Operation Tiger Shivsena UBT Highlights: ‘खासदार संजय दिना पाटील आमच्याबरोबर’, ठाकरे गटाच्या अरविंद सावंत यांचा दावा

लग्न एकासोबत करायचं आणि भलत्याचाच हात धरून पळून जायचं... हा अत्यंत किळसवाणा राजकीय व्यभिचार असून संविधान व लोकशाही मोडून हुकूमशाहीकडे वाटचाल सुरु असल्याचं हे लक्षण आहे. याला ‘ऑपरेशन टायगर’ नाही ‘ऑपरेशन बाजार’ म्हणावं लागेल आणि हा ‘ऑपरेशन बाजार’ लायकीचा, माणसांचा की विचारांचा हे लोकंच ठरवतील. एकेका खासदाराचा रेट ८५ कोटी..??? एवढे पैसे द्यायला संबंधित पक्षाकडं पैसे येतात तरी कुठून? शिवसेना, राष्ट्रवादी, आप, तृणमूल काँग्रेस आणि आता पुन्हा शिवसेना.. देशात हे असंच सुरू राहिलं तर एक दिवस लोकंच रस्त्यावर उतरून पळून जाणाऱ्यांना आणि पळवून नेणाऱ्यांना चोपल्याशिवाय राहणार नाहीत. आज डोक्यावर दुष्काळाचं सावट आहे, पिण्यासाठी आणि शेतीसाठी पाणी नाही, मालाला भाव नाही, बेरोजगारी वाढलीय, नोकरभरतीचा बट्ट्याबोळ केलाय, मध्यमवर्गीयांना ईएमआय भरण्यासाठी पैसे नाहीत आणि अशा परिस्थितीत सामान्य माणूस कधी नाही एवढा अडचणीत असताना यावर मात्र चर्चा होत नाही, हे दुर्दैव आहे.

https://twitter.com/RRPSpeaks/status/2067130181454893456?s=20

दिल्लीत राजकीय घडामोडींना वेग आला असून नेमक्या काय राजकीय घडामोडी घडत आहेत आणि कोणते खासदार शिंदेंच्या संपर्कात आहेत, याबद्दलची वेगवेगळी माहिती समोर येत आहे. तर दुसरीकडे ओमराजे निंबाळकरांना "तुम्ही अजूनही ठाकरेंबरोबरच आहात का?" प्रश्न विचारताच ते निरुत्तर झाल्याचे पाहायला मिळाले.