बारामती लोकसभेत येत असलेल्या इंदापूर विधानसभेत राष्ट्रवादी काँग्रेस शरदचंद्रजी पवार पक्षाच्या वतीने शेतकरी मेळाव्याचे आयोजन करण्यात आले होते. मात्र या मेळाव्याला कार्यकर्त्यांनी उपस्थित राहू नये, अशा धमक्या काही जणांकडून देण्यात आल्या होत्या. याबाबत राष्ट्रवादीचे आमदार रोहित पवार यांना विचारले असता ते म्हणाले, आमच्या कार्यकर्त्यांना धमक्या देण्यात आल्या. अनेक गावांमध्ये जेवण ठेवण्यात आलं. तरीही इथल्या स्वाभिमानी जनतेने त्या धमक्यांना भीक न घालता सभेला हजेरी लावली. इंदापूर, बारामतीमधील जनता केंद्रातील नेते असू द्या किंवा भाजपाची लोक असू द्या त्यांना घाबरत नाही. कदाचित नेता एकवेळेस घाबरेल पण जनता कुणालाही घाबरत नाही.

अतुल भातखळकरांना ईडीचा फोन आला असावा

दिल्लीचे अरविंद केजरीवाल यांना अटक केल्यानंतर आता उद्धव ठाकरे यांचा नंबर लागणार असे ट्विट अतुल भातखळकर यांनी केले आहे. यावर बोलताना रोहित पवार म्हणाले की, त्यांना कुणाचा फोन आला असावा किंवा त्यांना कुणी सांगितलं असावं, याची मला माहिती नाही. मात्र ज्या लोकांना भाजपा घाबरते, त्यांना अडचणीत आणण्याचे प्रयत्न केले जात आहेत. याआधी शरद पवारांनाही ईडीने नोटीस दिली होती, त्यानंतर काय झालं, हे पूर्ण महाराष्ट्राने पाहिलं. संजय राऊत यांनाही काही दिवस अटकेत ठेवले होते. पण आताही ते भाजपाविरोधात लढत आहेत. भातखळकरांच्या ट्विटवरून कारवाई झाली, तरी लोक भाजपाला पाठिंबा देणार नाहीत.

AAP MP Swati Maliwal and YouTuber Dhruv Rathee
ध्रुव राठी आणि ‘आप’वर स्वाती मालिवाल यांचा मोठा आरोप; म्हणाल्या, “बलात्कार आणि जीवे मारण्याची..”
devendra fadnavis replied to sharad pawar
“शरद पवार सध्या नकारात्मक मानसिकतेत, त्यांच्यासारख्या मोठ्या व्यक्तीला..”; दुष्काळावरील टीकेला देवेंद्र फडणवीसांचं प्रत्युत्तर!
Devendra Fadnavis
शरद पवारांनी एनडीएत येण्याच्या पंतप्रधान मोदींच्या विधानावर देवेंद्र फडणवीसांनी दिलं स्पष्टीकरण; म्हणाले…
ajit pawar
पंतप्रधान मोदींकडून शरद पवारांना एनडीएत येण्याचा प्रस्ताव, अजित पवारांची पहिली प्रतिक्रिया; म्हणाले…
chhagan bhujbal replied to suhas kande
तुतारीचा प्रचार करत असल्याच्या सुहास कांदेंच्या आरोपाला छगन भुजबळांचे प्रत्युत्तर; म्हणाले, “दोन कांद्यांचा त्रास…”
supriya sule sunetra pawar show poll expanes to election commission
सुप्रिया सुळे, सुनेत्रा पवारांचा प्रचारावर खर्च किती? समोर आली आकडेवारी…
Shrirang Barge, ST, salary,
एसटी कर्मचाऱ्यांच्या वेतनात अधिकाऱ्यांचा खोडा, श्रीरंग बरगेंचा आरोप, म्हणतात ‘ही’ अट ठेवली…
rohit pawar
“बारामतीत पोलीस बंदोबस्तात पैशांचा पाऊस”, रोहित पवारांनी शेअर केले VIDEO, रात्री १२ नंतर बँकही चालू?

मुंबईतील ‘या’ प्रसिद्ध महाविद्यालयात पियुष गोयल यांच्या मुलाच्या कार्यक्रमासाठी विद्यार्थ्यांवर जबरदस्ती, ओळखपत्र जप्त करून…

रोहित पवार पुढे म्हणाले की, भाजपा कुणावर कारवाई करेल, याबाबत काहीही सांगता येत नाही. कर्नाटक मधील दोन शेतकरी ज्यांना घर नाही, अशा शेतकऱ्यांवरही कारवाई झाली आहे. पण पवार कुटुंबामध्ये विचारांना किंमत आहे. त्यामुळेच मी आणि युगेंद्रने आजोबांची साथ देण्याचा निर्णय घेतला.

टप्प्याटप्प्याने सर्वांचा करेक्ट कार्यक्रम करू

इंदापूर येथील शेतकरी मेळाव्यात अजित पवार गटाचे आमदार दत्तात्रय भरणे यांच्यावर टीका करण्यात आली. मात्र हर्षवर्धन पाटील यांच्याबाबत कोणतेही भाष्य करण्यात आले नाही, यावर बोलताना रोहित पवार म्हणाले की, एकाच भाषणात सर्व बोललं तर पुढच्या भाषणात बोलायला काही उरणार नाही. पुढच्या भाषणासाठी काही गोष्टी राखून ठेवल्या आहेत. टप्प्याटप्प्याने सगळ्यांचा करेक्ट कार्यक्रम करू, अशी सूचक प्रतिक्रिया रोहित पवार यांनी दिली.

मनोज जरांगे पाटील यांना तडीपार करणार का? गृहमंत्री देवेंद्र फडणवीस म्हणाले…

विजय शिवतारे लवकरच भाजपामध्ये प्रवेश करणार

विजय शिवतारे यांनी बारामती लोकसभा मतदारसंघात शड्डू ठोकला असून मुख्यमंत्री एकनाथ शिंदे यांनाही प्रसंगी विरोध करू पण लोकसभा लढवूच, असा आक्रमक पवित्रा विजय शिवतारे यांनी घेतला आहे. यावर रोहित पवार यांनी भाजपाकडे अंगुलीनिर्देश केला. विजय शिवतारे सत्तेतल्या पक्षाचे नेते आहेत. मुख्यमंत्र्यांचेही जर ते ऐकत नसतील तर भाजपाच्या चाणक्याचे ते ऐकणार का? असा प्रश्न रोहित पवार यांनी उपस्थित केला. तसेच विजय शिवतारे ‘नमो विचारमंच’ या नावाखाली निवडणूक लढवित असल्यामुळे ते लवकरच भाजपामध्ये प्रवेश करणार असल्याचा दावा रोहित पवार यांनी केला.