अजित पवार यांच्या ताफ्यातील वाहनाच्या अपघातात जखमी महिलेचा मृत्यू

अपघाताच्या घटनेनंतरच त्यांची प्रकृती चिंताजनक होती. अपघातावेळी विष्णू दामोदर सुदे (वय ३५) वर्षे हे दुचाकीवरून आपल्या कुटुंबासोबत जात असताना अजित पवार यांच्या ताफ्यातील अग्निशामक दलाच्या बंबाने धडक दिली. या अपघातात सुदे यांच्यासह पत्नी कुसुम सुदे, दोन लहान मुली रागिणी (वय ९) व अक्षरा (६ वर्षे) हे सर्व गंभीर जखमी झाले होते. या सर्वांवर लातूर येथे उपचार सुरू होते. दरम्यान कुसूम यांच्या पार्थिवावर दिंद्रुड येथे मंगळवारी अंत्यसंस्कार करण्यात आले.