IsIs शी संबंध असल्याप्रकरणी परभणीतील तरुणाला ७ वर्षाची सक्तमजुरी 

२०१६ साली ISIS संघटनेशी संबंध असल्याप्रकरणी नासेरबिनला अटक करण्यात आली होती.

Court
(संग्रहीत छायाचित्र)

आयसीस ( ISIS ) या जिहादी संघटनेशी संबंध असल्याप्रकरणी परभणीतील २९ वर्षीय तरुणाला एनआयएच्या विषेश न्यायालयाने ७ वर्षाची सक्तमजूरीची शिक्षा सुनावली आहे. नासेरबिन अबुबकर याफईस असे शिक्षा सुनावण्यात आलेल्या तरूणाचे नाव असून त्याने आपला गुन्हा कबूल केला आहे.

जिहादी कारवायांचे समर्थन केल्याचे तपासात उघड
२०१६ साली ISIS संघटनेशी संबंध असल्या प्रकरणी नासेरबिनला अटक करण्यात आली होती. त्यानंतर त्याच्यावर खटलाही चालवण्यात येत होता. नासेर बिनने ISIS चा कमांडर फारुख याच्याकडून बॉम्ब बनवण्याचे प्रशिक्षण घेतल्याचा आरोप करण्यात आला होता. तसेच तो इस्लामिक स्टेटच्या सदस्यांशी संपर्क साधण्यासाठी आणि त्यांच्या जिहादी कारवायांचे समर्थन करण्यासाठी ऑनलाईन संसाधने वापरत असल्याचे तपासात समोर आले होते.

आणखी तीन जणांना अटक
महाराष्ट्राच्या दहशतवाद विरोधी पथकाने परभणी-आधारित ISIS मॉड्यूलचा पर्दाफाश केला. खान, इक्बाल अहमद आणि मोहम्मद रईसुद्दीन या तिघांनाही अटक करण्यात आली. इंडियन मुजाहिदीनचा (आयएम) पूर्वीचा सदस्य असलेला फारूक उर्फ ​​शफी अरमार अद्याप फरार आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Nia court sentences man accused of supporting isis activities in maharashta to 7 years in prison dpj

Next Story
औरंगाबाद विद्यापीठात राडा, व्यवस्थापन परिषद सदस्य, राष्ट्रवादीच्या नेत्याला काळे फासण्याचा प्रकार
ताज्या बातम्या
फोटो गॅलरी