शिवसेना पक्षाचा आज ५८ वा वर्धापन दिन साजरा करण्यात येत आहे. शिवसेनेतील फूटीनंतर आता दोन वेगवेगळे वर्धापन दिन साजरे करण्यात येत आहेत. यामध्ये शिवसेना ठाकरे गटाचा वर्धापन दिनाचा कार्यक्रम मुंबईतील षण्मुखानंद सभागृहात साजरा केला जात आहे. तर शिवसेना शिंदे गटाचा वर्धापन दिन दुसरीकडे साजरा करण्यात येत आहे. वर्धापन दिनाची जंगी तयारी करण्यात आली आहे. या वर्धापन दिनाच्या कार्यक्रमात दोन्ही गट एकमेकांवर आरोप-प्रत्यारोप करण्याची शक्यता आहे. मात्र, त्याआधी शिवसेना शिंदे गटाचे नेते संजय शिरसाट यांनी ठाकरे गटाचे खासदार संजय राऊत यांच्यावर हल्लाबोल केला आहे. “भगवं उपरणं घातलं म्हणजे शिवसैनिक होतं का?”, असा टोला त्यांनी लगावला आहे.

संजय शिरसाट काय म्हणाले?

“शिवसेना प्रमुखांच्या मार्गदर्शनाखाली पक्षाची जी वाटचाल झाली, त्या काळातील घटना आजही डोळ्यासमोर येतात. इथपर्यंतचा प्रवास खूप खडतर होता. शिवसैनिकांनी त्रास सहन केला. अनेक शिवसैनिकांवर गुन्हे दाखल झाले. आज जे काही नेते आहेत किंवा मंत्री झाले आहेत, ते शिवसैनिकांच्या जीवावर झाले आहेत”, असं संजय शिरसाट यांनी म्हटलं. ते एबीपी माझाच्या मुलाखतीत बोलत होते.

salman khan
आनंद दिघे यांच्याकडून हिंदुत्वाचे नाही तर संपूर्ण समाजाचे रक्षण- एकनाथ शिंदे
Sunil Shelke, Supriya Sule, Baramati,
“आम्ही कधी बारामती बारामती म्हटले का?”, आमदार सुनील शेळके आणि सुप्रिया सुळे यांच्यात वाद
arvind kejriwal low calorie diet allegation by delhi lg
Arvind Kejriwal : “अरविंद केजरीवाल जाणीवपूर्वक…”, तुरुंगातील आहारावरून नायब राज्यपाल वी.के. सक्सेना यांचा गंभीर आरोप!
IAS Pooja Khedkar Mother Manorama Khedkar Gun Video
Manorama Khedkar Video : “…म्हणून मनोरमा खेडकर यांनी पिस्तुल काढले”, पूजा खेडकरंच्या वडिलांनी सांगितले धक्कादायक कारण
cm eknath shinde
भारतीय संघाला दिलेल्या ११ कोटी रुपयांच्या बक्षिसावरून विरोधकांची टीका; CM शिंदेंनी दिलं प्रत्युत्तर; म्हणाले, “कसाबला…”
Pramod Patil On Vasant More
“वसंत मोरेंना मनसे सोडल्याचा पश्चात्ताप होईल”, राजू पाटलांचा टोला; म्हणाले, “आता फेसबुक लाईव्हचं नेतृत्व…”
Narendra Modi And Rahul Gandhi (4)
“हिंदू समाजाविरोधातील अपमानजनक वक्तव्ये योगायोग की…”, मोदींचं काँग्रेसविरोधात सूचक विधान; म्हणाले, “देवाच्या रुपांचा…”
ajit pawar suresh dhas
“…अन् मी कपाळावर हात मारला”, अजित पवारांनी सांगितला आमदार सुरेश धस यांच्या दुसऱ्या लग्नाचा किस्सा

हेही वाचा : “छगन भुजबळ पक्ष सोडणार, त्यांच्याबरोबर…”, रोहित पवारांचा दावा; पक्षांतराची वेळही सांगितली

‘शिवसेना ही निष्ठावतांची आहे. दुसरी शिवसेना (शिंदे गट) ही नकली शिवसेना आहे’, अशी टीका खासदार संजय राऊत यांनी केली होती. त्या टिकेला प्रत्युत्तर देताना संजय शिरसाट म्हणाले, “संजय राऊतांना शिवसेना काय माहिती आहे? संजय राऊत नोकरदार माणूस आहे. त्यामुळे त्यांना काय माहिती? भगवं उपरणं घातलं म्हणजे शिवसैनिक होतं का? असे अनेक पात्र शिवसेनेत येऊन गेले आहेत. अनेक लोक आले शिवसेनेचा फायदा घेतला आणि गेले. संजय राऊतांचा एक आंदोलनातील फोटो आहे का? त्यांनी कधी लाठ्या काठ्या खाल्ल्या का? पण त्यांना बोलायला आता वाव मिळायला लागला आहे. नेते म्हणून त्यांना हार घालावा लागतो हे शिवसैनिकांचं दुर्देव आहे”, अशी खोचक टीका संजय शिरसाट यांनी केली.

संजय राऊत यांनी शिवसेना शिंदे गटावर टीका करताना म्हटंल होतं की, लाचारी ही शिंदे गटाची मजबूरी आहे, तर खोके हे शिंदे गटाचं इमान आहे. त्यांच्या या टिकेला उत्तर देताना संजय शिरसाट म्हणाले, “कोण लाचार आहे? सिल्व्हर ओकवर पाया पडायला आम्ही जातो का? तुमच्या बैठकी होतात तेव्हा स्थळ बदलंत. तुमच्या खुर्च्या बदलतात. मग लाचार कोण? आज आम्ही ४०-५० लोक असूनही मुख्यमंत्री आमचा आहे. आज एकनाथ शिंदे यांची लोकप्रियता वाढते, हीच ठाकरे गटाची पोटदुखी आहे”, असा टोला संजय शिरसाट यांनी लगावला.