सोलापूर : मुलगा व्हावा म्हणून सासूच्या सांगण्यावरून पती ठराविक दिवशीच शारीरिक संबंध ठेवत होता. अंधश्रध्देपोटी सासूने पती-पत्नीला शरीरसंबंध ठेवण्यासाठी वेळापत्रक बनवून दिले होते. मात्र, पती विकृत पद्धतीने शारीरिक संबध ठेवत असल्यामुळे पीडितेला त्रास सहन होत नव्हता. त्यामुळे पीडित विवाहितेने पती व सासूसह सासरा, दोन नणंद, पतीचा आत्येभाऊ यांच्या विरोधात विजापूर नाका पोलीस ठाण्यात धाव घेऊन तक्रार नोंदवली. त्यानुसार पोलिसांनी गुन्हा नोंद केला आहे. पतीने वारंवार विकृत पद्धतीने शरीरसंबध ठेवल्याने त्यातून शारीरिक इजा झाल्याचेही पीडित विवाहितेने तक्रारीत म्हटले आहे. विवाह झाल्यानंतर वर्षभर पतीने असह्य छळ केल्यामुळे तब्येत खालावली. त्यानंतर सासरच्या मंडळींनी आपणांस माहेरी आणून सोडले आणि नंतर पतीचा दुसरा विवाह लावून देण्यासाठी घटस्फोट मागत आहेत, असेही पीडित विवाहितेने तक्रारीत म्हटले आहे.
