Mahadev Jankar: ‘तुमचा एकच आमदार भाजपानं पक्षासह पळविला तर’, महादेव जानकर म्हणाले, “मी शरद पवारांसारखं…”

विधानसभा निवडणुकीच्या निकालावर बोलताना महादेव जानकर म्हणाले, “महायुतीसाठी निकाल चांगला लागला असला तरी त्यांनी राज्यात विरोधी पक्ष ठेवलेला नाही. सरकार बनविण्यासाठी महायुतीला शुभेच्छा देतो. लवकर सरकार स्थापन करून राज्यातील जनतेच्या समस्या सोडविण्यासाठी प्राधान्य द्यावे.” यावेळी जानकर यांनी ईव्हीएमवर खरपूस टीका केली. ते म्हणाले, ईव्हीएममुळे लोकशाही संपुष्टात येत आहे. याला विद्यमान सत्ताधारी जबाबदार आहेत. राष्ट्रीय समाज पक्ष ईव्हीएमच्या विरोधात देशभर आंदोलन करणार आहे. विरोधक जर या आंदोलनात सामील होणार असेल तर त्यांचेही आम्ही स्वागत करू.

नक्की वाचा

Eknath Shinde Health Update : “परिस्थिती जटील, पक्षाचा निर्णय…”, शिंदे गटाच्या नेत्यांची प्रतिक्रिया

Ladki Bahin Yojna : लाडक्या बहिणींना २१०० रुपयांसाठी…

Ajit Pawar: शिंदेंची नाराजी अजित पवारांच्या पथ्यावर? अजित पवारांचा दिल्ली दौरा, ‘या’ खात्यावर केला दावा

Maharashtra Government Formation Live Updates : काळजीवाहू मुख्यमंत्री एकनाथ शिंदे रुग्णालयातून थेट वर्षा निवासस्थानी रवाना

Sanjay Raut : “एकनाथ शिंदेंच्या रुसव्या-फुगव्यामागे दिल्लीतील महाशक्तीचा हात”, राऊतांच्या दाव्याने खळबळ; सत्ता स्थापनेचा तिढा वाढणार?

Eknath Shinde: एकनाथ शिंदे विरोधी पक्ष नेते? ‘दाल मे कूछ काला है’ म्हणत अंजली दमानियांची सूचक पोस्ट

Maharashtra Assembly Election 2024 : कोल्हापूर काँग्रेसमध्ये दोन गट? शाहू महाराज – सतेज पाटील यांच्यातील संबंधात कटुता?

हे वाचा >> RSP chief Mahadev Jankar: पंतप्रधान मोदींनी ज्यांचा प्रचार केला, त्या महादेव जानकरांचा महायुतीवर गंभीर आरोप; म्हणाले, “वापरा अन् फेका…”

आय एम इंजिनिअर…

ईव्हीएम हॅक होऊ शकते का? या प्रश्नावर बोलताना महादेव जानकर यांनी आपल्या इंग्रजी बोलण्याच्या शैलीत या विषयावर भाष्य केले. “ईव्हीएम हॅक होते. आय एम अल्सो द इंजिनिअर. आय नो दॅट. विमान हॅक करता येते, सर्व काही हॅक करता येते. लोकशाही जिवंत ठेवायचे असेल तर त्यांनी मतपत्रिकेवर निवडणूक घ्यावी. आम्ही त्यांचे स्वागत करू.” जानकर पुढे म्हणाले, सर्वोच्च न्यायालय, सर्व यंत्रणा, निवडणूक आयोग, माध्यमे अशा लोकशाहीच्या चारही स्तंभावर आज त्यांचे नियंत्रण आहे. त्यामुळे याला लोकशाही म्हणताच येणार नाही. ईव्हीएम बंद झालेच पाहीजे, अशी आमची मागणी राहणार आहे.

हा विजय नसून सूज आहे

विधानसभा निवडणुकीत वारेमाप पैशांचा वापर झाला. प्रत्येक गावात पैसे वाटले गेले. जर एका मतासाठी पाच-पाच हजार रुपये दिले जात असतील तर कसली लोकशाही आणि कसली विचारधारा.. आम्ही लोकांना आवाहन करत आहोत, विकल्या गेलेल्या समाजाचा नेताही विकला गेलेला असतो. उद्योगपतींनी निवडणुकीत अमाप पैसा वाटून लोकशाहीचा खून केला आहे. त्यामुळेच हा जो विजय झाला, तो विजय नसून विजयाची सूज आहे. एक दिवस जनताही याचा कडेलोट केल्याशिवाय राहणार नाही, अशी टीका महादेव जानकर यांनी केली.

हे ही वाचा >> “महादेव जानकर माझे लहान भाऊ”, परभणीत नरेंद्र मोदींचं विधान; प्रचारसभेत म्हणाले…

तुमचा एकच आमदार पक्षासह पळविला तर…

महादेव जानकर यांच्या राष्ट्रीय समाज पक्षाचे रत्नाकर गुट्टे हे परभणी जिल्ह्यातील गंगाखेड विधानसभेतून निवडून आले आहेत. त्यांनी महायुतीला उघडपणे पाठिंबा दिला आहे. गुट्टे यांनी जर राष्ट्रवादी काँग्रेस (शरद पवार) पक्षासारखा भाजपाला पाठिंबा दिला तर ते पक्षावर दावा करतील का? असा प्रश्न महादेव जानकर यांना विचारण्यात आला. यावर महादेव जानकर मिश्किलपणे उत्तर देताना म्हणाले, गुट्टे असे काही करू शकणार नाहीत. मी पक्षाचा संस्थापक आणि राष्ट्रीय अध्यक्ष आहे. तांत्रिकदृष्ट्या सर्व चाव्या माझ्या हातात आहेत. शरद पवार राष्ट्रीय अध्यक्ष असले तरी त्यांनी सर्व तांत्रिक बाबी गर्जे यांच्याकडे दिल्या होत्या आणि गर्जेंनी ते सर्व अजित पवारांना दिले. मी फार शहाणा आहे. मी पक्षाच्या सरचिटणीसांवरही विश्वास ठेवत नाही. सर्व सह्या मी स्वतः करतो. एबी फॉर्मवरही मीच सह्या करतो. शरद पवारांना असे केले नसेल.