आगामी निवडणुकांच्या पार्श्वभूमीवर नारायण राणेंनी कार्यकर्त्यांना दिला इशारा; म्हणाले, “गद्दारी कराल तर…”

मला जिल्ह्यात १०० टक्के भाजपाची सत्ता हवी आहे, असंही राणे म्हणाले आहेत.

narayan rane

आगामी महानगरपालिका निवडणुकांसाठी सर्वच पक्षांनी आता तयारी सुरू केली आहे. केंद्रीय मंत्री नारायण राणे यांनीही आपल्या कार्यकर्त्यांना या निवडणुकीसंदर्भात मार्गदर्शन केलं आहे. तसंच गद्दारी केलेली चालणार नाही, असं सांगत खडसावलंही आहे.

यावेळी सभेत बोलताना ते म्हणाले, “सिंधुदुर्ग जिल्ह्यात पूर्णपणे सत्ता भाजपची पाहिजे. मला येणाऱ्या निवडणुकीत गद्दारी अजिबात चालणार नाही. माझ्या निवडणुकीत जे झालं ते आता खपवून घेणार नाही. गद्दारी कराल तर हकालपट्टी सोडाच पण दुसरं काय करायला लावू नका”.

कार्यकर्त्यांना इशारा देताना नारायण राणे म्हणाले, “जिल्हा बँक, जिल्हा परिषद, पंचायत समिती व नगरपालिका या मध्ये सत्ता भाजपाची पाहिजे. जिल्हा परिषद निवडणुकीत तीन विरूद्ध एक आहोत. मला ४६ जिल्हा परिषद सदस्य जिल्हा परिषदेत निवडून गेलेले पाहिजेत. वैयक्तिक स्वार्थ बाजूला ठेवा. नरेंद्र मोदी, अमित शाह, जे.पी.नडडा यांना दाखवून द्या की सिंधुदुर्ग जिल्हात शंभर टक्के भाजप आहे. हा सिंधुदुर्ग जिल्हा शंभर टक्के नारायण राणे यांच्या सोबत आहे हे दाखवून द्या. फितुरी तर मी खपवूनच घेणार नाही. उद्धव ठाकरे काय बोलतो तुम्ही चिपीत बघितलं. मला शत प्रतिशत भाजपा हवाय. मी डिसेंबरमध्ये शिवसेनेसह अन्य लोकांना प्रवेश देणार आहे”.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Narayan rane on upcoming elections in sindhudurg vsk

Next Story
गैरव्यवहारात अडकलेल्या मंत्र्यांनी राजीनामे द्यावेत -खडसे
ताज्या बातम्या