महाराष्ट्र नवनिर्माण वाहतूक सेनेचे सरचिटणीस नितीन नांदगावकर यांनी मनसेला सोडचिठ्ठी देत शिवसेनेत प्रवेश केला. शिवसेना पक्ष प्रमुख उद्धव ठाकरे यांच्या उपस्थितीत त्यांनी भगवा झेंडा हाती घेतला. एकीकडे मनसे प्रमुख राज ठाकरे यांनी विधानसभा निवडणुकीची मोर्चेबांधणी सुरू केली असतानाच दुसरीकडे नांदगावकर यांनी सोडचिठ्ठी दिल्यामुळे हा मनसेला मोठा धक्का मानला जातोय. काही दिवसांपूर्वीच नितीन नांदगावकर यांनी लोकसत्ता ऑनलाइनशी संवाद साधला होता. त्यावेळी त्यांनी अनेक राजकीय विषयांमध्ये हात घातला होता.
