shivsena kishori pednekar mocks bjp on pankaja munde statement ashish shelar | Loksatta

“स्वत:च्या बाळाला बाजूला ठेवून दुसऱ्याच्या बाळाला…”, किशोरी पेडणेकरांचा भाजपाला टोला; पंकजा मुंडेंचा केला उल्लेख!

किशोरी पेडणेकर म्हणतात, “पंकजा मुंडेंनी खदखद बोलून दाखवली. स्वत:च्या बाळाला…!”

“स्वत:च्या बाळाला बाजूला ठेवून दुसऱ्याच्या बाळाला…”, किशोरी पेडणेकरांचा भाजपाला टोला; पंकजा मुंडेंचा केला उल्लेख!
किशोरी पेडणेकरांचा भाजपाला टोला!

राज्यात गेल्या तीन महिन्यंपासून शिवसेना विरुद्ध शिंदेगट असा थेट सामना पाहायला मिळत असला, तरी शिवसेना आणि भाजपा या पक्षांमधील वितुष्टही राजकीय घडामोडींमुळे कमालीचं वाढलं आहे. या पार्श्वभूमीवर हे दोन्ही पक्ष एकमेकांवर आरोप-प्रत्यारोप करताना दिसत असतात. नुकतंच पंकजा मुंडेंचं एक विधान चर्चेत आल्यानंतर त्यावरून शिवसेना आणि इतर विरोधी पक्षांकडून भाजपावर खोचक शब्दांमध्ये टीका करण्यात येत आहे. शिवसेना नेत्या किशोरी पेडणेकर यांनीही यावरून भाजपावर खोचक शब्दांमध्ये टीका केली आहे.

काय म्हणाल्या होत्या पंकजा मुंडे?

पंकजा मुंडेंचं एक विधान सध्या चर्चेत आलं आहे. ‘आपल्या विधानाचा चुकीची अर्थ काढला आहे’, असं स्पष्टीकरण त्यांनी दिलं असलं, तरी राजकीय वर्तुळात या विधानावरून तर्क-वितर्क लढवले जात आहेत. “आपण आगामी निवडणुका लढताना काही बदल करुयात. ही निवडणूक पारंपारिक पद्धतीने न लढता वेगळ्या विषयावर निवडणूक लढू. जात-पात, पैसा-अडका, प्रभाव यापलिकडे जाऊयात. पंतप्रधान नरेंद्र मोदींना वंशवादाचं राजकारण संपवायचं आहे. मीदेखील वंशवादाचं प्रतिक आहे, पण मला कुणीही संपवू शकत नाही. मी जनतेच्या मनावर राज्य केलं, तर मोदींनीही मला संपवायचं ठरवलं तरी ते संपवू शकत नाहीत,” असं पंकजा मुंडे म्हणाल्या होत्या.

‘…तर मोदीही मला संपवू शकत नाहीत’, पंकजा मुंडेंच्या विधानावर मुनगंटीवारांनी दिली प्रतिक्रिया, म्हणाले “पात्रता नसताना…”

दरम्यान, पंकजा मुंडेंच्या वक्तव्यावरून राजकीय प्रतिक्रिया उमटू लागल्या आहेत. किशोरी पेडणेकर यांनी मुंबई पत्रकारांशी बोलताना पंका मुंडेंनी भाजपामधील परिस्थितीला वाचा फोडल्याचं विधान केलं आहे. “मी पंकजा मुंडेंवर बोलणार नाही. कारण त्यांच्या जन्माच्या आधीपासून त्यांचे वडील, आजोबा, काका, भाऊ असं सगळं कुटुंबच राजकारणात मुरलेलं आहे. त्यांनी गोपीनाथ मुंडेंकडून राजकारणाचं बाळकडून घेतलं आहे”, असं किशोरी पेडणेकर म्हणाल्या.

“पंकजा मुंडे स्पष्ट आणि कार्यशील महिला आहेत. त्यांनी त्यांच्या पक्षातली खदखद बोलून दाखवली. स्वत:च्या बाळाला बाजूला ठेवायचं आणि दुसऱ्याच्या बाळाला मांडीवर घेऊन खाऊ-पिउ घालून गुटगुटीत करण्याचा देशात ट्रेंड दिसतोय. त्याला पंकजा मुंडेंनी वाचा फोडली आहे”, अशा शब्दांत पेडणेकरांनी भाजपाला खोचक टोला लगावला आहे.

आशिष शेलारांनाही केलं लक्ष्य

दरम्यान, यावेळी बोलताना किशोरी पेडणेकरांनी आशिष शेलार यांनाही लक्ष्य केलं आहे. “मळमळीवर एकच सल्ला आहे, धौती योग घ्या ना”, असा खोचक सल्ला आशिष शेलार यांनी ट्विटरच्या माध्यमातून शिवसेनेला दिला होता. त्यावर किशोरी पेडणेकरांनी तोंडसुख घेतलं.

“शब्दांचे फवारे उडवण्यात आशिष शेलार तरबेज आहेत. हिंदूंचे पारंपारिक सण वेगवेगळ्या पद्धतीने साजरे केले जातात. विदर्भात गरबा होत नाही, भोंडला साजरा होतो. पण राजस्थान, गुजराती, मारवाडी गरबा करतात. त्यात सगळेच आनंद घेतात. सात्विक भाव कितीही असला, तरी आनंद घेणं महत्त्वाचं आहे. त्यात तुमचं राजकारण का वळवळतंय.मुद्दाम मळमळतंय, तळमळतंय असं म्हणत आहेत. धौती चूर्ण तुम्हीच घ्या”, असं किशोरी पेडणेकर म्हणाल्या.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
पंकजा मुंडेंच्या मोदींवरील विधानानंतर भाजपा आमदाराची प्रतिक्रिया; म्हणाले “ओघाओघातून त्यांच्या..”

संबंधित बातम्या

गुजरातमधील भाजपाच्या विजयानंतर उद्धव ठाकरेंकडून पंतप्रधान मोदींचं अभिनंदन; म्हणाले, “भाजपाने मिळवलेला विजय…”
“महाराष्ट्रद्रोह्यांना वेळीच आवरले नाही, तर…”; उद्धव ठाकरेंचे शिंदे-भाजपा सरकारवर टीकास्र, गुजरात निवडणुकीवरूनही लगावला टोला
गुजरातमधील भाजपाच्या विजयानंतर अजित पवारांची पहिली प्रतिक्रिया; म्हणाले, “एक्झिट पोलनुसार…”
गुजरात निवडणूक निकालावर नाना पटोलेंची पहिली प्रतिक्रिया, म्हणाले, “ड्रग्जची आयात…”
Video: जेव्हा मुख्यमंत्रीच विसरतात आपण मुख्यमंत्री आहोत! भाषणाच्या सुरुवातीलाच एकनाथ शिंदे फडणवीसांबद्दल काय म्हणाले ऐकलं का?

व्हिडिओ

ताज्या बातम्या
Viral Video: काही सेकंदातच कोमोडो ड्रॅगनने हरणाला गिळलं, शेवटचा क्षण पाहिल्यानंतर अंगावर काटा येईल
पुणे : विनाअनुदानित शाळेतून अनुदानित शाळेत बदली स्थगितीच्या निर्णयाला विरोध
Viral Video: पोलिसांचा अनोखा अवतार आला समोर, ‘दंड नको, हेल्मेट घाला’ म्हणत महिलेसमोर जोडले हात
राज्यात १५ डिसेंबरपर्यंत कधीही पाऊस; हलक्या सरी ते जोरधारांची शक्यता
पुणे : गुजरातमधील विजयानंतर पुण्यात भाजप कार्यकर्त्यांचा जल्लोष