देवेंद्र फडणवीसांनी सुरत लुटीबाबत केलेल्या विधानावरून प्रकाश आंबडेकरांची टीका; म्हणाले, “भाजपा-आरएसएसला आजही…”

प्रकाश आंबेडकर यांनी आज लातूरमध्ये माध्यमांशी संवाद साधला. यावेळी त्यांना देवेंद्र फडणवीस यांच्या विधानाबाबत विचारण्यात आलं. राष्ट्रीय स्वयंसेवक संघ आणि भाजपाने शिवाजी महाराजांचा अपमान केला आहे. दोघांनी माफी मागितली पाहिजे, अशी प्रतिक्रिया त्यांनी दिली.

आणखी वाचा

“…तर इगो कुणाचा दुखावतोय, हे कळेल”; देवेंद्र फडणवीसांच्या ‘त्या’ आरोपाला आदित्य ठाकरेंचे प्रत्युत्तर!

१० ऑक्टोबर पंचांग: गुरुची वक्री चाल तर महागौरी…

“पंतप्रधान मोदींच्या अगाध ज्ञानाचं…”; महात्मा गांधींबाबत केलेल्या ‘त्या’ विधानावरून शरद पवारांचा टोला!

“…तर आम्ही लाडकी बहीण योजना सुरुच केली नसती”; नितीन गडकरींच्या ‘त्या’ विधानावर अजित पवारांची प्रतिक्रिया

“उद्धव ठाकरेंनी आनंद दिघेंचं खच्चीकरण केलं”, रामदास कदम यांचा गंभीर आरोप; म्हणाले, “त्यांच्या मृत्यूच्या काही दिवसांपूर्वीच… ”

जरांगेंनी निवडणूक लढवली नाही, तर ते पवारांच्या इशाऱ्यावरील हे स्पष्ट; ॲड.प्रकाश आंबेडकर यांचे टीकास्त्र

“उद्धव ठाकरेंना मविआतून बाहेर काढण्याचा प्रयत्न सुरू आहे” म्हणणाऱ्या चंद्रशेखर बावनकुळेंना ठाकरे गटाचे प्रत्युत्तर; म्हणाले…

बावनकुळेंकडूनही नितेश राणेंची पाठराखण, म्हणाले ” त्यांचे वक्तव्य…”

हेही वाचा – Sanjay Raut : “देवेंद्र फडणवीस हे छत्रपती शिवरायांचं राज्य लयाला नेणाऱ्या पेशवाईचे..”, संजय राऊत यांची टीका

नेमकं काय म्हणाले प्रकाश आंबेडकर?

“कर्तबगार व्यक्तिमत्त्वाचा इतिहास नाकारण्याचा प्रयत्न होतो आहे. त्याचे कारण म्हणजे छत्रपती शिवाजी महाराजांनी ब्राह्मणशाहीला आणि मनुस्मृतीला आव्हान उभे केले होते. त्यांनी अलुतेदार, बलुतेदार यांचे सैन्य उभे केले. त्याचं शल्य आजही भाजपा आणि राष्ट्रीय स्वयंसेवक संघाला आहे. मी देवेंद्र फडणवीस यांच्या विधानाचा निषेध करतो”, असं प्रकाश आंबेडकर म्हणाले.

“भाजपा आणि राष्ट्रीय स्वयंसेवक संघ यांनी छत्रपती शिवाजी महाराजांचा अपमान केला आहे. त्यांनी महाराजांची माफी मागायला हवी. पण ते माफी मागणार नाही, हे मला माहिती आहे”, अशी प्रतिक्रियाही प्रकाश आंबेडकर यांनी दिली.

हेही वाचा – Indrajit Sawant : “छत्रपती शिवरायांनी दोनदा सूरत लुटलं, राजकारणासाठी इतिहास…”, इंद्रजित सावंत यांची फडणवीसांवर टीका

पुढे बोलताना त्यांनी विधानसभा निवडणुकीच्या तयारीबाबतही प्रतिक्रिया दिली. “आगामी विधानसभा निवडणुकीच्या पार्श्वभूमीवर आम्ही ओबीसी समाजाच्या संघटनांबरोबर चर्चा केली आहे. जिल्हा पातळीवर समन्वय समिती आणि प्रचार समिती स्थापन करण्यात आली आहे. महाराष्ट्रभरातील आदिवासी समाजाला एकत्र करण्याचं काम आम्ही करतो आहे. येत्या ९ किंवा १० तारखेला यासंदर्भात मुंबईत घोषणा होण्याची शक्यता आहे”, अशी माहिती प्रकाश आंबेडकर यांनी दिली.