सोलापूर : मुख्यमंत्री माझी लाडकी बहीण योजनेचा लाभ मिळण्यासाठी महिलांचे अर्ज भरताना एका अंगणवाडी सेविकेचा हृदयविकाराच्या तीव्र झटक्याने निधन झाले. मोहोळ तालुक्यातील वाळूज देगाव येथे हा प्रकार घडला.

सुरेखा रमेश आतकरे (वय ४८, रा. वाळूज देगाव) असे मृत अंगणवाडी सेविकेचे नाव आहे. मुख्यमंत्री माझी लाडकी बहीण योजनेचा महिलांना लाभ मिळण्यासाठी ‘नारी शक्ती दूत’ नावाच्या ॲपवरून ऑनलाईन अर्ज भरून घेण्याची अंगणवाडी सेविकांवर जबाबदारी सोपविण्यात आली आहे. ऑनलाईन अर्ज भरताना सतत तांत्रिक अडचणी उद्भवतात. अंगणवाडी सेविका सुरेखा आतकरे ऑनलाईन अर्ज भरत होत्या. वसुधा जयराम लाकुळे नावाच्या लाभार्थी महिलेचा ऑनलाईन अर्ज भरत असताना अस्वस्थ वाटू लागल्याने सुरेखा आतकरे खुर्चीतच कोसळल्या आणि निपचित पडल्या. हा प्रकार लक्षात येताच त्यांना तातडीने मोहोळ येथील सरकारी रुग्णालयात दाखल करण्यात आले. परंतु उपचारापूर्वीच त्यांचा मृत्यू झाल्याचे वैद्यकीय अधिकाऱ्यांनी जाहीर केले. हृदयविकाराचा तीव्र झटका आल्यामुळे आतकरे यांचा मृत्यू झाल्याचे दिसून आले. या घटनेची नोंद मोहोळ पोलीस ठाण्यात झाली आहे.

New Iris Scanner, e POS Machines, New Iris Scanner e POS Machines Implemented in Raigad, New Iris Scanner e POS Machines Implemented in Ration Centers, ration Beneficiary Verification and Transparency,
धान्य वितरण प्रणालीत महत्वाचा बदल, जाणून घ्या काय आहे हा बदल….
Pooja Khedkar First Reaction
Pooja Khedkar : वादानंतर IAS पूजा खेडकर पहिल्यांदाच आल्या माध्यमांसमोर; घडल्या प्रकाराबाबत विचारणा केली असता म्हणाल्या…
IAS Pooja Khedkar Wealth Pooja Khedkar property 17 crore
IAS Pooja Khedkar Property : पूजा खेडकर यांची डोळे दिपवणारी संपत्ती; ‘एवढ्या’ कोटींची मालमत्ता, आलिशान गाड्या, सोन्याचे घड्याळ
jayant patil criticized eknath shinde
“दिवा विझताना फडफडतो, तशी शिंदे सरकारची अवस्था”, जयंत पाटलांची टीका; म्हणाले, “बादशाहच्या मनात आलं तर…”
wagh nakh london shivaji maharaj
महाराष्ट्रात वाघनखं कधी आणि कुठे पाहता येणार? सुधीर मुनगंटीवार यांची मोठी घोषणा; विधानसभेत म्हणाले…
Sharad Pawar On Assembly Election
विधानसभेत मविआ किती जागा जिंकेल? शरद पवारांचा मोठा दावा; म्हणाले, “२८८ पैकी…”
maharashtra mlc election final result list (1)
Maharashtra MLC Election Result: विधानपरिषद निवडणुकीत जयंत पाटील पराभूत; नेमकी कुणाची मतं कुणाकडे गेली?
Pooja Khedkar viral mock interview
Pooja Khedkar : आई-वडील विभक्त, तर ‘या’ विषयांत अभ्यास संशोधन; पूजा खेडकर यांच्या मॉक इंटरव्ह्यूमधून अनेक खुलासे, VIDEO व्हायरल!

हेही वाचा – Pooja Khedkar : वादानंतर IAS पूजा खेडकर पहिल्यांदाच आल्या माध्यमांसमोर; घडल्या प्रकाराबाबत विचारणा केली असता म्हणाल्या…

हेही वाचा – महाराष्ट्रात वाघनखं कधी आणि कुठे पाहता येणार? सुधीर मुनगंटीवार यांची मोठी घोषणा; विधानसभेत म्हणाले…

फक्त एक लाखाची मदत

अंगणवाडी सेविका एकीकडे अत्यल्प मानधनावर काम करतात. मुलांना शिक्षणाचे धडे गिरविणे व पोषण आहार देण्यापासून ते इतर काही योजनांची कामेही करतात. वरचेवर योजनाबाह्य कामांची जबाबदारीही अंगणवाडी सेविकांवर सोपविण्यात येत आहे. त्यापैकीच मुख्यमंत्री माझी लाडकी बहीण योजनेचे ऑनलाईन अर्ज भरून घेण्याची जास्तीची जबाबदारी अंगणवाडी सेविकांवर लादण्यात आली आहे. कामाचा ताण वाढल्यामुळेच अंगणवाडी सेविका सुरेखा आतकरे यांचा हृदयविकाराने मृत्यू झाल्याचे महाराष्ट्र राज्य अंगणवाडी सेविका संघटनेचे सचिव सूर्यमणी गायकवाड यांनी सांगितले. त्यांच्या वारसदारांना शासनाकडून जेमतेम एक लाख रुपयांची मदत मिळू शकते. ही मदत खूप अत्यल्प असून जखमेवर मीठ चोळणारी आहे, अशी प्रतिक्रिया त्यांनी व्यक्त केली आहे.