भुसावळ रेल्वे स्थानकावर तिकिटांचा काळाबाजार करणाऱ्याला अटक

सापळा रचून केली कारवाई

string operation, railway black ticket, kalyan,marathi news, लोकसत्ता, रेल्वे तिकीट
ऐनवेळी तिकीट उपलब्ध न झाल्यानं प्रवाशांना त्रास सहन करावा लागतो. (प्रातिनिधीक छायाचित्र)

जळगाव जिल्ह्यातील भुसावळ रेल्वे स्थानकाच्या तिकीट आरक्षण केंद्रातून तिकिटांचा काळाबाजार करण्याच्या उद्देशाने तिकीटे खरेदी करणाऱ्याला बुधवारी अटक करण्यात आली. भुसावळ येथील सतर्कता विभाग, रेल्वे पोलीस व गुन्हे अन्वेषण पथकाने संयुक्तरित्या छापा टाकून ५ रेल्वे तिकिटांसह त्याला ताब्यात घेतले. शेख रहीम शेख इस्माईल असे त्याचे नाव आहे.

भुसावळ येथील नसरवानजी फाईल भागातील हिंदुस्थानी मशिदीजवळील शेख रहीम शेख इस्माईल याला पकडण्यासाठी सापळा रचण्यात आला होता. त्याच्याकडून भुसावळ येथून सुरत, कल्याण, ईटारसी, नागपुरची चार तिकीटे व नागपूर येथून भुसावळसाठी एक तिकीट अशी एकूण ५ आरक्षित तिकीटे जप्त करण्यात आली. हेड कॉन्स्टेबल रोशन जमीर यांनी या कारवाईत महत्वाची भुमिका बजावली. याप्रकरणी भुसावळ रेल्वे पोलिसात त्याच्याविरुद्ध कलम १४३ अन्वये गुन्हा दाखल करण्यात आला असून पोलिस याप्रकरणाचा पुढील तपास करत आहेत. वरिष्ठ विभागीय सुरक्षा आयुक्त अजय दुबे, निरीक्षक विनोदकुमार लांजीवार व अतुल टोके यांच्या मार्गदर्शनाखाली ही कारवाई करण्‍यात आली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Rpf officers arrested one persons from bhusawal railway station for black marketing of railway tickets

ताज्या बातम्या