नाशिक शिक्षक मतदारसंघातून ठाकरे गटात द्वंद्व निर्माण झालं होतं. ठाकरे गटाचे संदीप गुळवे यांना या मतदारसंघासाठी उमेदवारी देण्यात आली आहे. परंतु, शुभांगी पाटील यासुद्धा या उमेदवारीसाठी अडून बसल्या होत्या. त्यामुळे त्या पक्षात बंडखोरी करणार असल्याची चर्चा होती. परंतु, शुभांगी पाटील यांनी आता मोठा खुलासा केला आहे. त्यांनी निवडणुकीतून माघार घेतली आहे. आज माध्यमांना दिलेल्या मुलाखतीत त्या बोलत होत्या.

नाशिक विभाग शिक्षक मतदारसंघातील शिवसेना पुरस्कृत आमदार किशोर दराडे हे पक्षीय कामात व लोकसभा निवडणुकीवेळी प्रचारातही सक्रिय न राहिल्याने शिवसेना ठाकरे गटाने काँग्रेसचे पदाधिकारी ॲड. संदीप गुळवे यांना पक्षात प्रवेश देत या मतदारसंघात त्यांची उमेदवारी निश्चित केली आहे. शनिवारी मुंबईतील शिवसेना भवन येथे काँग्रेसचे पदाधिकारी ॲड. संदीप गुळवे यांनी शिवसेना ठाकरे गटात प्रवेश केला.दरम्यान, नाशिक पदवीधर मतदारसंघातून गेल्या वर्षी पराभूत झालेल्या शुभांगी पाटील यांनाही शिक्षक मतदारसंघातून उमेदवारी हवी होती. परंतु, त्यांना ही संधी नाकारण्यात आली. त्यामुळे त्या बंडखोरीच्या तयारीत होत्या, अशी चर्चा आहे. तसंच, नाशिक शिक्षक मतदारसंघासाठी त्या आज अर्ज भरायलाही जाणार होत्या. परंतु, त्याआधी त्यांनी ठाकरे गटाचे प्रमुख उद्धव ठाकरे यांची भेट घेऊन निवडणूक लढवण्याचा निर्णय मागे घेतला आहे.

Loksatta karan rajkaran Will the Thackeray group leave the seat for the Congress from the Versova assembly constituency of North West Mumbai Constituency
कारण राजकारण : वर्सोव्याची जागा काँग्रेसला सोडणार?
bjp meeting
लोकसभा निवडणुकीतील पिछाडी भाजप आमदारांना भोवणार? ज्येष्ठ नेत्यांच्या बैठकीत जागा वाटपासह विविध मुद्द्यांवर खल
Congress, Wardha, Lok Sabha elections,
वर्धा : लोकसभा निवडणुकीवेळी का आले नाही? काँग्रेस नेत्यांचा निरीक्षकास सवाल
ramesh keer, Congress, niranjan davkhare,
काँग्रेसचे रमेश कीर मतदारांवर प्रभाव पाडण्यात अपयशी, कोकण पदवीधर मतदारसंघातून निरंजन डावखरेंची हॅटट्रीक
Kishore Darade, Nashik Teacher Constituency,
नाशिक शिक्षक मतदारसंघात किशोर दराडे विजयी
Praniti Shinde, Assembly,
प्रणिती शिंदे यांची विधानसभेसाठी कसोटी
Chandrapur, bjp, congress, bjp Chandrapur Representatives, congress Chandrapur Representatives, Representatives Gear Up for Assembly Elections, maharasthra assembly 2024, Representatives started meeting to people, Chandrapur news, marathi news, Sudhir mungantiwar, koshore joregewar, Vijay waddetiwar , subhash dhote, Pratibha dhanorkar,
चंद्रपूर : गाठीभेटी, उद्घाटन, लोकार्पण व भूमिपूजनांचा धडाका; विधानसभा निवडणुकीच्या पार्श्वभूमीवर लोकप्रतिनिधी सक्रिय
nashik teacher elections marathi news
नाशिक शिक्षक मतदारसंघात पैसे वाटपाच्या तक्रारी; १० संशयित ताब्यात

हेही वाचा >> नाशिक शिक्षक मतदारसंघात ठाकरे गटाकडून संदीप गुळवे निश्चित; किशोर दराडेंना शह देण्याची तयारी

याबाबत शुभांगी पाटील म्हणाल्या, “मी आज नाशिक शिक्षक मतदारसंघासाठी अर्ज भरणार होते. परंतु, त्याआधी मला उद्धव ठाकरेंनी भेटायला बोलावलं. मी आधीच ठरवंल होतं की ठाकरेंना विचारल्याशिवाय निर्णय घ्यायचा नाही. मी एक निष्ठावंत शिवसैनिक आहे. त्यामुळे आज त्यांची भेट घेतली. भेटीत चर्चा झाली असून मी आता त्यांनी सांगितल्याप्रमाणे निर्णय घ्यायला तयार आहे.”

नाशिकमधून संदीप गुळवे यांना का संधी दिली?

या मतदारसंघात गतवेळी शिवसेना पुरस्कृत किशोर दराडे हे विजयी झाले होते. त्यांचे बंधू नरेंद्र दराडे हे शिवसेना ठाकरे गटाचे आमदार आहेत. नरेंद्र दराडे पक्षात सक्रिय असले तरी किशोर दराडे हे अलिप्त राहिले. जानेवारीत शिवसेनेचे नाशिक येथे राज्यस्तरीय अधिवेशन पार पडले. पक्षप्रमुख उद्धव ठाकरे यांची जाहीर सभा झाली होती. अधिवेशन व सभेतही किशोर दराडे आले नव्हते. लोकसभा निवडणुकीच्या प्रचारापासून ते अलिप्त राहिले. ठाकरे गटाच्या कार्यक्रमात सहभागी न होणारे किशोर दराडे हे शिवसेना शिंदे गटाच्या कार्यक्रमात मात्र दृष्टीपथास पडत होते, याकडे जिल्हाप्रमुख सुधाकर बडगुजर यांनी लक्ष वेधले. त्यांची कार्यपध्दती लक्षात घेऊन ठाकरे गटाने या जागेवर पर्यायी उमेदवाराची चाचपणी केली. त्या अनुषंगाने गुळवे यांचा पक्ष प्रवेश पार पडला.