नाशिक लोकसभा मतदारसंघात शिवसेना शिंदे गटाचे उमेदवार हेमंत गोडसे यांचा पराभव झाला. लोकसभेच्या मतदानापूर्वी नाशिक लोकसभेची जोरदार चर्चा झाली. शेवटच्या क्षणापर्यंत येथे उमेदवार घोषित केलेला नव्हता. नाशिक लोकसभा कोण लढविणार? यावरून महायुतीमध्ये रस्सीखेच सुरू होती. राष्ट्रवादी काँग्रेस पक्षाच्या अजित पवार गटाचे नेते छगन भुजबळ हे नाशिकसाठी प्रयत्नशील होते. तर शिंदे गटाकडून त्यांचा दावा सोडला गेला नाही. परिणामी शेवटच्या टप्प्यात उमेदवारी घोषित झाल्याचा फटका बसला असल्याचे आता बोलले जात आहे. खुद्द हेमंत गोडसे यांनी आज माध्यमांशी बोलताना उमेदवारी उशीरा जाहीर झाल्याबद्दल खंत व्यक्त केली.

हेमंत गोडसे म्हणाले की, नाशिकमध्ये अनेक स्पर्धक तयार झाले होते. मात्र उमेदवारी देण्यास विलंब झाल्याने फटका बसला आहे. तसेच शेतकऱ्यांशी संबंधित काही धोरणामुळे नाराजी ग्रामीण भागात होती. संपूर्ण राज्यात याची अनुभूती दिसत होती. निवडणुका जाहीर होताच भाजपाने त्यांच्या २२ उमेदवारांची घोषणा केली होती. आमचीही यादी त्याचवेळेस जाहीर केली असती, तर त्याचा निश्चितच फायदा झाला असता.

delhi hc reserves order on cm arvind kejriwal s bail plea in cbi case
अटकेविरोधातील निर्णय राखीव;अरविंद केजरीवाल यांच्या जामीन अर्जावर २९ जुलैला सुनावणी
Smriti Singh | स्मृती सिंग
“स्मृती सिंग यांनी प्रेमाच्या नावाखाली…”, शहीद अंशुमन सिंग यांच्या वडिलांचा गंभीर आरोप!
cm eknath shinde
भारतीय संघाला दिलेल्या ११ कोटी रुपयांच्या बक्षिसावरून विरोधकांची टीका; CM शिंदेंनी दिलं प्रत्युत्तर; म्हणाले, “कसाबला…”
5 army jawans killed in gunfight with terrorists
काश्मीरमध्ये पाच जवान शहीद; विरोधकांकडून निषेध आणि टीका
captain anshuman singh smriti singh viral video
शहीद कॅप्टन अंशुमन सिंह यांना मरणोत्तर किर्ती चक्र; वीरपत्नीनं सांगितला अखेरचा संवाद, म्हणाल्या, “आम्ही पुढच्या आयुष्याचे…”
India boycott of PM speech Modi Dhankhad criticize opponents
सभात्यागामुळे सत्ताधाऱ्यांना बळ; पंतप्रधानांच्या भाषणावर ‘इंडिया’चा बहिष्कार; मोदी, धनखड यांची विरोधकांवर टीका
supriya shrinate replied to jagdeep dhankhar
“मर्यादा विरोधकांनी नाही, तर मोदींनी सोडली”, जगदीप धनखड यांच्या ‘त्या’ विधानाला सुप्रिया श्रीनेत यांचे प्रत्युत्तर!
Kangana Ranuat and Ravi kishan slams rahul gandhi
“राहुल गांधींचे भाषण म्हणजे स्टँडअप कॉमेडी…”, खासदार कंगना रणौत, रवि किशन यांची टीका

Lok Sabha Election Result 2024 Live Updates : ‘फडणवीसांच्या मनधरणीसाठी भाजपा नेत्यांची पळापळ’, सागर बंगल्यावर बैठकांचे सत्र

माझी उमेदवारी जाहीर करण्यात उशीर केला गेला आणि त्यात मला काही स्पर्धक निर्माण झाले. त्यामुळे माझ्या दावेदारीवर प्रश्नचिन्ह निर्माण झाले, त्याचा अप्रत्यक्ष फटका मला बसला, असेही हेमंत गोडसे म्हणाले आहेत. गोडसे यांनी छगन भुजबळ यांचे नाव न घेता त्यांना यानिमित्ताने टोला लगावला. महाविकास आघाडीने त्यांच्या उमेदवाराची घोषणा पहिल्या टप्प्यातच केली होती. त्यामुळे अनेक लोक त्यांच्या उमेदवाराशी जोडले गेले. त्यानंतर ते महायुतीकडे वळविणे अवघड होऊन बसले होते. मला जर महिन्याभराचा वेळ मिळाला असता तर शंभर टक्के निकाल वेगळा लागला असता. हेमंत गोडसे यांना उमेदवारी मिळणारच नाही, असा समज अनेकांचा झाला होता, असेही गोडसे म्हणाले.

महायुतीमध्ये सर्वांनीच आपापल्यापरिने योगदान दिले. भाजपा, मनसे, रिपाई, राष्ट्रवादी काँग्रेस अजित पवार गटाने माझे काम केले. ज्यांनी काम केले नाही, ते जनतेला माहीत आहेच. छगन भुजबळ यांनी तुमच्यासाठी प्रचार केला का? असा प्रश्न गोडसेंना विचारला असता ते म्हणाले की, कुणी काम केले किंवा नाही केले, याची कल्पना जनतेला आहे.

नाशिकमध्ये कुणाला किती मतदान?

नाशिकमध्ये उबाठा गटाचे उमेदवार राजाभाऊ वाजे यांनी ६ लाख १६ हजार ७२९ मते घेतली. तर विद्यमान खासदार हेमंत गोडसे यांनी ४ लाख ५४ हजार ७२८ एवढे मतदान घेतले. त्यांचा १ लाक ६२ हजार मतांनी पराभव झाला. तिसऱ्या स्थानावर वंचित बहुजन आघाडीचे करण गायकर होते. त्यांनी तब्बल ४७ हजार मतदान घेतलं. तर अपक्ष उमेदवार म्हणून ज्यांनी प्रचारात जोरदार आघाडी घेतली होती, त्या शांतीगिरी मौनगिरी महाराज यांनी ४४ हजार ५२४ मते घेतली.