Video: पंढरपुरात व्हीआयपी दर्शनाचा फज्जा; मंत्र्यांनीच मोडले जिल्हाधिकाऱ्यांचे आदेश, मंत्री गुलाबराव पाटलांच्या समर्थकांना सोडले तर मुनगंटीवार ताटकळले

आषाढी वारीला लाखो भाविक विठुरायाच्या दर्शनासाठी येतात. दर्शन रांगेत तासान तास उभे राहतात. असे असताना दुसरीकडे व्हीआयपी म्हणजे राजकारणी,अधिकारी,सामाजिक कार्यकर्ते व अन्य मंडळी दर्शन रांग सोडून झटपट दर्शन करतात. त्यामुळे रांगेतील भाविकांच्या दर्शनाला वेळ लागतो.

या साऱ्या पार्श्वभूमीवर सोलापूर जिल्हाधिकारी एस. कार्तिकेयन यांनी १५ जुलै पासून विठ्ठलाचे व्हिआयपी दर्शन बंद ठेवण्याचे आदेश श्री विठ्ठल रुक्मिणी मंदिर समितीला दिले. त्यावर देखरेख आणि अंमलबजावणी करण्यासाठी दोन महसूलचे अधिकारी नियुक्त केले. मात्र काही तासात एका सामजिक संघटनेचे पदाधिकारी यांनी दर्शन घेतले. त्या नंतर भाजपाचे जेष्ठ नेते सुधीर मुनगंटीवार हे दर्शनाला आले. मात्र व्हीयापी दर्शन बंद आहे असे सांगण्यात आले. त्यांनी जिल्हाधिकारी, पोलीस अधीक्षक याना संपर्क केले. मात्र काही वेळाने त्यांना दर्शनाला सोडण्यात आले. त्या नंतर मुनगंटीवार यांनी नाराजी व्यक्त करत महसूल,मंदिर समिती यांच्यात समन्वय नाही. मंदिर समिती कारभारावर त्यांनी तीव्र नाराजी व्यक्त केली.

तर पाणी पुरवठा मंत्री गुलाबराव पाटील हे पंढरपूरला आले. ते दर्शनला आले असता मंदिराच्या दरवाज्यावर समर्थकांना अडविण्याचा प्रयत्न केला. मात्र मंत्र्यांच्या पाठोपाठ मंदिरात घुसून प्रवेश केल्याचे दिसून आले. त्या नंतर त्यांनी आपण लोकप्रतिनिधी आहोत अडीचशे किलोमीटर वरून प्रवास करून येतो. मग दर्शनाला द्यायलाच पाहिजे. माझ्या सोबतचे लोक थेट दर्शनाला सोडल्याची कबुलीही मंत्री पाटील यांनी दिली.मात्र जो उद्देश ठेवून व्हीआयपी दर्शन बंद ठेवले त्या नियमाचा उल्लंघन मंत्र्यांनी केल्याने भाविकांनी नाराजी व्यक्त केली.

पुढाऱ्यांना आणि समर्थकांना सुबुद्धी द्या

आम्ही दिवस रात्र, खाणे पिणे सोडून विठ्लाच्या दर्शनसाठी रांगेत तासन तास उभे राहतो. मात्र अनेक वेळा रांग थांबली जाते. चौकशी केल्यावर समजते मंत्री,अधिकारी आलेत. त्यामुळे दर्शन बंद केले. ते लोक दर्शन घेतात, फोटो काढतात, सत्कार होतो. तो पर्यंत रांग बंद ठेवतात. त्यामुळे किमान वारी होई पर्यंत कोण्या मंत्री,अधिकारी,व अन्य लोकाना सुबुद्धी द्या अशी मागणी भाविकांनी केली आहे.