पुर्णा-अकोला रेल्वेवर बोल्डा, नांदापूरदरम्यान रेल्वेवर दरोडा टाकून अनेकांना जखमी करून महिलांचे दागिने लुटून फरारी झालेल्या चार आरोपींना पकडण्यात िहगोली पोलिसांना यश आले. मद्य व मांस खाण्या-पिण्यासाठी पसे कमी पडत असल्याने चोरी व दरोडय़ातून झटपट पसे मिळविण्याचा हा मार्ग शोधला. परभणी उद्यानात दरोडय़ाचा कट शिजल्याची कबुली दरोडय़ातील आरोपींनी पोलीस तपासात दिली.आरोपी शेख गफार हा रेल्वेमध्ये पाण्याच्या बाटल्या विक्रीचा, तर चंद्रपूर येथील संदेश ऊर्फ शिवा पटले परभणी येथेच बुट पॉलिश व्यवसाय करीत होता. या व्यवसायातून त्यांना मद्य-मांसासाठी लागणारे पसे कमी पडत गेले. त्यामुळे त्यांनी गुन्हेगारीची वाट धरली. यात रेल्वेमध्ये चोऱ्या, दरोडा टाकण्यास सुरुवात केल्याची कबुली आरोपींनी दिल्याचे पोलिसांनी सांगितले.
