SSC HSC Practical Exam : दहावी-बारावीच्या प्रात्यक्षिक परीक्षांसाठीही आता भरारी पथके‌ तैनात…

दहावी आणि बारावीच्या प्रात्यक्षिक परीक्षांमध्ये पारदर्शकता आणण्यासाठी राज्य मंडळाने यंदा प्रथमच लेखी परीक्षेप्रमाणे भरारी पथके तैनात करण्याचा आणि प्रयोगांचे जिओ टॅग फोटो मागवण्याचा ऐतिहासिक निर्णय घेतला आहे.

ssc hsc practical exam special squads strict monitoring maharashtra board geo tagging drone surveillance stricter rules

कॉपीमुक्त वातावरणासाठी राज्य मंडळाचा कडक बंदोबस्त.

अहिल्यानगर : राज्य परीक्षा मंडळातर्फे घेतल्या जाणाऱ्या इ. १२ वीच्या विद्यार्थ्यांच्या प्रात्यक्षिक परीक्षा जानेवारीच्या शेवटच्या आठवड्यात तर इ. १०वी विद्यार्थ्यांच्या प्रात्यक्षिक परीक्षा फेब्रुवारीच्या पहिल्या आठवड्यात सुरू आहेत. यंदा प्रथमच मंडळाने दहावी- बारावीच्या लेखी परीक्षांप्रमाणे प्रात्यक्षिक परीक्षा पारदर्शक व्हावी, यासाठी भरारी पथके नियुक्त करण्याचा निर्णय घेतला आहे. विशेष म्हणजे याकाढून भरारी पथकाला शाळांमधील प्रयोगशाळांची छायाचित्रे, जर्नल, विद्यार्थी प्रयोग करतानाचे छायाचित्रे काढून मंडळाला पाठवायची आहेत.

जिल्ह्यात इयत्ता बारावीच्या विद्यार्थ्यांसाठी ११६ तर दहावीच्या विद्यार्थ्यांची १८९ परीक्षा केंद्रे असणार आहेत. प्रत्येक केंद्राला पक्क्या भिंतीचे कुंपण, तेथील प्रत्येक वर्गात सीसीटीव्ही कॅमेरे असणार आहेत आणि परीक्षेवेळी शाळा परिसरावर ड्रोनची ठेवली जाणार आहे.

लेखी परीक्षेवेळी पर्यवेक्षकांमध्येही सरमिसळ (आपल्या शाळेचे विद्यार्थी ज्या केंद्रांवर नाहीत तेथे पर्यवेक्षक) असणार आहे. तत्पूर्वी होणार्‍या प्रात्यक्षिक तथा तोंडी परीक्षेतही मंडळाने लक्ष घातले आहे. प्रत्येक शाळांवर जाणार्‍या बहिस्थ: परीक्षकांची नावे मंडळाकडूनच अंतिम केली जाणार आहेत. प्रात्यक्षिक परीक्षेवेळी अचानक भेटी देणार्‍या भरारी पथकामध्ये गटशिक्षणाधिकारी, विस्ताराधिकारी, उपशिक्षणाधिकारी व शिक्षणाधिकारी असणार आहेत. इयत्ता दहावी-बारावीच्या विद्यार्थ्यांची प्रात्यक्षिक व लेखी परीक्षा पारदर्शक होण्यासाठीपर्यंत मंडळाने हे बदल केल्याचे नमूद केले आहे.

हेही वाचा

Central Railway Special Trains : भुसावळ–मिरज, अमरावती–पनवेल अनारक्षित विशेष रेल्वे गाड्या धावणार…

प्रात्यक्षिक परीक्षेसाठी आता अनुदानित शाळांवरील शिक्षक बहिस्थ: परीक्षक म्हणून खासगी स्वयं अर्थसहाय्यित शाळांवर जातील. स्वयंअर्थसहाय्यिता शाळांवरील शिक्षक खासगी अनुदानित शाळांमधील प्रात्यक्षिक परीक्षा घेतील. लेखी परीक्षेत प्रत्येक वर्गात सीसीटीव्ही कॅमेरा असेल. तेथील पर्यवेक्षकाचे मोबाईल झूमद्वारे जोडले जातील. जिल्ह्याच्या ठिकाणी असलेल्या संनियंत्रण कक्षातून वरिष्ठ अधिकारी परीक्षेवर लक्ष ठेवतील.

परीक्षकांनी तपासायच्या बाबी

प्रात्यक्षिक परीक्षेवेळी शाळांना भेटी देणार्‍या भरारी पथकाने नेमकी काय माहिती पडताळायची, याचा नमुना राज्य परीक्षा मंडळाने दिला आहे. त्या शाळेत अद्ययावत लॅब आहे का, प्रयोगशाळेत प्रयोग होतात का, विद्यार्थ्यांनी जर्नल व्यवस्थित पूर्ण केली आहेत का, अशा बाबी भरारी पथकातील अधिकार्‍यांनी तपासायच्या आहेत. त्यानंतर त्याचे जीओ टॅग छायाचित्र मंडळाला पाठवायचे असल्याचे परीक्षा परिषदेने नमूद केले आहे.

हेही वाचा

MPSC DGIPR Recruitment : ‘एमपीएससी’चा ढिसाळपणा; तीन वर्षांपासून भरती प्रक्रिया रखडली, आता सरकारकडून प्रतिनियुक्तीवर अधिकारी…

बैठकांना मुख्याध्यापकांची अनुपस्थिती

पुणे विभागीय मंडळाचे अध्यक्षही औदुंबर उकीरडे यांनी उत्तर नगर जिल्ह्यातील दहावी आणि बारावीच्या शाळांचे मुख्याध्यापक व प्राचार्य यांची लोणी येथे तर दक्षिण जिल्ह्यातील शाळा मुख्याध्यापक व प्राचार्य यांची बैठक अहिल्यानगरमध्ये घेतली. या बैठकीला मुख्याध्यपक व प्राचार्य यांनी स्वत: हजर राहण्यास सांगण्यात आले होते. मात्र, यावेळी अनेकांनी आपले प्रतिनिधी या बैठकीला पाठवले होते.