सोलापूर : सोलापूर जिल्ह्यात गेले दहा-अकरा दिवस उघडीप दिल्यानंतर पावसाने पुन्हा काही भागात हजेरी लावली. दुसरीकडे खरीप हंगामात पिकांच्या पेरण्यांना वेग आला असून आतापर्यंत सुमारे ६० टक्के पेरण्या झाल्या आहेत. यात सोयाबीनचा पेरा जास्त म्हणजे सरासरीच्या १३७ टक्के एवढा आहे.

जिल्ह्यात गेल्या १३ जूनपासून पावसाने दडी मारली होती. दरम्यानच्या काळात पडलेला पाऊस हलक्या स्वरूपाचा होता. पावसाने उघडीप दिल्यामुळे खरीप पेरण्यांना वेगाने सुरूवात झाली. जिल्ह्यात चालू जून महिन्यातील पावसाची सरासरी १०२.५ मिलीमीटर आहे. प्रत्यक्षात २२४.४ मिमी पाऊस झाला असून त्याची टक्केवारी २१८.९ एवढी आहे. सोमवारी सकाळी संपलेल्या २४ तासांत बार्शीत ३३.२ मिमी पाऊस झाला. तर माढ्यातही ३४.४ मिमी इतका पाऊस बरसला. करमाळा-८.७, उत्तर सोलापूर-७.९, मोहोळ-७.९, अक्कलकोट-६.४ याप्रमाणे पावसाने हजेरी लावली. मंगळवेढा, पंढरपूर, सांगोला, माळशिरस, दक्षिण सोलापूर या भागात पावसाने दडी मारली आहे. मात्र आतापर्यंत सर्वाधिक २८७.७ मिमी (३१५.८ टक्के) पाऊस मोहोळ तालुक्यात तर त्यानंतर करमाळ्यात २८६.६ (२८८.९ टक्के) पाऊस पडला आहे. माढा-२८५ (२९१.८ टक्के), बार्शी-२७४.५ (२५५.८ टक्के), उत्तर सोलापूर-२३०.६ (१९९ टक्के), पंढरपूर-२२७.३ (२१८.६ टक्के), सांगोला-२१४.४ (२१०.७ टक्के), अक्कलकोट-१६९ (१६५.७ टक्के), दक्षिण सोलापूर-१६५.३ (१८२ टक्के), मंगळवेढा-१६२ (१८१ टक्के) आणि माळशिरस-१६०.१ (१४१.७ टक्के) याप्रमाणे एकूण झालेल्या पावसाची नोंद आहे.

Devendra Fadnavis On Uddhav Thackeray Anil Parab
“उद्धव ठाकरेंच्या शिवसेनेचे सेनापती…”, फडणवीसांकडून ठाकरे गटाच्या आमदाराचं तोंडभरुन कौतुक
Rohit Sharma Statement on India Win
IND vs ENG: टीम इंडियाच्या फायनल प्रवेशासह रोहित शर्माचे विराट कोहलीवर मोठे वक्तव्य; म्हणाला, “१५ वर्ष खेळलेल्या…”
Jay Shah on Rohit Sharma captaincy
टी-२०तून निवृत्ती घेतल्यानंतर रोहित शर्माच्या कर्णधारपदाबाबत जय शाह यांची मोठी घोषणा; म्हणाले, “यापुढे तो…”
Cloudburst, heavy rain, fort Raigad
Video : किल्ले रायगडावर ढगफुटी सदृश्य पाऊस, आजपासून रायगड किल्ला पर्यटकांसाठी बंद
Swami Avimukteshwaranand met Shiv Sena UBT leader Uddhav Thackeray
Swami Avimukteshwaranand : ‘विश्वासघातकी लोक हिंदू कसे?’, शंकराचार्य स्वामी अविमुक्तेश्वरानंद यांचा घणाघात; म्हणाले, “उद्धव ठाकरे पुन्हा..”
Rohit Sharma abused Rishabh Pant and badly scolds for Dropped Easy Catch of Mitchell Marsh Video Viral
ऋषभ पंतने सोपा झेल सोडल्याचे पाहता रोहितने भर मैदानात घातली शिवी, रागाने लालबुंद झालेल्या कॅप्टनचा VIDEO व्हायरल
Mark Rutte bicycle video
ना जाहिरातबाजी, ना सोहळा… ‘या’ देशाचे पंतप्रधान राजीनामा देऊन सायकलवर बसून घरी गेले, VIDEO व्हायरल
suryakanta patil
विधानसभा निवडणुकीच्या तोंडावरच भाजपाला धक्का; माजी मंत्री सूर्यकांता पाटील शरद पवार गटात प्रवेश करणार?

हेही वाचा >>>“दोन दिवस थांबा, राज्याला हादरवून सोडणारा खुलासा…”, रोहित पवार यांचं मोठं विधान

खरीप पिकांसाठी पोषक वातावरण आसल्यामुळे खरीप पिकांच्या पेरण्याची लगबग वाढली असून बार्शी, दक्षिण सोलापूर, उत्तर सोलापूर व अक्कलकोट परिसरात सोयाबीनचा पेरा वाढला आहे. विशेषतः बार्शीत ४१ हजार ७९६ हेक्टर क्षेत्रात सोयाबीनची लागवड झाली आहे. जिल्ह्यात सोयाबीनचे सरासरी लागवड क्षेत्र ४७ हजार ६७ हेक्टर असताना प्रत्यक्षात ६४ हजार ५८३ हेक्टर क्षेत्रात सोयाबीनचा पेरा झाला आहे. उडीद (७४.४६ टक्के),  मका (६९.७६ टक्के), तूर (३७.०४ टक्के), बाजरी (२७.३७ टक्के) आदी पिकांची लागवड झाली आहे. जिल्ह्यात खरीप पेरण्यांचे एकूण सरासरी क्षेत्र दोन लाख ८९ हजार ५७० हेक्टर एवढे आहे. त्यापैकी आतापर्यंत ५९.७९ टक्के म्हणजे एक लाख ७३ हजार १४५.६ हेक्टर क्षेत्रात पेरण्या झाल्या आहे.