सोलापूर : उत्तर सोलापूर तालुक्यातील पाथरी येथे एका शेततळ्यात तिघा मायलेकींचा पाण्यात बुडून मृत्यू झाला. शुक्रवारी दुपारी चारच्या सुमारास ही दुर्घटना उजेडात आली. मात्र हा प्रकार अपघाती, आत्महत्येचा की हत्येचा आहे, याचा उलगडा लगेचच झाला नाही.

सारिका अक्षय ढेकळे (वय २२) हिच्यासह तिच्या मुली गौरी (वय ५) आणि आरोही (वय २) अशी दुर्दैवी मृतांची नावे आहेत. यासंदर्भात पाथरी गावचे उपसरपंच श्रीमंत बंडगर यांनी दिलेल्या प्राथमिक माहितनुसार मृत सारिका हिचे पती अक्षय ढेकळे यांची गावच्या शिवारात द्राक्ष बाग आहे. शेजारीच त्यांच्या बहिणीचीही शेती आहे. तेथे शेततळे उभारले आहे. सारिका व तिच्या दोन्ही चिमुकल्या मुली या शेततळ्यात पडून पाण्यात बुडाल्या. त्यांना बेशुध्दावस्थेत पाण्याबाहेर काढून रूग्णालयात दाखल केले असता तिघींचा मृत्यू झाल्याचे वैद्यकीय अधिकाऱ्यांनी स्पष्ट केले. या दुर्घटनेमुळे पाथरी गावावर शोककळा पसरली आहे. गेल्या २ जानेवारी रोजी याच तालुक्यात मार्डी येथेही शेततळ्यातील पाण्यात बुडून तीन किशोरवयीन मुलींचा मृत्यू झाला होता. त्यानंतर आता पाथरी येथे ही दुसरी दुर्घटना घडली.

Death of mother and son due to contact with electric wire installed in the field in Boisar
बोईसर: शेतामध्ये लावलेल्या विद्युत तारेचा स्पर्श होऊन आई- मुलाचा मृत्यू
Sale of pistol by prisoner
पुणे : जन्मठेपेची शिक्षा भोगणाऱ्या कैद्याकडून पिस्तूल विक्री; पिस्तुलासह तीन काडतुसे जप्त
pune crime news, pune koyta gang marathi news, pune school boy koyta attack marathi news
पुणे : शाळकरी मुलावर कोयत्याने वार; अल्पवयीन मुलांसह साथीदारांवर गुन्हा
traffic problem in Pune
पुण्यातील बिघडलेल्या वाहतूक समस्येची उच्च न्यायालयाकडून दखल, परिस्थितीचा फेरआढावा घेण्याचे पुणे पोलीस आयुक्तांना आदेश