पुण्यातील कसबा आणि पिंपरी विधानसभा पोटनिवडणुकीच्या निमित्ताने सध्या राजकीय वातावरण तापल्याचं पाहायला मिळत आहे. त्यातच औरंगाबादमध्ये आदित्य ठाकरेंच्या सभेत दगडफेक झाल्याचा दावा ठाकरे गटाकडून करण्यात आला आहे. बुधवारी रात्री विधानपरिषद आमदार प्रज्ञा सातव यांच्यावर हल्ला करण्याचा प्रयत्न झाल्याची बाब समोर आली असून हल्लेखोराला पोलिसांनी अटकही केली आहे. या सर्व पार्श्वभूमीवर माध्यमांशी बोलताना ठाकरे गटाचे खासदार आणि प्रवक्ते संजय राऊत यांनी एकनाथ शिंदे सरकारवर परखड शब्दांत टीकास्र सोजलं आहे.

या बातमीसह सर्व प्रीमियम कंटेंट वाचण्यासाठी साइन-इन करा

काय म्हणाले संजय राऊत?

“महाराष्ट्रात कायदा आणि सुव्यवस्थेच्या बाबतीत अनागोंदी चालू आहे. रोज आमदार किंवा लोकप्रतिनिधी सोडाच, पण सामान्य जनता, महिला वर्ग, व्यापारी एका भीतीच्या सावटाखाली आहेत. आदित्य ठाकरेंच्या बाबतीत मराठवाड्यात जो प्रकार घडला, पोलीस कितीही सारवासारव करत असले तरी घटना घडली आहे. त्याच मराठवाड्यात विधानपरिषदेच्या सदस्या प्रज्ञा सातव या महिला आमदारावर हल्ल्याचा प्रयत्न झाला. असे अनेक प्रकार रोज घडतायत.याचं कारण म्हणजे सरकारचं अस्तित्व दिसत नाही. मंत्रीमंडळ काम करत नाही”, असं संजय राऊत म्हणाले आहेत.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Shivsena sanjay raut targets devendra fadnavis attack on pradnya satav pmw
First published on: 09-02-2023 at 10:37 IST