Premium

अजित पवारांच्या गौप्यस्फोटावर शरद पवारांचं प्रत्युत्तर; म्हणाले, “मी राजीनामा परत घेण्यासाठी…”

अजित पवारांनी केलेल्या गौप्यस्फोटावर शरद पवारांनी उत्तर दिलं आहे.

What Sharad Pawar Said About Ajit Pawar?
शरद पवार व अजित पवार (फोटो-लोकसत्ता ग्राफिक्स टीम)

उपमुख्यमंत्री अजित पवार यांनी कर्जत येथील मेळाव्यातून राष्ट्रवादी काँग्रेसचे अध्यक्ष शरद पवार यांच्यासह आमदार अनिल देशमुख आणि जितेंद्र आव्हाड यांच्यावर जोरदार टीकास्र सोडलं. यावेळी अजित पवारांनी शरद पवारांबद्दल विविध गौप्यस्फोट केले. शरद पवारांनी अध्यक्ष पदाचा राजीनामा दिल्यानंतर त्यांनीच राजीनामा परत घेण्यासाठी आंदोलन करायला लावलं. तसेच अनिल देशमुखही आमच्याबरोबर यायला तयार होते. पण भाजपाने मंत्रीपद देण्यास विरोध केला, त्यामुळे अनिल देशमुख महायुतीत आले नाहीत, असा गौप्यस्फोट अजित पवारांनी केला.

या बातमीसह सर्व प्रीमियम कंटेंट वाचण्यासाठी साइन-इन करा

अजित पवारांच्या या गौप्यस्फोटांवर शरद पवारांनी प्रत्युत्तर दिलं आहे. अजित पवारांनी सांगितलेल्या बऱ्याच गोष्टी मला पहिल्यांदाच समजल्या, अशी प्रतिक्रिया शरद पवारांनी दिली. ते पुण्यात पत्रकार परिषदेत बोलत होते.

राजीनामा मागे घेण्यासाठी शरद पवारांनीच आंदोलन करायला लावलं, या अजित पवारांच्या आरोपांवर शरद पवार म्हणाले की, मी राजीनामा देतो, असं म्हणायचं कारण काय होतं? पक्षाचा अध्यक्ष मीच होतो. तसा सामूहिक निर्णय झाला होता. त्यामुळे वेगळा निर्णय घेण्याचं काहीही कारण नव्हतं. आमची स्वच्छ भूमिका होती की, भारतीय जनता पार्टीबरोबर जायला नको. अनिल देशमुखही याच मताचे होते, त्यांनी कालही तेच जाहीर केलं. एवढंच नव्हे तर हा रस्ता आपला नव्हे, असंही त्यांनी सांगितलं. त्यामुळे त्यांच्या नावाचा वापर वेगळ्या पद्धतीने करणं योग्य नाही, असं मला वाटतं.

हेही वाचा- अटकेच्या चर्चेवर मनोज जरांगेंची प्रतिक्रिया; म्हणाले, “मला अटक झाल्यावर…”

“राजीनामा परत घेण्यासाठी आंदोलन करा, असं सांगायची काय गरज होती? मी स्वत: राजीनामा दिला होता. मला बदल करायचा असेल तर आनंद परांजपे किंवा जितेंद्रची परवानगी घ्यायची गरज नाही. यांना बोलावून सांगायची गरज नव्हती. माझी स्वत:ची निर्णय घेण्याची कुवत आहे”, असंही शरद पवार म्हणाले.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ncp chief sharad pawar on ajit pawar claim about resign ncp chief and protest for revoke decision rmm

First published on: 02-12-2023 at 17:27 IST

आजचा ई-पेपर : महाराष्ट्र

वाचा