“माझ्या जीवाला धोका,” भाजपा खासदार रामदास तडस यांच्या सुनेवर अत्याचार; रुपाली चाकणकरांनी ट्वीट केला व्हिडीओ

पोलीस आयुक्तांशी संपर्क साधला असल्याची माहिती रुपाली चाकणकर यांनी दिली आहे

NCP, Rupali Chakankar, BJP MP Ramdas Tadas, Ramdas Tadas Daughter in Law
पोलीस आयुक्तांशी संपर्क साधला असल्याची माहिती रुपाली चाकणकर यांनी दिली आहे.

वर्ध्यातील भाजपा खासदार रामदास तडस यांच्या सुनेला मारहाण केली जात असल्याचा आरोप करण्यात आला आहे. राष्ट्रवादी काँग्रेसच्या महिला प्रदेशाध्यक्ष रुपाली चाकणकर यांनी रामदास तडस यांच्या सुनेचा व्हिडीओ ट्वीट केला आहे. हा व्हिडीओ आपल्यापर्यंत आला असून पोलीस आयुक्तांशी संपर्क साधला असल्याची माहिती रुपाली चाकणकर यांनी दिली आहे. दरम्यान व्हिडीओत महिला आपल्या जीवाला धोका असून येथून घेऊन चला अशी विनंती रुपाली चाकणकर यांना करत आहे.

रुपाली चाकणकर यांचं ट्वीट

“वर्धा भाजपा खासदार रामदास तडस यांच्या सुन यांना गेली अनेक दिवस हे तडस कुटूंब मारहाण करून अत्याचार करीत आहेत. पुजाचा आताच हा व्हिडीओ माझ्यापर्यंत आला, तातडीने पोलीस आयुक्तांशी संपर्क साधला आहे. माझ्या पदाधिकारी व पोलिस सरंक्षणासाठी पोहचले आहेत,” अशी माहिती रुपाली चाकणकर यांनी ट्वीटमधून दिली आहे.

व्हिडीओत काय आहे –

१२ सेकंदाच्या या व्हिडीओत दिसणारी महिला सांगत आहे की, “मी पूजा, रुपालीताई चाकणकर यांना मदत मागतेय, माझ्या जीवाला धोका आहे येथे, मॅडम प्लीज मला येथून घेऊन चला. मी विनंती करते”.

कडक कारवाईची मागणी

रुपाली चाकणकर यांनी यासंबंधी प्रतिक्रिया देताना म्हटलं आहे की, “रामदास तडस यांचे कुटुंबीय, मुलगा गेल्या अनेक दिवसांपासून महिलेला मारहाण करत असून प्रचंड मानसिक त्रास दिला जात आहे. महिलेची अवस्था फार वाईट असून खूप घाबरलेली आहे. ती बोलूही शकत नाही. पोलिसांनी तक्रारीच्या आधारे कडक कारवाई करावी”.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ncp rupali chakankar tweets video of bjp mp ramdas tadas daughter in law alleges assault sgy

ताज्या बातम्या