scorecardresearch

Premium

“हा तुमचा पक्षाला इशारा आहे का?”, पंकजा मुंडे स्पष्टच म्हणाल्या, “मी त्यांना…”

पंकजा मुंडेंनी पत्रकारांच्या प्रश्नांना उत्तरं देताना किंवा जाहीर सभांमधून अशी वक्तव्ये केली ज्यावरून त्या पक्षाला इशारा देत असल्याचीही चर्चा झाली.

Pankaja Munde Narendra Modi
"हा तुमचा पक्षाला इशारा आहे का?" या प्रश्नावर पंकजा मुंडेंनी भूमिका स्पष्ट केली. (छायाचित्र – लोकसत्ता ग्राफिक्स टीम)

गेल्या काही दिवसांपासून सातत्याने भाजपा नेत्या पंकजा मुंडे पक्षात नाराज असल्याची चर्चा होत असते. या पार्श्वभूमीवर पंकजा मुंडेंनी पत्रकारांच्या प्रश्नांना उत्तरं देताना किंवा जाहीर सभांमधून अशी वक्तव्ये केली ज्यावरून त्या पक्षाला इशारा देत असल्याचीही चर्चा झाली. याबाबत आता पंकजा मुंडेंनाच विचारण्यात आल्यावर त्यांनी हात जोडून याबाबत आपली भूमिका स्पष्ट केली. त्या मंगळवारी (२६ सप्टेंबर) टीव्ही ९ मराठीला दिलेल्या मुलाखतीत बोलत होत्या.

पंकजा मुंडे म्हणाल्या, “पक्ष फार मोठा आहे. माझ्या पक्षाचा नेता हा जगाचा नेता आहे. त्यांना इशारा द्यायची माझी काय औकात आहे. मी त्यांना इशारा देण्याची काहीही गरज नाही. मी कोणतेही इशारे देत नाही. माझी भाषणं समोर बसलेल्या लोकांसाठी असतात. महाराष्ट्राच्या कोणत्या जिल्ह्यात काय बोलायचं हे मला अजूनही माहिती आहे. कुठे काय विषय आहे हे मला माहिती आहे. त्यामुळे मी त्यांच्यासाठी बोलत आहे.”

Chandrashekhar Bawankule (1)
“…तर विरोधकांना तोंड दाखवणं कठीण होईल”, बावनकुळेंच्या विधानावरील टीकेवर भाजपाचं प्रत्युत्तर
Supriya Sule
“पत्रकारांना चहा प्यायला न्या”, बावनकुळेंच्या विधानावर सुप्रिया सुळेंची संतप्त प्रतिक्रिया; म्हणाल्या, “भाजपाने एकतर…”
Ajit Pawar on Amit Shah Mumbai Visit
अमित शाहांच्या मुंबई दौऱ्यावेळी गैरहजर का? अजित पवार स्पष्टच म्हणाले, “मी त्यांना…”
eknath-shinde-and-aditya-thackeray-1
तुम्ही ठाण्यातून निवडणूक लढवणार का? या प्रश्नावर आदित्य ठाकरे म्हणाले…

“स्वतःचा पाठिचा कणा आणि पिंड बदलून काम करण्यात काही अर्थ नसतो”

“आज माझ्याकडे कोणतंही संवैधानिक कोणतंही पद नाही. असं असताना माझी इतकी लोकप्रियता टिकून असेल, तर ती कशामुळे असेल. ही लोकप्रियता माझा शब्द लोकांना त्यांच्या मनातला वाटतो यामुळे आहे. ते मी सोडू शकत नाही. तो माझा मुख्य पिंड आहे. स्वतःचा पाठिचा कणा आणि पिंड बदलून कुठल्याही क्षेत्रात काम करण्यात काही अर्थ नसतो,” असं सूचक वक्तव्यही पंकजा मुंडेंनी केलं.

“…म्हणून मी अस्वस्थ आहे”

भाजपात तुम्ही अस्वस्थ आहात का? असं विचारलं असता पंकजा मुंडेंनी पुढे सांगितलं, “मी भाजपात अस्वस्थ नाही. मी सध्या सामान्यपणेच अस्वस्थ आहे. कारण माझ्या परिस्थितीत इतर कुणालाही ठेवलं तर तो माणूस अस्वस्थ होईलच किंवा तो आणखी काय करेल? हे माहीत नाही. पण मी कणखरपणे उभी आहे.”

हेही वाचा : “मी दररोज बँकांच्या पाया पडतेय”, आर्थिक तंगीबाबत पंकजा मुंडेंनी मांडली व्यथा…

“मी अस्वस्थ असताना कोणाताही निर्णय घेत नाही. मी फार जड आत्मा आहे. मी पटकन डगमगणारी नाही. मी अस्वस्थ आहे, कारण एकाचवेळी मी खूप गोष्टींकडे लक्ष देत आहे. अगदी घरापासून व्यावसायिक गोष्टी, राजकारणाकडे लक्ष देत आहे. मी ‘वन मॅन आर्मी’ आहे, म्हणून मी अस्वस्थ आहे,” असं भाष्य पंकजा मुंडेंनी केलं.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Pankaja munde comment on speculations of her warning to bjp pbs

First published on: 26-09-2023 at 19:23 IST

संबंधित बातम्या

क्विझ ×