एकनाथ शिंदेंच्या साताऱ्यातील दरे तांब येथील बंगल्याबाहेर पोलीस बंदोबस्त

हा नियमीत पोलीस बंदोबस्त असल्याचे उपअधीक्षक डॉ शीतल जानवे-खराडे यांनी सांगितले आहे

Eknath Shinde Satara house
सातारा जिल्ह्यात महाबळे्वर तालुक्यात दरे तांब हे एकनाथ शिंदेंचं मूळ गाव आहे.

शिवसेनेत बंडाचे निशाण फडकावून महाविकास आघाडी सरकारला झटका देऊन गुवाहाटी येथील हॉटेलमध्ये ठाण मांडून बसलेले नगरविकास मंत्री एकनाथ शिंदे यांच्या सातारा जिल्ह्यातील मूळ गावी दरे तांब (ता.महाबळेश्वर) येथील बंगल्यावर वाई पोलीस उपअधीक्षक कार्यालयाकडून ठेवण्यात आला आहे. मात्र हा नियमीत पोलीस बंदोबस्त असल्याचे उपअधीक्षक डॉ शीतल जानवे-खराडे यांनी सांगितले.

कोणताही बंदोबस्त हलवला अथवा काढण्यात आलेला नाही. ते महाराष्ट्राबाहेर गेले त्या दिवसापासून वाई उपविभागातून नियमित पाच पोलीस कर्मचारी व बीटच्या कर्मचाऱ्यांचा बंदोबस्त असल्याचे वाई उपविभागाच्या उपअधीक्षक डॉ शीतल जानवे- खराडे यांनी सांगितले.

गावातील घराचा बंदोबस्त हटवण्यात आल्याच्या बातम्या आल्यानंतर राजकारण सुरू झाल्याची चर्चा सुरू झाली होती. सातारा जिल्ह्यातील दरे तांब (ता. महाबळेश्वर)हे एकनाथ शिंदे यांचे मूळ गाव आहे. या ठिकाणी त्यांचे नेहमी येणे-जाणे असते. 

शिवसेना आमदारांनी केलेल्या बंडाळीनंतर राज्यभरातील शिवसैनिक चांगलेच संतापले आहेत. शिवसैनिकांकडून बंडखोर आमदारांच्या कार्यालयावर, घरावर हल्ला चढवला जात आहे. अनेक ठिकाणी त्यांच्या समर्थनार्थ लावलेले फ्लेक्स फाडून टाकले आहेत. काहींना काळंही फासलं जात आहे. राज्यातील अनेक ठिकाणी शिवसैनिक रस्त्यावर उतरल्याने बंडखोर आमदारांनी चांगलीच धास्ती घेतल्याची चर्चा सुरु झाली आहे. 

दरम्यान त्यांच्या मूळ गावी असणाऱ्या घरा समोरील बंदोबस्त काढण्यात आलेला नाही चुकीची माहिती बाहेर पसरवली जात असल्याचे वाईच्या पोलीस उपाधीक्षक डॉ शितल जानवे खराडे यांनी सांगितले.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Police security outside eknath shindes bungalow at dare tamb in satara msr

Next Story
दिल्लीत उतरताच शरद पवारांचं एकनाथ शिंदेंच्या बंडखोरीवर सूचक विधान; म्हणाले, “जे आमदार गेलेत…!”
ताज्या बातम्या
फोटो गॅलरी