नवरात्रीच्या पहिल्याच दिवशी सणाला गालबोट लागणारी एक घटना तुळजाभवानीच्या मंदिरात घडली आहे. तुळजापूरच्या तुळजाभवानीच्या मंदिरात मध्यरात्री चेंगराचेंगरी झाली. या चेंगराचेंगरीत एका भाविकाचा जागीच मृत्यू झाला असून, १९ भावीक जखमी झाले आहेत. जखमींपैकी १० भाविकांची प्रकृती गंभीर असल्याने त्यांना सोलापूरच्या रुग्णालयात दाखल करण्यात आले आहे.हरिदास कपाले असे मृत्यू झालेल्या भाविकाचे नाव आहे. कपाले हे सोलापूरचे रहिवाशी होते. आज नवरात्रीचा पहिलाच दिवस असल्यामुळे देवीचे दर्शन घेण्यासाठी भक्तांची गर्दी उसळली होती. नवरात्रोत्सवाच्या निमित्ताने जवळपास अडीच लाख भाविक भवानी मंदिरात जमलेले होते.