Lok Sabha Session 2024 : देशात राष्ट्रीय लोकशाही आघाडीचं तिसऱ्यांदा सरकार स्थापन झालं आहे. सरकार स्थापनेनंतर १८ व्या लोकसभेचं पहिलं अधिवेशन चालू झालं आहे. आज (२५ जून) अधिवेशनचा दुसरा दिवस असून सभागृहात नवनिर्वाचित खासदारांचा शपथविधी चालू आहे. सोमवारी केंद्रीय मंत्री आणि एनडीएतील खासदारांचा शपथविधी पार पडला. आज महाराष्ट्रातील खासदारांचे शपथविधी चालू आहेत. महाराष्ट्रातील अनेक खासदारांनी मराठी भाषेतून शपथ घेतली. तर राष्ट्रवादी काँग्रेस पार्टीच्या शरद पवार गटातील खासदार (अहमदनगर) निलेश लंके यांनी इंग्रजी भाषेत शपथ घेतली. निलेश लंके यांनी इंग्रजीतून शपथ घेतल्यानंतर त्यांचं कौतुक होऊ लागलं आहे. तसेच निलेश लंके यांची ही शपथ त्यांचे मतदारसंघातील विरोधक सुजय विखे पाटील यांच्या टीकेला प्रत्युत्तर असल्याचं बोललं जात आहे.

नुकत्याच झालेल्या लोकसभा निवडणुकीत अहमदनगर मतदारसंघात निलेश लंके यांनी भाजपा उमेदवार सुजय विखे यांचा २८ हजार मतांनी पराभव केला. ही निवडणूक देशभर चर्चेचा विषय बनली होती. निवडणुकीच्या प्रचारादरम्यान, माजी खासदार सुजय विखे यांनी निलेश लंके यांच्यावर शिक्षणावरून टीका केली होती. “निलेश लंके यांनी माझ्यासारखं इंग्रजी बोलून दाखवल्यास मी निवडणुकीचा उमेदवारी अर्ज मागे घेईन”, असं विखे पाटील म्हणाले होते. त्यानंतर निवडणुकीच्या प्रचारकाळात निलेश लंके यांनी सुजय विखेंच्या टीकेला जशास तसं प्रत्युत्तर दिलं होतं. तसेच काही प्रचारफेऱ्यांमध्ये आणि सभांमध्ये इंग्रजी वाक्ये बोलून दाखवली होती. दरम्यान, खासदारकीची शपथ इंग्रजीतून घेत लंके यांनी पुन्हा एकदा विखेंवर कुरघोडी केली आहे.

Rohit Sharma Statement on India Win
IND vs ENG: टीम इंडियाच्या फायनल प्रवेशासह रोहित शर्माचे विराट कोहलीवर मोठे वक्तव्य; म्हणाला, “१५ वर्ष खेळलेल्या…”
Devendra Fadnavis On Uddhav Thackeray Anil Parab
“उद्धव ठाकरेंच्या शिवसेनेचे सेनापती…”, फडणवीसांकडून ठाकरे गटाच्या आमदाराचं तोंडभरुन कौतुक
NCP MLA Rohit Pawar
“दोन दिवस थांबा, राज्याला हादरवून सोडणारा खुलासा…”, रोहित पवार यांचं मोठं विधान
sharad pawar marathi news (1)
अजित पवारांच्या ‘मी नवखा नाही’ विधानावर शरद पवारांचं खोचक भाष्य; म्हणाले, “खिशात ७० रुपये असताना…”!
video having fun with the kids under the waterfall suddenly the water level rose and the picture changed shocking video goes viral
लोणावळ्याची घटना ताजी असतानाच आणखी एक VIDEO समोर; काही सेंकदांत घेतलेल्या निर्णयामुळे असा बचावला चिमुकला
Sharad pawar and suryakanta patil
मोठी बातमी! भाजपाच्या सूर्यकांता पाटील यांचा शरद पवार गटात जाहीर प्रवेश
Bees attacked on women who had gone for vatpaurnima in Nive village of Poladpur taluka
रायगडात वटपूजन करताना अघटित घडले… जाणून घ्या काय आहे प्रकार…
Young girl photoshoot on dam and she fell in dam water shocking video
VIDEO: जीव एवढा स्वस्त असतो का? रीलच्या नादात होत्याचं नव्हतं झालं; पाण्याच्या प्रवाहात तरुणी क्षणात दिसेनाशी झाली

निलेश लंकेंची खासदारकीची शपथ

I, Nilesh Dnyandev Lanke, having been elected a member of the House of People do swear in the name of God that I will bear true faith and allegiance to the Constitution of India as by law established, that I will uphold the sovereignty and integrity of India and that I will faithfully discharge the duty upon which I am about to enter. जय हिंद, जय महाराष्ट्र, राम कृष्ण हरी

हे ही वाचा >> ‘या’ भाजपा खासदाराने ईश्वराच्या नावाने शपथ घेतली नाही, सभागृहात वेगवेगळ्या चर्चांना उधाण

दरम्यान, दोन आठवड्यांपूर्वी राष्ट्रवादी काँग्रेस पार्टी शरदचंद्र पवार या पक्षाचा वर्धापनदिन (१० जून) साजरा करण्यात आला. या वर्धापनदिनानिमित्त आयोजित मेळाव्याला संबोधित करताना निलेश लंके यांनी दमदार भाषण केलं होतं. त्या भाषणावेळी देखील लंके यांनी इंग्रजीतून भाषणाची सुरुवात करत लंकेंच्या टीकेला प्रत्युत्तर दिलं होतं. निलेश लंके त्यांच्या भाषणात म्हणाले होते “सर्वांनी एक गोष्ट ध्यानात ठेवायची… Pawar is the Power… सगळ्यांचा नाद करायचा, पण पावारांचा नाद केला तर ते भल्याभल्याना घरी बसवतात. शरद पवार हे आम्हा सर्वांचं दैवत आहे.”