scorecardresearch

Premium

“…ही आम्हाला शोभणारी बाब नाही”, राष्ट्रवादीचे नवनियुक्त कार्यकारी अध्यक्ष प्रफुल्ल पटेलांचं वक्तव्य, पक्षाच्या नियोजनाबद्दल म्हणाले…

राष्ट्रवादी काँग्रेस पक्ष आगामी निवडणुका सुप्रिया सुळे आणि प्रफुल्ल पटेल यांच्या नेतृत्वात लढणार आहे.

Praful Patel
"सुनील तटकरे नवे प्रदेशाध्यक्ष, जयंत पाटील यांना मुक्त केलं", प्रफुल्ल पटेल यांची घोषणा

राष्ट्रवादी काँग्रेसचे अध्यक्ष शरद पवार यांनी आज (१० जून) दिल्लीत राष्ट्रवादी काँग्रेसच्या वर्धापन दिनानिमित्त आयोजित कार्यक्रमात खासदार सुप्रिया सुळे आणि प्रफुल्ल पटेल यांच्यावर पक्षाच्या कार्यकारी अध्यक्षपदाची जबाबदारी सोपवली आहे. तसेच इतर वरिष्ठ नेत्यांवर अतिरिक्त जबाबदारी सोपवली आहे. आगामी निवडणुका राष्ट्रवादी काँग्रेस पक्ष प्रफुल्ल पटेल आणि सुप्रिया सुळे यांच्या नेतृत्वात लढणार आहे.

राष्ट्रवादी काँग्रेस पक्षाच्या कार्यकारी अध्यक्षपदाची जबाबदारी मिळाल्यानंतर प्रफुल्ल पटेल म्हणाले, मला अशी जबाबदारी मिळणं काही नवीन नाही. मी खूप वर्षांपासून पवार साहेबांबरोबर राष्ट्रीय पातळीवर काम करतोय. पक्षाने आजवर जी जबाबदारी दिली ती मी पार पाडत आलो आहे. माझ्यासाठी आता पदोन्नती काही नवीन गोष्ट नाही. ते एबीपी माझाशी बोलत होते.

manoj jarnage patil
“बाकीचं नंतर बघू, आधी माझ्या किडन्या तपासा”, मनोज जरांगेंच्या किडनीचा नेमका घोळ काय?
Actor Vijay Antony reacts on Daughter Meera suicide
“मी तिच्याबरोबर मेलो,” १६ वर्षीय मुलीच्या आत्महत्येनंतर अभिनेत्याची भावुक पोस्ट; म्हणाला, “जिथे जात, धर्म, पैसा…”
tanushree dutta on rakhi sawant
“तिने पाच लग्नं केलीत, पण…” तनुश्री दत्ताची राखी सावंतवर टीका; म्हणाली, “तिला पुरुष…”
ramdas kadam on uddhav thackeray aaditya
“आदित्यसाहेब आणि त्यांचा बाप…”, रामदास कदमांची टीका; म्हणाले, “…आता दोघंही पळतायत!”

प्रफुल्ल पटेल यांना यावेळी पक्षाचा पुढील आव्हानांविषयी विचारण्यात आलं. त्यावर पटेल म्हणाले, राष्ट्रवादी काँग्रेसला पुन्हा एकदा राष्ट्रीय पक्षाचा दर्जा मिळवून देणं हे आमचं पहिलं आव्हान असेल.खरंतर ही सर्वच नेत्यांची जबाबदारी असेल. नागालँडमध्ये आमच्या पक्षाला मान्यता मिळाली आहे. अशा आणखी दोन तीन राज्यांमध्ये आमचे जास्तीत जास्त आमदार निवडून आणणं आणि मतांची टक्केवारी वाढवणं आणणं हे आमचं प्रमुख आव्हान असेल. त्या दृष्टीने आम्हाला काम करावं लागेल.

हे ही वाचा >> राष्ट्रवादी काँग्रेसच्या कार्यकारी अध्यक्षपदी निवड झाल्यानंतर सुप्रिया सुळेंची पहिली प्रतिक्रिया, म्हणाल्या…

प्रफुल्ल पटेल म्हणाले, पक्षाला राष्ट्रीय मान्यता मिळल्यानंतर ती परत रद्द केली जाणं ही आम्हाला शोभणारी गोष्ट नाही. आम्हालाही याचं दुःख आहे परंतु ठीक आहे, राजकारण म्हटलं की, उतार चढाव होत असतात. आज उतार असेल पण परत चढावही दिसेल, प्रगतीचे दिवस दिसणार आहेत.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 10-06-2023 at 16:48 IST

संबंधित बातम्या

गणेश उत्सव २०२३ ×