभा निवडणुकीत भाजपाला बिनशर्त पाठिंबा दर्शवला होता. त्यामुळे या बदल्यात विधानसभेत मनसे महायुतीतून निवडणूक लढवेल अशी अटकळ बांधण्यात आली होती. परंतु, विधानसभा निवडणुकीत मनसेने स्वतंत्र उमेदवार उभे केले आहेत. असे असले तरीही त्यांना काही ठिकाणी भाजपाने समर्थन दिलंय. शिवडी विधानसभेत भाजपाने उमेदवार उभा केला नसून बाळा नांदगांवकर यांना समर्थन देण्याची भूमिका भाजपाने घेतली आहे. तर, आता हिंगाणा मतदारसंघात मनसेचा उमेदवार उभा असतानाही मनसेने भाजपा उमेदवाराला पाठिंबा देण्याचं निश्चित केलं आहे. याबाबत मनसेने आज अधिकृत पत्रक काढत माहिती दिली.
हेही वाचा >> प्रमुख पक्षांकडून ‘वरळी’कर उमेदवारच नाही
मनसेच्या एक्स पोस्टमध्ये काय म्हटलंय?
c
मनसेने एक्स खात्यावर पोस्ट करत म्हटलंय की, “महाराष्ट्र नवनिर्माण सेनेचे अध्यक्ष राज ठाकरे यांच्या आदेशाने महाराष्ट्र विधानसभा २०२४ च्या निवडणुकीत ५० हिंगणा विधानसभेचे उमेदवार समीर दत्ताजी मेघे यांना महाराष्ट्र नवनिर्माण सेना जाहीर पाठिंबा देत आहे. काही प्रशासकिय अडचणींमुळे बिजाराम किनकर यांची उमेदवारी मागे घेता आली नाही. या पुढे बिजाराम किनकर हे महाराष्ट्र नवनिर्माण सेनेचे उमेदवार नाही. या पुढे महाराष्ट्र नवनिर्माण सेना ५० हिंगणा विधानसभेत प्रचार करणार नाहीत. हिंगणा विधानसभा क्षेत्रातील सर्व पदाधिकारी व महाराष्ट्र सैनिक यांची नोंद घ्यावी.”
कृपया सर्व संबंधितांनी दखल घ्यावी..#विधानसभा_२०२४#MNSAdhikrut pic.twitter.com/o7o2TbXwNW
— MNS Adhikrut – मनसे अधिकृत (@mnsadhikrut) November 6, 2024
हिंगाणा विधानसभा मतदारसंघातून भाजपाने समीर मोघे यांना उमेदवारी देऊ केली आहे. तर, मनसेने बिजाराम किनकर यांना उमेदवारी दिली होती. परंतु, उमेदवारी त्यांना मागे घेण्यास सांगण्यात आलं होतं. दरम्यान, उमेदवारी अर्ज मागे घेता न आल्याने मनसेने या मतदारसंघात प्रचार न करण्याचा निर्णय घेतला असून त्यांनी भाजपाचे उमेदवार समीर मोघे यांना जाहीर पाठिंबा दिला आहे.
