रायगड : तळीये दुर्घटनेतील मृतांची संख्या ८५ वर ; जखमी महिलेचा मृत्यू

मुंबईतील जे जे रुग्णालयात सुरू होते उपचार

अलिबाग – महाड तालुक्यातील तळीये येथील दरड दुर्घटनेतील जखमी महिलेचा गुरुवारी संध्याकाळी उपचारादरम्यान मृत्यू झाला. संगीता कोंडाळकर असे या मृत महिलेचे नाव आहे. जखमी संगीता कोंडाळकर यांच्यावर मुंबईतील जे जे रुग्णालयात उपचार सुरू होते. तळीये दरड दुर्घटनेत आतापर्यंत ८४ जणांचा मृत्यू झाला होता, आता मृतांची संख्या ८५ वर पोहोचली आहे.

तळीये ग्रामस्थांच्या पुनर्वसनाला गती

तर, महाडमधील तळीये गावात कोंढाळकरवाडीतील दरडग्रस्तांच्या पुनर्वसन योजनेला वेग देण्यात आला आहे. सध्या दोन एकर जागेवर त्यांचे तात्पुरते पुनर्वसन करण्यात येत आहे. तर ६० कुटुंबांचे कायमस्वरूपी पुनर्वसन करावे लागणार असून यासाठी कोंढारकरवाडीतील १२ एकर जागा निश्चिात करण्यात आली आहे. या जागेच्या संपादनासाठीचा प्रस्ताव लवकरच राज्य सरकारला सादर केला जाणार आहे. दुसरीकडे म्हाडानेही ‘प्री फॅब’ पद्धतीच्या घरांचे दोन नमूने तयार करून घेण्यास सुरुवात केली असून आठवड्याभरात हे नमूने म्हाडा मुख्यालयात पहायला मिळणार आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: The death toll in the accident in taliye village has risen to 85 injured woman dies msr

Next Story
नाकर्त्यां लोकप्रतिनिधींमुळे पूरग्रस्त अन्नछत्रात!
ताज्या बातम्या