नुकत्याच झालेल्या लोकसभा निवडणुकीत बारामती मतदारसंघातून पराभूत झालेल्या सुनेत्रा पवार यांनी आता राज्यसभेसाठी उमेदवारी अर्ज भरला आहे. राज्यसभेच्या १० जागांसाठी आता निवडणुका होणार आहेत. त्यासाठी सुनेत्रा पवार यांनी काही वेळापूर्वी महाराष्ट्र विधान भवनात जाऊन उमेदवारी अर्ज दाखल केला. त्यानंतर सुनेत्रा पवार यांनी प्रसारमाध्यमांशी बातचीत केली. तसेच त्यांनी पक्षांतर्गत नाराजीच्या चर्चेवरही भाष्य केलं. सुनेत्रा पवार म्हणाल्या, “पक्षाने मला राज्यसभेची अधिकृत उमेदवारी दिली आहे, त्याबद्दल पक्षाचे राष्ट्रीय अध्यक्ष अजित पवार, इतर नेते आणि पदाधिकाऱ्यांचे मी आभार मानते.” दरम्यान, सुनेत्रा पवार यांनी यावेळी स्पष्ट केलं की “उमेदवारी अर्ज भरण्यासाठी १८ जूनपर्यंतची मुदत आहे. त्यामुळे विजयासाठी वाट पाहावी लागेल. मी त्याबद्दल आत्ताच कोणतंही वक्तव्य करणार नाही.”

राज्यसभेच्या उमेदवारीसाठी अजित पवार गटातील वरिष्ठ नेते तसेच राज्याचे अन्न आणि नागरी पुरवठा मंत्री छगन भुजबळ, पक्षाचे प्रवक्ते आनंद परांजपे, माजी आमदार बाबा सिद्दीकी इच्छुक होते. मात्र त्यांना डावलून सुनेत्रा पवार यांना उमेदवारी दिल्यामुळे भुजबळ आणि परांजपे नाराज असल्याची चर्चा आहे. तसेच महायुतीतले इतर मित्रपक्ष देखील या उमेदवारीवर नाराज असल्याचं बोललं जात आहे. याबाबत सुनेत्रा पवार यांना प्रश्न विचारल्यावर त्या म्हणाल्या, “अशी कोणत्याही प्रकारची नाराजी आम्हाला दिसलेली नाही. पक्षाने बैठक घेऊन सर्वानुमते माझ्या उमेदवारीचा निर्णय घेतला आहे.”

Protest against Home Minister Amit Shah criticism of Uddhav Thackeray
उद्धव ठाकरेंना ‘औरंगजेब फॅन क्लबचे अध्यक्ष’ संबोधल्याने शिवसैनिक संतापले, अमित शाहांच्या पुतळ्याचे दहन
Anger about allies in BJP meeting  Complaints of Shiv Sena  NCP not working in Lok Sabha Mumbai
भाजपच्या बैठकीत मित्रपक्षांविषयी नाराजी; शिवसेना, राष्ट्रवादीने लोकसभेत काम न केल्याच्या तक्रारी
Thane Congress president, thane,
ठाणे काँग्रेस अध्यक्ष बदलाच्या चर्चेला पूर्णविराम, अफवा पसरवून गटबाजी करणाऱ्यांवर कारवाईचे प्रदेशाध्यक्षाचे संकेत
guardian minister uday samant statement on mla bharat gogawale after press reporter question
भरत गोगावले हेच रायगडचे अदृश्य पालकमंत्री; पालकमंत्री उदय सामंत यांचे स्पष्टीकरण
charulata tokas
‘या’ बड्या महिला काँग्रेस नेत्यास थेट मुख्यमंत्र्यांकडूनच विधानसभेची ऑफर…पक्षात घुसमट होत….
Ganesh Naik challenged the Chief Minister through CIDCO and Urban Development Department
अस्वस्थ गणेश नाईक यांचे थेट मुख्यमंत्र्यांनाच आव्हान
Ganesh Naik, eknath shinde,
अस्वस्थ गणेश नाईकांचे थेट मुख्यमंत्र्यांनाच आव्हान
Sharad Pawar, Sharad Pawar latest news,
कोणत्याही खासदाराला पुन्हा निवडणुका नको वाटतात – शरद पवार

दरम्यान, सुनेत्रा पवार यांना यावेळी विचारण्यात आलं की तुमचा पक्ष केवळ अजित पवार यांच्या कुटुंबापुरता सीमित झाला आहे अशी टीका होत आहे, त्याबाबत काय सांगाल? त्यावर सुनेत्रा पवार म्हणाल्या, “माझ्या उमेदवारीचा निर्णय पक्षातील सर्व वरिष्ठ नेत्यांनी मिळून घेतला आहे. आज माझा उमेदवारी अर्ज भरताना स्वतः छगन भुजबळ यांच्यासह पक्षातील इतर नेतेही उपस्थित होते. त्यांनी मला शुभेच्छा दिल्या. त्यामुळे मी ठामपणे सांगेन की पक्षात कोणत्याही प्रकारची नाराजी नाही.”

हे ही वाचा >> “नेमकं तेच झालं; प्रचारकाळात लोक बोलत नव्हते, पण…”, शरद पवारांनी सांगितलं बारामतीची निवडणूक कशी जिंकली

पार्थ पवार नाराज?

सुनेत्रा पवार म्हणाल्या, “माझ्या उमेदवारीबाबत जनतेतून मागणी होत होती. अनेक कार्यकर्ते आणि पदाधिकाऱ्यांनी देखील अशी मागणी केली होती. मात्र मी आमच्या कार्यकर्त्यांना विनंती केली की माझ्या उमेदवारीचा अग्रह धरू नये. मात्र त्यांनी माझ्या उमेदवाराची मागणी लावून धरली, खूप मोठ्या प्रमाणात मागणी झाल्यानंतर पक्षाने हा निर्णय घेतला.” सुनेत्रा पवार यांचे पुत्र पार्थ पवार हे देखील राज्यसभेच्या उमेदवारासाठी इच्छुक होते. त्यामुळे सुनेत्रा पवारांच्या उमेदवारी अर्जामुळे ते देखील नाराज असल्याची चर्चा आहे. यावर सुमित्रा पवार म्हणाल्या. पार्थ पवार यांनी देखील मला सांगितलं की कार्यकर्त्यांच्या मागणीनुसार तुम्हीच राज्यसभेसाठी अधिकृत उमेदवार असलं पाहिजे. स्वतः पार्थ पवार यांचा देखील तसाच अग्रह होता.