सोलापूर : सोलापूरचे नवे पालकमंत्री जयकुमार गोरे हे प्रथमच सोलापुरात येत असताना त्यांच्या स्वागतासाठी भाजप कार्यकर्त्यांनी लावलेला फलक महापालिका प्रशासनाने काढून टाकताच भाजपाच्या कार्यकर्त्यांनी तेथेच ठिय्या आंदोलन केले. त्यानंतर हा फलक पुन्हा आहे त्या ठिकाणी उभारण्यात आला. दरम्यान, पोलिसांनी संबंधित एका कार्यकर्त्याला ताब्यात घेतले.

शहरातील सात रस्ता भागात शासकीय विश्रामगृहासमोर हा प्रकार घडला. पालकमंत्री गोरे हे सोलापूर शहरात प्रथमच येत असल्यामुळे त्यांच्या स्वागतासाठी शासकीय विश्रामगृहासमोर भाजप कार्यकर्त्यांनी स्वागताचे फलक उभारले होते. परंतु सोलापूर महानगरपालिकेने शासकीय विश्रामगृहाच्या परिसरासह संपूर्ण सात रस्ता भागात फलक निषिद्ध क्षेत्र म्हणून यापूर्वीच घोषित केले आहे. त्याची दखल घेऊन महापालिका प्रशासनाने या फलकावर कारवाई केली. भाजपचे जिल्हा उपाध्यक्ष प्रकाश घोडके यांनी तो लावला होता. त्यांनी याबाबत जाब विचारात शासकीय विश्रामगृहासमोर रस्त्यावर ठिय्या मारला, त्यामुळे गोंधळ सुरू झाला. दरम्यान, पोलिसांनी हस्तक्षेप करीत घोडके यांची समजूत घालण्याचा प्रयत्न केला असता त्यांनी पोलिसांवर आगपाखड केली. पालकमंत्र्यांच्या स्वागताचा फलक लावायचा नाही का, असा उलट सवाल त्यांनी केला. पोलिसांनी अखेर त्यांना ताब्यात घेऊन सदर बाजार पोलीस ठाण्यात नेले. परंतु आश्चर्य म्हणजे नंतर अवघ्या एका तासात हटविण्यात आलेला डिजिटल फलक पुन्हा नव्याने आहे त्या ठिकाणीच उभारण्यात आल्याचे पाहायला मिळाले.

Delhi Election Results 2025 news in marathi
दिल्लीतील भाजपच्या अभूतपूर्व यशाचे समीकरण; नीतीत बदल, सूक्ष्म व्यवस्थापन, मोदींचे नेतृत्व!
AAP defeat in Delhi polls is a setback to Uddhav Thackeray and Sharad Pawar
Delhi Assembly Election: पराभव ‘आप’चा, धक्का उद्धव ठाकरे…
BJP target for Bihar Chief Minister post after victory in Delhi assembly elections
दिल्लीच्या विजयानंतर भाजपचे पुढील लक्ष्य बिहारच्या मुख्यमंत्रीपदावर
malang gad festival
मलंग गडाच्या उत्सवासाठी दोन्ही शिवसेनेची मोर्चेबांधणी; दोन्ही गटांकडून भाविकांना आवाहन, दोघांकडून तयारी
Loksatta Varshavedh special issue issue released by chief minister devendra fadnavis
मान्यवरांच्या उपस्थितीत प्रकाशन सोहळ्याला रंगत; ‘लोकसत्ता वर्षवेध’चे मुख्यमंत्र्यांच्या हस्ते प्रकाशन
controversy over dhirendra shastri moksha remark
उलटा चष्मा:मोक्ष मिळवून दिला जाईल!
supporters of former mla Prakash Awade attempted to break into Abhishek Spinning Mill over financial embezzlement
आर्थिक व्यवहारातून आवाडेंचा सूतगिरणी चालकांसोबत वाद
Shivendra Singh Raje, Guardian Minister ,
पालकमंत्री शिवेंद्रसिंहराजे यांच्या स्वागताला ‘उदयनराजे मित्र समूह’
Story img Loader