भुईंज येथील ज्येष्ठ नागरिक व वृत्तपत्र विक्रेते महादेव कोंडिबा निकम (वय ८७) यांचे वृद्धापकाळाने निधन झाले. वाई तालुक्यातील महामार्ग परिसरातील व किसन वीर कारखाना परिसरातील जुन्या पिढीतील ते वृत्तपत्र विक्रेते होते. सुरुवातीपासून ते लोकसत्ता व इंडियन एक्सप्रेसचे विक्रेते होते. मूळ चिधवली गावचे रहिवासी होते. स्वातंत्र्यपूर्व काळापासून ते सायकलवरून ग्रामीण भागात वृत्तपत्र विक्रीचे काम करत. या व्यवसायात त्यांची तिसरी पिढी सध्या काम करत आहे. त्यांच्या अत्यंयात्रेत सर्व स्तरांतील समाज सहभागी झाला होता.