मागील काही महिन्यांपासून मणिपूरमध्ये हिंसाचाराच्या घटना घडत आहेत. दोन समुदायातील वादामुळे तेथे कायम तणावाचे वातावरण आहे. हिंसाचाराच्या घटनांमध्ये अनेक लोकांचा मृत्यूही झाला होता. तसेच अनेकदा जाळपोळीच्या घटनाही घडल्या आहेत. अशातच मणिपूरमधील या परिस्थितीबाबत काल राष्ट्रीय स्वयंसेवक संघाचे सरसंघचालक मोहन भागवत यांनीही अप्रत्यक्षपणे मोदी सराकरला लक्ष्य केलं. दरम्यान, आता शरद पवार गटाच्या खासदार सुप्रिया सुळे यांनीही मणिपूरच्या मुद्द्यावरून मोदी सरकारवर टीकास्र सोडलं आहे.

सुप्रिया सुळे यांनी आज पुण्यात पावसाच्या परिस्थितीची पाहणी केली. त्यानंतर त्यांनी माध्यमांशी संवाद साधला. यावेळी त्यांना मोहन भागवत यांच्या विधानाबाबतही विचारण्यात आलं. यासंदर्भात बोलताना, मणिपूरच्या प्रश्नाकडे मोदी सरकार दुर्लक्ष करतंय हे खरं करून असून ते मणिपूरचा म देखील बोलायला तयार नाहीत, अशी टीका त्यांनी केली.

Chandrakant Patil Uddhav Thackeray
लोकसभेच्या निकालानंतर ठाकरे-भाजपाचं मनोमिलन? चंद्रकांत पाटलांच्या ‘त्या’ वक्तव्यामुळे तर्कवितर्कांना उधाण
sudhir mungantiwar on raj thackeray
राज ठाकरेंना नरेंद्र मोदींच्या शपथविधीचं निमंत्रण का नाही? सुधीर मुनगंटीवारांनी दिलं स्पष्टीकरण; म्हणाले…
What Chandrkant Patil Said?
चंद्रकांत पाटील यांचं सूचक वक्तव्य, “भाजपात एकदा ठरलं की मुंगीलाही कळत नाही, विनोद तावडे…”
Maharashtra Lok Sabha Election Result 2024 Updates in Marathi
Maharashtra Lok Sabha Election Result 2024: महाराष्ट्रातील ४८ मतदारसंघात काय आहे स्थिती? कुणाला मिळाला विजय; कोण आघाडीवर? जाणून घ्या…
yogendra yadav
“लोकसभेच्या निकालानंतर अजित पवार आणि एकनाथ शिंदे…”, योगेंद्र यादव यांचं मोठं विधान!
Manoj Jarange Warning to Devendra Fadnavis
लोकसभेच्या निकालानंतर मनोज जरांगेंचा देवेंद्र फडणवीसांना इशारा, “..तर विधानसभेला इंगा”
PM narendra modi and joe biden
Lok Sabha Election Result 2024 Updates : इंडिया आघाडीचं ठरलं; सध्या ‘वेट अँड वॉच’च्या भूमिकेत, पण योग्य वेळी योग्य पाऊल उचलण्याचं सूचक विधान!
Raghuram Rajan reuters
“निवडणुकीत भाजपाचा पराभव झाला तर…”, भारताच्या अर्थव्यवस्थेबाबत माजी RBI गव्हर्नर रघुराम राजन यांचं मोठं वक्तव्य

हेही वाचा – मुरलीधर मोहोळांचा सुप्रिया सुळेंना टोला, “सोन्याचा चमचा घेऊन जन्मलेल्यांची मळमळ…”

नेमकं काय म्हणाल्या सुप्रिया सुळे?

“गेल्या वर्षभरात मणिपूरच्या प्रश्नावर अनेकदा चर्चा झाली आहे. मणिपूर हा आपल्या देशाचा महत्त्वाचा भाग आहे. तिथल्या महिला, मुलं, पुरुष हे सगळे भारतीय आहेत. काल परवाच मणिपूरच्या मुख्यमंत्र्यांच्या ताफ्यावरही हल्ला झाला आहे. यांचा अर्थ काही तरी चुकतयं”, असं सुप्रिया सुळे म्हणाल्या.

“मणिपूरच्या प्रश्नावर संसदेत चर्चा व्हावी, अशी मागणी आम्ही अनेकदा केली आहे. मात्र, केंद्र सरकारने यावर चर्चा केली नाही. हे सरकार मणिपूरचा म देखील बोलायला तयार नाही. इंडिया आघाडीच्या नेत्यांनी मणिपूरमध्ये जाण्याचा प्रयत्न केला. मात्र, त्यांना तिथे जाऊ दिलं नाही. मणिपूर हा भारताचा अविभाज्य भाग आहे, मग तिथल्या लोकांना अशी वागणूक का दिली जात आहे”, असा प्रश्नही त्यांनी विचारला.

हेही वाचा – “नाद करा! पण शरद पवारांचा कुठं? ते थेट..”, निलेश लंकेंचा अजित पवारांना टोला

मोहन भागवत काय म्हणाले होते?

दरम्यान, काल ( मंगळवारी ) नागपूरमधील एका कार्यक्रमात बोलताना राष्ट्रीय स्वयंसेवक संघाचे सरसंघचालक मोहन भागवत यांनी मणिपूरच्या मुद्द्यावरून मोदी सरकारला अप्रत्यक्षपणे लक्ष्य केलं होतं. “गेल्या एका वर्षापासून मणिपूर शांतता प्रस्तापित होण्याची वाट बघतो आहे. त्यापूर्वी १० वर्ष मणिपूरमध्ये शांतता होती. तेथील गन कर्ल्चर संपुष्टात आलं, असं वाटत होतं. मात्र, काही महिन्यांपूर्वी तिथे अचानक हिंसाचार उफाळून आला किंवा उफाळून आणल्या गेला. तेव्हापासून आजपर्यंत मणिपूरमध्ये हिंसाचाराच्या घटना घडत आहेत. या मुद्द्याकडे प्राथमिकतेने लक्ष्य द्यायला हवं. हे आपलं कर्तव्य आहे”, अशी प्रतिक्रिया मोहन भागवत यांनी दिली होती.