रामनवमी उत्साहात साजरी करण्याचे आदेश देऊन ‘हिंदू जननायक’ परदेश दौऱ्यावर पळाले, अशी खोचक टीका राष्ट्रवादी काँग्रेस पक्षाचे आमदार अमोल मिटकरी यांनी महाराष्ट्र नवनिर्माण सेनेचे अध्यक्ष राज ठाकरे यांच्यावर केली आहे. दरम्यान, शिवसेना (ठाकरे गट) नेत्या सुषमा अंधारे यांनीदेखील राज ठाकरे यांच्यावर निशाणा साधला आहे.

या बातमीसह सर्व प्रीमियम कंटेंट वाचण्यासाठी साइन-इन करा

सुषमा अंधारे म्हणाल्या की, काही लोक कार्यकर्त्यांना आदेश देतात पण स्वतः त्याचं पालन करत नाहीत. अशा लोकांना आमच्या गावाकडचे लोक उंटावरून शेळ्या हाकणारे असं म्हणतात. म्हणजेच केवळ कार्यकर्त्यांना आदेश द्यायचे आणि स्वतः मात्र त्याचं पालन करायचं नाही. अशाच काळात या लोकांचे खरे चेहरे उघडे पडतात.

संपूर्ण देशभरात काल (३० मार्च) श्रीराम नवमी मोठ्या उत्साहात साजरी करण्यात आली. देशभरातल्या वेगवेगळ्या ठिकाणी असलेल्या राम मंदिरांमध्ये भाविकांनी गर्दी केली होती, अनेक ठिकाणी शोभायात्रा आणि प्रभात फेऱ्या काढण्यात आल्या. श्रीरामाची जन्मभूमी असलेल्या अयोध्येत मोठा उत्साह साजरा करण्यात आला.

हे ही वाचा >> “…तर स्वत:च्या भावाला पक्ष देण्याचं धाडस दाखवा”, अमोल मिटकरींचं राज ठाकरेंना आव्हान

राज ठाकरेंना अमोल मिटकरींचा टोला

राज ठाकरेंच्या परदेश दौऱ्यावर अमोल मिटकरी यांनी ट्विटद्वारे टीका केली होती. मिटकरी यांनी लिहिलं होतं की, रामनवमी साजरी करण्याचा आदेश देऊन स्वतः मात्र यामध्ये सहभागी नसणारे तथाकथित ‘हिंदू जननायक’ परदेश दौऱ्यावर पळाले. त्यामुळे आता राम नवमी बिचाऱ्या कार्यकर्त्यांनाच साजरी करायची आहे. याला म्हणतात, “हंस चुगेगा दाना तिनका, कौआ मोती खायेगा”

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Sushma andhare slams raj thackeray for foreign tour on ram navami 2023 asc
First published on: 31-03-2023 at 07:42 IST