सरसंघचालक मोहन भागवत हे येत्या रविवारी २६ एप्रिल रोजी स्वयंसेवकांना संबोधित करणार आहेत. मोहन भागवत हे संध्याकाळी पाच वाजता ऑनलाइन माध्यमाद्वारे स्वयंसेवकांशी संवाद साधतील. 'सद्यस्थिती आणि आमची भूमिका' या विषयावर ते स्वयंसेवकांना मार्गदर्शन करणार आहेत. राष्ट्रीय स्वयंसेवक संघ,नागपुर की ओर से “वर्तमान परिदृश्य एवं हमारी भूमिका" विषय पर रविवार,26अप्रैल2020,सायं 5बजे बौद्धिक वर्ग का आयोजन किया गया है जिसमें पू.सरसंघचालक मोहनजी भागवत का मार्गदर्शन प्राप्त होगा।आप सब सपरिवार,संघहितैषियों सहित इस बौद्धिक वर्ग(Online)में आमंत्रित हैं। pic.twitter.com/z52irQCxDb — RSS (@RSSorg) April 22, 2020 राष्ट्रीय स्वयंसेवक संघाच्या अधिकृत फेसबुक पेजवरून आणि युट्यूब चॅनलच्या माध्यमातून ते स्वयंसेवकांना संबोधित करणार आहेत. राष्ट्रीय स्वयंसेवक संघ, नागपूरच्या वतीनं या कार्यक्रमाचं आयोजन करण्यात आलं आहे. "सध्या संपूर्ण देश करोना व्हायरसच्या संकटाला सामोरा जात आहे. हे संकट अतिशय गंभीर असलं तरी समाजाकडून मिळणारा प्रतिसादही उत्तम आहे. या संकटकाळात भारत हा संपूर्ण जगासमोर एक उत्तम उदाहरण म्हणून उभा आहे. राष्ट्रीय स्वयंसेवक संघाचे स्वयंसेवकदेखील एकत्र येत समाजाप्रती आपलं योगदान देत आहेत. सद्य परिस्थिती ध्यानात घेऊन राष्ट्रीय स्वयंसेवक संघ, नागपूरच्या वतीनं अक्षय्य तृतीयेच्या दिवशी सरसंघचालक मोहन भागवत हे स्वयंसेवकांना मार्गदर्शन करतील," असं राष्ट्रीय स्वयंसेवक संघाकडून सांगण्यात आलं आहे.