सातारा जिल्ह्यात करोना रुग्णांची संख्या ७४ वर

कराड तालुक्यात ५५ रुग्ण

अमेरिकन बायोटेक्नोलॉजी कंपनी नोव्हाव्हॅक्सने ऑस्ट्रेलियात या लसीच्या मानवी चाचण्या सुरु झाल्याची घोषणा केली आहे.

सातारा जिल्ह्यात गेल्या ४८ तासांत करोनाग्रस्तांची संख्या तब्बल ३० ने वाढून ती ७४ झाली. यामध्ये एकटय़ा कराड तालुक्यातील रुग्णांची संख्या जवळपास ५५ आहे. कराड शहरात ५, शहरालगतच्या वनवासमाचीत सर्वाधिक २६ तर, मलकापूर नगरपालिकाक्षेत्रात १३ रुग्णांची नोंद आहे. कराड तालुक्यात रुग्णांची मोठी साखळी पुढे आल्याने हा विळखा भेदण्याचे आव्हान आरोग्य यंत्रणेसमोर उभे ठाकले आहे.

कोविड-१९ची लागण झालेल्या रुग्णांची संख्या वाढल्याने कराडकरांमध्ये भीतीचे वातावरण आहे. त्यात आरोग्य सेवेतील अनेकांचा समावेशाबरोबरच स्थानिकांनाही आता हा संसर्ग होऊ लागला आहे. दरम्यान शेकडो संशयितांचे अहवाल अद्याप प्रलंबित असून, ७ अहवाल अनिर्णित आहेत. त्यामुळे करोनाग्रस्तांची संख्या आणखी वाढणार असल्याची भीती व्यक्त होत आहे.

सातारा जिल्हा रुग्णालयात पुणे कारागृहातून आलेल्या दोघांना करोनाबाधा झाल्याचे निष्पन्न झाले आहे. सातारा, फलटण, कोरेगाव, वाईमध्येही रुग्ण मिळून आल्याने करोनाने जिल्हभर हातपाय पसरल्याचे दिसते आहे. दरम्यान, करोनाग्रस्त मिळून आलेल्या सातारा व कराड या दोन प्रमुख शहरांसह करोना संसर्गित रुग्णांचे वास्तव्य व संपर्क राहिलेला संपूर्ण परिसर पुर्णत: कुलूपबंद असून, संशयित रुग्णांचे शोधकार्य गती घेऊन आहे. जिल्ह्यात आजवर ८ रुग्ण उपचारांती सुखरूप स्वगृही परतले असून, २ रुग्णांचा उपचार घेत असताना मृत्यू झाला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Number of corona patients in satara district is 74 abn

Next Story
नाकर्त्यां लोकप्रतिनिधींमुळे पूरग्रस्त अन्नछत्रात!
ताज्या बातम्या