“बॉम्बेचं मुंबई करण्यात तुमचं योगदान असेल, तर…”; ‘त्या’ विधानावरून संजय राऊतांचा अमित शाह यांच्यावर हल्लाबोल!

संजय राऊत यांनी आज मुंबईत माध्यमांशी संवाद साधला. यावेळी त्यांनी अमित शाह यांच्या मुंबई दौऱ्यावर जोरदार टीका केली. तसेच त्यांनी अमित शाह यांच्या वरील विधानाचाही समाचार घेतला, बॉम्बेचं मुंबई करण्यात अमित शाहांचं योगदान असेल, तर आम्ही काय त्यावेळी गोट्या खेळत होतो का? अशी प्रतिक्रिया संजय राऊत यांनी दिली.

आणखी वाचा

“…तर इगो कुणाचा दुखावतोय, हे कळेल”; देवेंद्र फडणवीसांच्या ‘त्या’ आरोपाला आदित्य ठाकरेंचे प्रत्युत्तर!

कोण आहे ३० वर्षांचा पुणेकर शांतनू नायडू? त्याची…

सोनम वांगचुक यांचे बेमुदत उपोषण

“…तर आम्ही लाडकी बहीण योजना सुरुच केली नसती”; नितीन गडकरींच्या ‘त्या’ विधानावर अजित पवारांची प्रतिक्रिया

“उद्धव ठाकरेंनी आनंद दिघेंचं खच्चीकरण केलं”, रामदास कदम यांचा गंभीर आरोप; म्हणाले, “त्यांच्या मृत्यूच्या काही दिवसांपूर्वीच… ”

राज ठाकरेंची लाडकी बहीण योजनेवर अप्रत्यक्षरित्या टीका; प्रफुल्ल पटेल म्हणाले, “ज्या लोकांना सरकारची…”

“उद्धव ठाकरेंना मविआतून बाहेर काढण्याचा प्रयत्न सुरू आहे” म्हणणाऱ्या चंद्रशेखर बावनकुळेंना ठाकरे गटाचे प्रत्युत्तर; म्हणाले…

डोंबिवलीत मंत्री रवींद्र चव्हाण यांच्या वाढदिवसाची टिंगल करणारे फलक लावणाऱ्यांविरुध्द गुन्हा

हेही वाचा – Maharashtra News Live : अमित शाहांनी मुख्यमंत्री शिंदेंच्या वर्षा निवासस्थानी घेतलं बाप्पाचं दर्शन

नेमकं काय म्हणाले संजय राऊत?

“बॉम्बेचं मुंबईत करण्यात माझं योगदान आहे, असं अमित शाह म्हणत असतील, तर मग आम्ही काय त्यावेळी गोट्या खेळत होतो का? बॉम्बेचं मुंबई व्हावं, मुंबईतील दुकांनांवरील पाट्या मराठीत व्हाव्या, यासाठी शिवसेना प्रमुख बाळासाहेब ठाकरे यांच्या नेतृत्वात आम्ही मोठं आंदोलन केलं होतं. राम नाईक, पीबी सांमत यासारख्या नेत्यांनी हा विषय न्यायालयात नेला होता. त्यावेळी लढ्यात सर्वच पक्षाचे नेते सहभागी झाले होते. मात्र, तुम्ही मुंबईला येता आणि बॉम्बेचं मुंबई मी केलं म्हणून सांगता आणि यावरून भाजपाचे लोक मुर्खासारखे टाळ्या वाजवतात, हे सगळंच हास्यास्पद आहे”, अशी टीका संजय राऊत यांनी केली.

“आजही असंख्य हुतात्मे देण्याची क्षमता या महाराष्ट्रात आहे”

“१०५ हुतात्म्यांच्या बलिदानातून ही मुंबईत निर्माण झाली आहे. हे हुतात्मे मराठीत होते. यापुढे जेव्हा मुंबईवर हल्ला होईल, तेव्हा असंख्य हुतात्मे देण्याची क्षमता या महाराष्ट्रात आणि असली शिवसेनेत आहेत, हे अमित शाह यांनी लक्षात ठेवावं”, असंही संजय राऊत म्हणाले.

हेही वाचा – Sanjay Raut : “मुंबईतील उद्योग पळवले, आता लालबागचा राजा…”, अमित शाहांच्या दौऱ्याबाबत संजय राऊतांचा आरोप

अजित पवार यांनाही केलं लक्ष्य

पुढे बोलताना त्यांनी अजित पवार यांनाही लक्ष्य केलं. अजित पवार यांनी काल बारामतीतून निवडणूक न लढण्यासंदर्भात एक विधान केलं होतं, यासंदर्भात बोलताना, “अजित पवार हे बारामतीतून निवडणूक हरणार, हे निश्चित आहे. त्यांनाही याची कल्पना आली आहे. त्यामुळेच ते अशा प्रकारची विधानं करत आहेत. त्यांच्यावर आता काय बोलू? शरद पवार हे त्यांना वडिलांसारखे आहेत, ज्यांनी सर्व काही दिलं, त्यांच्या पाठीत त्यांनी खंजीर खुपसला. आता पश्चात्ताप करुन काय उपयोग”, असं संजय राऊत म्हणाले.